Kɛwalew 15:5 - ALA KA KUMA

⁵ Nga, kalanden minw tun ye *Fariziɲɛw ye ka kɔrɔ, u dɔw wilila k'a fɔ ko wajibi lo siya wɛrɛw ka kɛnɛkɛnɛ, ani u ka Musa ka sariya bato.

Jula NT of Côte d’Ivoire

⁵ Nka Farisiw* ta jɛnkuru mɔgɔ minw tun kɛra lanabagaw ye, olugu dɔw wurira k’a fɔ ko siya wɛrɛ* mɔgɔ minw lara Yesu ra, ko jagboya lo olugu ye kɛnɛsigi, ani k’a fɔ o ye ko o ka kan ka Musa ta sariya* sira tagama.

LAYIDUKURA

⁵ Nga, kalanden minw tun ye Farizinyɛw ye ka kɔrɔ, u dɔw wilila k'a fɔ ko wajibi lo siya wɛrɛw ka kɛnɛkɛnɛ, ani u ka Musa ka sariya labato.

Kɛwalew 15:5 Iomraidhean Croise

Matiyu 3:7

Zan y'a ye ko *Fariziɲɛ caaman ni *Saduseɲɛ caaman be nana batize ale fɛ minkɛ, a y'a fɔ u ye ko: «Aw fɔnfɔnnidenw, jɔn y'aw lasɔmi ko aw ka boli Ala ka kiti nata ɲa?

Kɛwalew 15:1

Mɔgɔ dɔw nana Antiyɔsi ka bɔ Zude mara la k'a fɔ balimaw ye ko n'u ma kɛnɛkɛnɛ i ko Musa y'a fɔ cogo min na, k'u tena se ka kisi.

Kɛwalew 15:24

«An y'a mɛn ko mɔgɔ dɔw bɔra anw fɛ Zeruzalɛmu, ka taga aw hakili ɲagami ni kumafu ye, k'a sɔrɔ an m'u ci.

Kɛwalew 21:20

A lamɛnbagaw bɛɛ ye barika la Ala ye. O kɔ, u y'a fɔ a ye ko: «An balimacɛ, i ɲaa b'a la ko zuwifuw caaman be yan minw lara Yezu la. U be Musa ka sariyaw bato kosɔbɛ.

Kɛwalew 24:14

Ayiwa, ne kɔni be min lɔn, o filɛ nin ye: olu k'o sira nin te siraɲuman ye, ne be baara kɛra an bɛmaw ka Ala ye ka kɛɲɛ n'o sira ye. Min bɛɛ fɔra sariya la, ani kiraw ye minw sɛbɛn, ne b'o bɛɛ bato.

Kɛwalew 24:5

«Ayiwa, an y'a ye ko cɛɛ nin kɛra i n'a fɔ fɔɲɔbana. A be zuwifuw kuun gosi ɲɔgɔn na diɲɛ faan bɛɛ la. Nazarɛtika ka dinakura ɲamɔgɔ dɔ lo.

Kɛwalew 28:22

Anw b'a ɲini e fɛ, e k'a bɛɛ ɲafɔ an ye. An kɔni b'a lɔn ko yɔrɔ bɛɛ mɔgɔw te sɔn e ka diina nin ma.»

Kɛwalew 5:17

O la, sarakalasebagaw kuntigiba n'a ka dakɔrɔsigiw minw ye *Saduseɲɛw ye, u bɛɛ dimininba

Kor fɔlɔ 7:18

Ala ye mɔgɔ dɔ wele n'a kɛnɛkɛnɛni lo wa? A ka to ten. A ye dɔ wele n'a ma kɛnɛkɛnɛ wa? O tigi kan'a yɛrɛ kɛnɛkɛnɛ tugu.

Galasikaw 2:11

Piyɛri nana Antiyɔsi tuma min na, ne y'a jalaki mɔgɔ bɛɛ ɲana, bari a tun ye koo dagabali le kɛ.

Galasikaw 2:14

Ne y'a ye tuma min na k'u te taamana ka kɛɲɛ ni kibaru diman ye, min ye tiɲɛ ye, ne tilenna k'a fɔ Piyɛri ye mɔgɔ bɛɛ ɲana ko: «E min ye zuwifu yɛrɛ yɛrɛ ye, e do y'i yɛrɛ minɛ i n'a fɔ siya wɛrɛ, mun na e be tila ka siya wɛrɛw karaba k'olu ka kɛ i n'a fɔ zuwifu?»