Kɛwalew 16:31 - ALA KA KUMA

³¹ U y'a jaabi ko: «E ka la Matigi Yezu la, e n'i ka somɔgɔw bɛɛ bena kisi.»

Jula NT of Côte d’Ivoire

³¹ Pɔli ni Silasi k’a jaabi ko: «La Matigi Yesu ra, i bɛna kisi, i ni i ta denbaya.»

LAYIDUKURA

³¹ U y'a jaabi ko: “E ka la Matigi Yezu la dɔrɔn, e n'i ka somɔgɔw bɛɛ bɛna kisi.”

Kɛwalew 16:31 Iomraidhean Croise

Damina 17:7

Ne bena bɛn n'i ye, an'i kɔmɔgɔw. O bɛɛn tena cɛn abada, ne be kɛ i ka Ala ye, n'i kɔmɔgɔw ta.

Damina 18:19

Ne y'a woloma janko a k'a deenw ladi ani olu kɔmɔgɔw, ko u ka ne, Masaba ka sira taama ni tilenninya ani tiɲɛ ye janko ne ye layidu min ta a ye, ne ka o dafa.»

Ezayi 45:22

Aw ka yɛlɛma k'aw ɲaa sin ne ma, ne bena aw kisi, aw minw be fɔɔ diɲɛ daan na. Bari, ne le ye Ala ye, dɔ wɛrɛ te yen ne kɔ.

Yeremi 32:39

Ne bena dusu kelen le d'u ma, k'u bila sira kelen kan, waasa u ka siran ne ɲa tuma bɛɛ, olu n'u deenw ka hɛrɛ kosɔn.

Habakuki 2:4

Yɛrɛboɲala filɛ, a te kotilennin lɔn.» Nga, mɔgɔtilennin bena kisi a ka lanaya barika la.

Marika 16:16

Ni mɔgɔ min lara a la ka batize, o tigi bena kisi, nga ni mɔgɔ min ma la a la, o tigi tena kisi.

Yuhana 1:12

Nga minw sɔnn'a ma, ka l'a la, a ye see di olu ma ka kɛ Ala deenw ye.

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka nii banbali sɔrɔ a barika la.

Yuhana 3:36

Ni mɔgɔ min y'a jigi la Ala Deen kan, o tigi ye nii banbali sɔrɔ ka ban. Nga ni mɔgɔ min ma sɔn k'a jigi la a Deen kan, o tigi tena nii banbali sɔrɔ, Ala ben'a tɔɔrɔ kosɔbɛ.»

Yuhana 6:40

N Faa ko ni mɔgɔ o mɔgɔ ye ne ye k'a jigi la ne kan, k'o tigi bena nii banbali sɔrɔ. Ne fana ben'a kunun labanlon na.»

Yuhana 6:47

Tiɲɛ tiɲɛ na, ne b'a fɔ aw ye ko ni min lara ne la, o tigi ye nii banbali sɔrɔ.

Kɛwalew 15:11

O yɛrɛ ka bɔ a la, anw, ni olu, an bɛɛ lanin b'a la, ko an kisira Matigi Yezu ka nɛɛma le barika la.»

Kɛwalew 16:15

Ale n'a ka somɔgɔw bɛɛ batizenin kɔ, a y'a fɔ an ye ko ni an y'a lɔn ko ale lanin be Matigi la tiɲɛ na, an ka sɔn ka na jigi ale ka luu kɔnɔ. A laban, an sɔnna a ta ma.

Kɛwalew 16:32

U ye Matigi ka kuma fɔ ale n'a ka somɔgɔw bɛɛ ye.

Kɛwalew 18:8

O kalanso kuntigi tɔgɔ tun ko Kiripusi, ale n'a ka somɔgɔw bɛɛ lara Matigi la. Korɛntika minw tun be Pɔli lamɛn, u caaman lara Matigi la, u batizera.

Kɛwalew 4:12

Kisili te se ka sɔrɔ yɔrɔ si n'ale fɛ tɛ. Bari Ala ma mɔgɔ wɛrɛ ci diɲɛ na, adamaden be se ka kisi min tɔgɔ barika la.»

Kɛwalew 8:36

K'u to sira kan, u sera jii dɔ yɔrɔ la. Cɛɛ ko: «Jii filɛ nin ye, mun be se k'i bali ka ne batize?» [

Rɔmukaw 11:16

Sumankun fɔlɔ min mɔna, n'o dira Ala ma, o b'a yira ko a tɔɔ bɛɛ be kɛ Ala ta ye. Ni yiri lili ka ɲi, yiri bolow ka ɲi.

Galasikaw 3:14

A kɛra ten, Ala tun ye hɛrɛ min koo fɔ Ibrayima ye, o ka se ka kɛ siya wɛrɛw ye Yezu Krista barika la, ani Ala tun y'a daa di Nii Senuman min koo la, an k'o sɔrɔ jigi barika la.

Galasikaw 3:22

A fɔra Ala ka kuma na ko mɔgɔ bɛɛ be hakɛ ka fanga kɔrɔ, waasa mɔgɔ minw lara Yezu Krista la, olu ka Ala ka dadili nɛɛma sɔrɔ.

Galasikaw 3:26

Bari aw minw lara Yezu Krista la, aw bɛɛ ye Ala deenw ye jigi barika la.