Kɛwalew 15:36 - ALA KA KUMA

³⁶ Waati dɔ tɛmɛnin kɔ, Pɔli y'a fɔ Barinabasi ye ko: «An ye Matigi ka kuma fɔ mɔgɔw ye dugu minw bɛɛ la, an ka taga bɔ o yɔrɔ balimaw ye k'a filɛ u ka koo be cogo min na.»

Jula NT of Côte d’Ivoire

³⁶ Tere dama tɛmɛnin kɔ, Pɔli ko Barinabasi ma ko: «An tɛmɛna dugu minw na ka Ala ta Kuma fɔ, a to an ye sekɔ o yɔrɔw ra ka taga o yɔrɔw lanabagaw cogoya flɛ.»

LAYIDUKURA

³⁶ Waati dɔ tɛmɛnin kɔ, Pɔli y'a fɔ Barinabasi ye ko: “An ye Matigi ka kuma fɔ mɔgɔw ye dugu minw bɛɛ la, an ka taa u bɛɛ yɔrɔ filɛ n'u ka koo bɛ cogo min na.”

Kɛwalew 15:36 Iomraidhean Croise

Ɛsitɛri 2:11

Loon o loon, Maridose tun be to ka taga munumunu masacɛ ka musow ka luu daa la, waasa k'a lɔn ni Ɛsitɛri be cogo min na, ani u b'a minɛ cogo min na.

Bɔri 4:18

Ayiwa, Musa wilila ka kɔsegi ka ta'a birancɛ Zetoro fɛ k'a fɔ a ye ko: «Ne b'a ɲini i fɛ, i k'a to ne ka taga n balimaw filɛ Ezipiti jamana na, n'u dɔw ɲanaman lo halibi.» Zetoro y'a fɔ Musa ye ko: «Taga, Ala k'i ni hɛrɛ bɛn.»

Yeremi 23:2

O le kosɔn, ne Masaba, Isirayɛli ka Ala be kumana ɲamɔgɔw kosɔn, minw ye ne ka mɔgɔw marabagaw ye, ko: Aw ye ne ka mɔgɔw jɛnsɛn k'u gwɛn, aw m'aw janto u la. O kama, ne yɛrɛ bena wili aw kama aw ka kɛwalijuguw kosɔn.

Matiyu 25:36

Fani tun te ne fɛ, aw ye fani di ne ma. Ne tun bananin lo, aw y'aw janto ne la. Ne tun be kaso la, aw nana ne filɛ yen.›

Matiyu 25:43

Ne tun ye lonan ye, aw ma jigiyɔrɔ di ne ma. Ne fari lakolon tun lo, aw ma fani di ne ma. Ne bananin tun lo ani ne tun be kaso la, aw ma na bɔ ne ye ka ne mako ɲa.›

Kɛwalew 13:12

Ayiwa, koo min kɛra, masacɛlankan y'o ye, an'a ye kuma min mɛn Matigi ka koo la, a kabakoyara haali. A lara Yezu la.

Kɛwalew 13:4

Nii Senuman ye Barinabasi ni Sɔli bila cidenya la. Olu tagara Selesi, u bɔra o yɔrɔ la ka baa tigɛ ka taga dugukolonin dɔ kan kɔgɔji cɛma min tɔgɔ ko Sipɔrɔ.

Kɛwalew 13:51

U bɔtɔ, Pɔli ni Barinabasi y'u seen furanfuran ka buguri bɔ a la ka taga Ikoniyɔmu.

Kɛwalew 14:1

Pɔli ni Barinabasi sera Ikoniyɔmu, u donna zuwifuw ka kalanso kɔnɔ fana ka mɔgɔw waaju, fɔɔ zuwifuw ni siya wɛrɛw caaman lara Yezu la.

Kɛwalew 14:21

Pɔli ni Barinabasi ye kibaru diman fɔ Dɛribekaw ye, ka kalanden caaman sɔrɔ. O kɔ, u segira ka taga Lisitɔrɔ, ka bɔ yen ka taga Ikoniyɔmu, ani Antiyɔsi.

Kɛwalew 14:6

Pɔli ni Barinabasi bɔra u ka namara kala ma minkɛ, u dɛnna ka taga Lisitɔrɔ ni Dɛribe ani u lamini na Likawɔni mara la.

Kɛwalew 7:23

«A ye saan bi naani sɔrɔ tuma min na, a y'a ŋaniya ta ko a be taga bɔ a baden Isirayɛlidenw fɛ.

Rɔmukaw 1:11

Bari ne b'a fɛ kosɔbɛ k'aw ye, ka Nii Senuman ka seko dɔ fɔ aw ye waasa aw ka se ka fanga sɔrɔ,

Kor 2nan 11:28

Ka fara o bɛɛ kan, loon o loon ne be hami ni Krista ka jamakuluw bɛɛ ka koo ye.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.

Tes fɔlɔ 3:6

Sisan, Timote bɔra aw fɛ ka na se yan an fɛ. A ye kibaruɲuman fɔ aw koo la. A ko jigiɲuman be aw fɛ, ko aw be ɲɔgɔn kanu. An ka koo be aw kɔnɔ cogo min na, a y'o fɔ, ko aw b'a fɛ k'an ye kosɔbɛ, i n'a fɔ an fana b'a fɛ k'aw ye cogo min na.

Tim 2nan 1:4

Ni ne hakili jigira i kasiko la tuma min na, o waati la, ne b'a fɛ k'i ye teliya la waasa ne ka se ka nisɔndiya.