Kɛwalew 16:34 - ALA KA KUMA

³⁴ A ye dumuni d'u ma a ka soo. Ale n'a ka somɔgɔw bɛɛ nisɔn diyara, bari u lara Ala la.

Jula NT of Côte d’Ivoire

³⁴ O kɔ fɛ, kasobon kɔrɔsibaga tagara ni Pɔli ni Silasi ye a ta bon kɔnɔ ka taga domuni di o ma. Ale ni a ta gbamɔgɔw bɛɛ ɲagarira kosɛbɛ, sabu o lara Ala ra.

LAYIDUKURA

³⁴ Ayiwa, a ye dumuni d'u ma a ka soo. Ale n'a ka somɔgɔw bɛɛ nisɔn diyara, bari u lara Ala la.

Kɛwalew 16:34 Iomraidhean Croise

Ezayi 55:12

Tiɲɛ na, aw bena bɔ Babilɔni ni nisɔndiya ye, aw bena taga hɛrɛ la. Aw ka tɛmɛsira kan, kuluw ni tintinw bena nisɔndiyapɛrɛnkan bɔ, kongo kɔnɔ yiriw bɛɛ bena tɛgɛrɛ fɔ.

Ezayi 61:10

Ne Zeruzalɛmu nisɔn ka di kosɔbɛ Masaba barika la. Ne dusu ka di ne ka Ala sababu la. Bari, a ye kisili fani don ne kaan na, a ye tilenninya deleke don ne kaan na, i ko kɔɲɔcɛ min masirinin be ni sarakalasebaga ka kunmelekefani ɲɔgɔn ye, i ko kɔɲɔmuso min y'a yɛrɛ masiri.

Luka 15:32

Nga an ka kan ka nisɔndiya ka ɲanagwɛ, bari i dɔgɔnin min filɛ nin ye, a kɛra i n'a fɔ a sara ka kunun, a tun tununa, nga a yera.› »

Luka 19:6

Zase jigira joona joona ka taga n'a ye a ka soo ni nisɔndiya ye.

Luka 5:29

O kɔ, Levi ye dumuniba labɛn a ka soo Yezu ye. Lɛnpominɛlaw ni mɔgɔ wɛrɛw tun be yen caaman. U tun be dumuni kɛra ni Yezu n'a kɔmɔgɔw ye.

Kɛwalew 11:14

Ko a bena kuma dɔw fɔ a ye min bena kɛ sababu ye, a n'a ka somɔgɔw bɛɛ ka kisi.

Kɛwalew 16:15

Ale n'a ka somɔgɔw bɛɛ batizenin kɔ, a y'a fɔ an ye ko ni an y'a lɔn ko ale lanin be Matigi la tiɲɛ na, an ka sɔn ka na jigi ale ka luu kɔnɔ. A laban, an sɔnna a ta ma.

Kɛwalew 16:35

Dugu nana gwɛ tuma min na, kititigɛlaw ye cidenw bila ka taga fɔ a ye ko kasoden minw dira a ma kunu, ko a k'u bila.

Kɛwalew 2:46

U tun be taga Alabatosoba kɔnɔ loon o loon ka Ala bato. U tun be dumuni senuman tilantilan ɲɔgɔn fɛ soo kɔnɔ, ka to ka dumuni kɛ ni ɲɔgɔn ye nisɔndiya la. U si tun t'u yɛrɛ boɲa.

Kɛwalew 8:39

U bɔra jii kɔnɔ tuma min na, Matigi ka Nii ye Filipu ta ka bɔ yen. Cɛɛ m'a ye tugu. Nga a nisɔn diyanin tagara n'a ka sira ye.

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 5:11

O dama tɛ, an be nisɔndiya Ala kosɔn an Matigi Yezu Krista barika la, ale min sababu la, anw ni Ala cɛ bɛnna.

Rɔmukaw 5:2

Ale Yezu barika la fana, an ye niyɔrɔ sɔrɔ nɛɛma nin na an jigi sababu la. An be nisɔndiya Ala ka nɔɔrɔ koo la, bari an jigi b'a la ko an bena o ɲɔgɔn sɔrɔ.

Galasikaw 5:22

Nga Nii Senuman be fɛɛn minw di, o ye nin ye: kanuya, nisɔndiya, hɛrɛ, muɲuli, ɲumanya, hinɛ, tilenninya, sabali, ni yɛrɛminɛ.

Filipikaw 4:17

A ma kɛ ko ne be dɛmɛli le ɲinina dɛ, ne b'a fɛ dɔ le ka fara aw ka kɛwaliɲuman sara kan.

Filipikaw 4:4

Aw ka nisɔndiya tuma bɛɛ Matigi kosɔn. Halibi ne be kɔsegi k'a fɔ aw ye ko aw ka nisɔndiya.

Filemɔn 1:7

Ne balimacɛ, i ka kanuya ye ne nisɔn diya kosɔbɛ, ka jagwɛlɛya di ne ma, bari i ye Krista kɔmɔgɔw jigi tugu.

Zan fɔlɔ 3:18

Ne deenw, an kan'a fɔ an daa la dɔrɔn ko an tɔɲɔgɔn koo ka di an ye. Nga an k'a yira tiɲɛ na n'an ka kɛwaliw ye.