Kɛwalew 16:9 - ALA KA KUMA

⁹ Loon dɔ sufɛ, Pɔli ye Maseduwanika dɔ ye siko la. Cɛɛ nin ye Pɔli daali kosɔbɛ ko a ka sabali ka na bɔ olu fɛ Maseduwani ka olu dɛmɛ.

Jula NT of Côte d’Ivoire

⁹ O lon su fɛ Ala ka fɛn dɔ yira Pɔli ra: a ka Masedonikacɛ dɔ lɔnin ye, o b’a daarira k’a fɔ a ye ko: «Sabari ka na Masedoni ka na an dɛmɛ.»

LAYIDUKURA

⁹ Ayiwa, loon dɔ sufɛ, Pɔli ye Maseduwanika dɔ ye sigo la. Cɛɛ nin ye Pɔli dali kosɛbɛ ko a ka sabali ka na bɔ olu fɛ Maseduwani ka olu dɛmɛ.

Kɛwalew 16:9 Iomraidhean Croise

Kɛwalew 10:3

Loon dɔ tile sumanin kɔ dɔɔni, Kɔrinɛyi ye Ala ka mɛlɛkɛ dɔ ye ka gwɛ kosɔbɛ. Mɛlɛkɛ nin donna a fɛ k'a fɔ a ye ko: «Kɔrinɛyi!»

Kɛwalew 10:30

Kɔrinɛyi y'a jaabi ko: «A tile saba tɛmɛnin filɛ nin ye, nin waati yɛrɛ ɲɔgɔn na, ne tun be Ala daalila n ka soo wulafɛ. Ne barila ka cɛɛ dɔ ye n ɲakɔrɔ, a kannafani gwɛnin tun lo parapara.

Kɛwalew 16:10

O kɔ, an y'a laɲini o yɔrɔnin bɛɛ ko an be taga Maseduwani, bari an lanin tun b'a la ko Ala le b'an welela o yɔrɔ la, waasa k'a ka kibaru diman fɔ.

Kɛwalew 16:12

An bɔra o yɔrɔ la ka taga Filipi. Filipi le tun ye Maseduwani mara duguba ye. Ɔrɔmukaw le tun siginin be yen. An ye tile damani kɛ yen.

Kɛwalew 18:5

Silasi ni Timote nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira zuwifuw la ko Yezu le ye Ala ka Mɔgɔ wolomanin ye.

Kɛwalew 19:21

O kɛnin kɔ, Pɔli y'a ŋaniya ta ko a be taga Maseduwani ani Akayi mara la, ka sɔrɔ ka segi Zeruzalɛmu. A tun ko n'ale tagara o yɔrɔ nunu na ka ban, ko a ka kan ka se Ɔrɔmu fana.

Kɛwalew 19:22

A y'a dɛmɛbaga fila ci Maseduwani mara la. Olu tun ye Timote ni Erasiti ye. Nga ale Pɔli tora Azi mara la ka lafila kɛ tugu.

Kɛwalew 19:29

Mankan nin boɲana fɔɔ ka dugu bɛɛ ɲagami. Mɔgɔw tora ka mankan ci ka girin ka dugu ɲɔgɔnlajɛnyɔrɔba sɛgɛrɛ. U ye Pɔli taamaɲɔgɔn fila dɔ minɛ ka taga n'u ye. O tun ye Gayusi ani Arisitaraki ye. Maseduwanikaw tun lo.

Kɛwalew 20:1

Mankanba nin nɔgɔyara tuma min na, Pɔli ye kalandenw lajɛn ka ladili d'u ma, k'u jaa gwɛlɛya. O kɔ, a ye sira ɲini u fɛ, ka taga Maseduwani mara la.

Kɛwalew 20:3

ka kalo saba kɛ o yɔrɔ la. A bɔtɔ yen, a ko a be kurun ta ka taga Siri mara la. A y'a mɛn ko zuwifu nunu ye janfa siri a la k'u b'a faga. O la, a kɔsegira ka taga bɔ Maseduwani faan fɛ.

Kɛwalew 27:2

An donna Adaramisiyɔmu kurun dɔ kɔnɔ, ale tun be tagara Azi mara gɛrɛfɛ. Arisitaraki tun be n'an ye. Ale tun ye Tesalonika ye Maseduwani mara la.

Kɛwalew 9:38

Zope ni Lida man jan ɲɔgɔn na minkɛ, kalandenw y'a mɛn ko Piyɛri b'o yɔrɔ la. U ye mɔgɔ fila ci ka taga fɛ k'a daali ko a ka teliya ka na bɔ u fɛ Zope joona joona.

Rɔmukaw 15:26

Bari Krista kɔmɔgɔ minw be Maseduwani mara ni Akayi mara la, olu b'a fɛ ka Ala ka mɔgɔw dɛmɛ Zeruzalɛmu, bari u dɛsɛnin be.

Kor 2nan 11:9

Tuma min na ne tun b'aw fɛ yen, ni fɛɛn dɔ makoya tun be ne la, ne tun t'o minɛ aw si fɛ, bari an balima minw bɔra Maseduwani mara la ka na, olu le lɔra ni ne ka koo ye. Ne banbana janko ne kana kɛ aw si ka doni ye koo si la, a fana tena kɛ aw ta ye.

Kor 2nan 12:7

Balabu dɔ ye ne sɔrɔ, a nana i n'a fɔ Sutana ka ciden waasa ne ye kabako minw ye, ne kana se ka ne yɛrɛ boɲa olu kosɔn.

Kor 2nan 7:5

An sera Maseduwani mara la tuma min na, an ma lafiɲɛyɔrɔ sɔrɔ tɔɔrɔ sifa bɛɛ bolo. An tun be kɛlɛ kɛ ni dɔw ye, ani siranya tun be anw na.

Kor 2nan 8:1

Ne balimaw, Ala ye nɛɛma min kɛ Krista ka jama ye Maseduwani mara la, an b'a fɛ aw k'o lɔn.

Kor 2nan 9:2

Ne b'a lɔn ko aw sɔnnin lo, o le y'a to ne ye n yɛrɛ boɲa aw kosɔn Krista ka jamakuluw cɛma minw be Maseduwani mara la. Ne y'a fɔ u ye ko aw Akayikaw ka bolomafara labɛnna ka ban kabini salon. O la, aw ka jijali y'a kɛ Krista ka jama caaman banbana.

Sariya 30:13

A te kɔgɔji kɔfɛ fana ni aw ka kan k'a fɔ ko: ‹Jɔn bena kɔgɔji tigɛ ka ta'a yɔrɔ ɲini, ka n'a fɔ an ye, waasa an ka se k'a mara?›

Tes fɔlɔ 4:10

Aw b'o la aw balimaw faan fɛ, minw be Maseduwani mara bɛɛ la. Nga an b'a ɲini aw fɛ ko aw ka dɔ fara a kan tugu.