Kɛwalew 15:4 - ALA KA KUMA

⁴ U sera Zeruzalɛmu, Krista ka jama n'u ɲamɔgɔw ani cidenw y'u kunbɛn. Ala y'u dɛmɛ ka min bɛɛ kɛ, u y'o ɲafɔ.

Jula NT of Côte d’Ivoire

⁴ Ayiwa, o sera Zeruzalɛmu minkɛ, lanabagaw ni ciradenw ni cɛkɔrɔbaw ka o kunbɛn. Ala ka ko minw bɛɛ kɛ ni olugu ye, o ka o bɛɛ lakari Zeruzalɛmu lanabagaw ye.

LAYIDUKURA

⁴ U sera Zeruzalɛmu, o yɔrɔ kalandenw n'u ka nyamɔgɔw ani cidenw y'u kunbɛn. Ala y'u dɛmɛ ka min bɛɛ kɛ, u y'o nyafɔ.

Kɛwalew 15:4 Iomraidhean Croise

Matiyu 10:40

«Ni mɔgɔ min ye aw minɛ ka ɲa, o tigi ye ne minɛ ka ɲa. Mɔgɔ min ye ne minɛ ka ɲa, o tigi ye ne cibaga fana minɛ ka ɲa.

Kɛwalew 11:30

U y'a kɛ ten. U y'o bolomafara nunu don Barinabasi ni Sɔli bolo k'u ka taga u di Krista ka jama ɲamɔgɔw ma Zude mara la.

Kɛwalew 14:27

U sera yen tuma min na, u ye Krista ka jama lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ ɲafɔ u ye.

Kɛwalew 15:12

O tuma na, jama bɛɛ jera fana ka Barinabasi ni Pɔli lamɛn. Ala y'u dɛmɛ ka kabako ni taamasiɲɛ minw kɛ siya wɛrɛw fɛ, u y'o bɛɛ lakali u ye.

Kɛwalew 15:2

Mankanba wilila o mɔgɔw ani Pɔli ni Barinabasi nunu cɛ. U ye ɲɔgɔn sɔsɔ kosɔbɛ. O kɔ, u ye ŋaniya ta ko Pɔli, ni Barinabasi, ani Antiyɔsi kalanden dɔw ka taga Zeruzalɛmu ka koo nin ɲafɔ cidenw, ni Krista ka jama ɲamɔgɔw ye.

Kɛwalew 15:22

O tuma na, Krista ka jama bɛɛ sɔnna. A ɲamɔgɔw ni cidenw bɛnn'a la, k'u bena mɔgɔw bɔ u cɛma ka fara Pɔli ni Barinabasi kan ka taga Antiyɔsi. U ye Zude, min be wele ko Barisabasi, ani Silasi bɔ. U fila bɛɛ tun ye kantigiw ye balimaw cɛma.

Kɛwalew 15:3

Krista ka jama min tun be Antiyɔsi, olu y'u dɛmɛ o taama nin na kosɔbɛ. U taatɔ, u ye Fenisi, ni Samari mara cɛtigɛ. Siya wɛrɛw nimisara ka faran u ka kojuguw la cogo min na, u tora k'o lakali ka taga. O kibaruya ye balimaw bɛɛ nisɔn diya.

Kɛwalew 15:6

O tuma na, cidenw ni Krista ka jama ɲamɔgɔw ye ɲɔgɔn ye ka koo nin jati minɛ.

Kɛwalew 16:4

Cidenw ni Krista ka jama ɲamɔgɔ minw tun be Zeruzalɛmu, olu tun ye koo minw ŋaniya, Pɔli ni Silasi tun mana se dugu min na, u b'o ɲafɔ o yɔrɔ kalandenw ye, k'a ɲini u fɛ k'u k'o kuma nunu bato.

Kɛwalew 18:27

Apolɔsi tun b'a fɛ k'a kuun sin Akayi minkɛ, balima minw tun be Efɛzi, olu ye sɛbɛ ci u badenw ma, ko ni Apolɔsi sera, k'u k'a minɛ ka ɲa. A sera o yɔrɔ la tuma min na, a ye dɛmɛ don u ye kosɔbɛ Ala barika la.

Kɛwalew 21:17

An sera Zeruzalɛmu minkɛ, balimaw y'an kunbɛn ka ɲa ni nisɔndiya ye.

Kɛwalew 21:19

A ye foli di u ma ka ban tuma min, Ala y'a dɛmɛ ka koo minw bɛɛ kɛ siya wɛrɛw cɛma, a y'o bɛɛ lakali u ye kelen kelen.

Rɔmukaw 15:18

Krista ye ne dɛmɛ ka baara min kɛ ka siya wɛrɛw dɛmɛ ka mɛnni kɛ Ala fɛ, ne te foyi fɔ n'o tɛ. Ne y'u dɛmɛ ni kuma ni kɛwali ye,

Rɔmukaw 15:7

Aw ka ɲɔgɔn minɛ kosɔbɛ i n'a fɔ Krista y'aw minɛ cogo min na, janko boɲa ka la Ala tɔgɔ kan.

Kor fɔlɔ 15:10

Nga ne be yɔrɔ min na sisan, o ye Ala ka nɛɛma nɔɔ ye. O nɛɛma nin te gwansan ye ne faan fɛ. Ne ye baara kɛ ka tɛmɛ olu bɛɛ kan. O te ne yɛrɛ seko ye, o ye Ala ka nɛɛma nɔɔ ye.

Kor 2nan 5:19

bari a ma mɔgɔw ka hakɛ jati, a tun be cogoya ɲini ka bɛn n'u ye Krista barika la. A y'o kuma fɔko baara d'an ma.

Kor 2nan 6:1

An be baara kɛra ni Ala ye, o le kosɔn an b'aw daali ko Ala ye nɛɛma min kɛ aw ye, aw kan'a to o be kɛ gwansan ye,

Kɔlɔsikaw 4:10

Arisitaraki min ye ne tɔɲɔgɔn ye kaso kɔnɔ, ale b'aw fo, ani Barinabasi belenden Mariki fana, ale min koo tun fɔra aw ye ka ban, n'a nana se aw fɛ tuma min na, aw k'a kunbɛn ka ɲa.

Zan 2nan 1:10

Ni mɔgɔ dɔ nana aw fɛ n'a ka kalan ni Krista ta te kelen ye, aw kana sɔn o tigi ka don aw ka soo kɔnɔ. Aw kan'a fo yɛrɛ.