Kɛwalew 15:20 - ALA KA KUMA

²⁰ An ka sɛbɛ ci u ma k'a fɔ u ye k'u kana josɔnsogo ɲimi, u k'u yɛrɛ tanga kakalaya ma, sogo min kaan ma tigɛ, u kana o ɲimi, u kana sogo joli dumu.

Jula NT of Côte d’Ivoire

²⁰ Nka an ye sɛbɛ ci o ma k’a fɔ o ye ko bɛgan minw fagara jow kan, o kana o sogo domu, o kana jatɔya kɛ, o kana jufasogo domu walama k’a jori min.

LAYIDUKURA

²⁰ An ka sɛbɛ ci u ma k'a fɔ u ye k'u kana josɔnsogo nyimi, u k'u yɛrɛ tanga kakalaya ma, sogo min kaan ma tigɛ u kana o nyimi, u kana sogo joli dumu.

Kɛwalew 15:20 Iomraidhean Croise

Damina 35:2

O la, Yakuba y'a fɔ a ka somɔgɔw ni a ka mɔgɔw bɛɛ ye ko: «Siya wɛrɛw ka joo minw be aw fɛ, aw k'o bɛɛ fili, k'aw yɛrɛ saniya, ka fani wɛrɛw don.

Damina 9:4

Nga aw kana sogo dumu n'a joli b'a la, min sababu la a be nii na.

Bɔri 20:23

Aw kana joo si dilan aw yɛrɛ ye ni warigwɛ, walima sanu ye ka fara ne kan.

Ezekiyɛli 33:25

O la, a fɔ u ye ko ne Matigi, Masaba ko: ‹Aw be sogo ɲimi n'a joli ye. Aw b'aw ka joow sɔn, aw be mɔgɔ faga. Jamana nin ka kan ka kɛ aw ta ye cogo di?

Ezekiyɛli 4:14

Ne y'a fɔ ko: «Ayi, Matigi, Masaba! Ne ma deli ka n yɛrɛ nɔgɔ ka ye. Kabini ne denmisɛn tuma na fɔɔ ka n'a bila bii la, ne ma deli ka sogosu ɲimi, wara ye sogo min dumu k'a tɔɔ to, ne ma deli k'o fana ɲimi. Sogo nɔgɔnin si ma don ne daa la ka ye.»

Daniyɛli 1:8

Daniyɛli y'a ŋaniya ta ko ale ten'a yɛrɛ nɔgɔ ni masacɛ ka dumuni, n'a ka duvɛn ye. O la, a ye baaradenw ɲamɔgɔ daali ko a kana ale wajibiya a k'a yɛrɛ nɔgɔ n'o fɛɛn nunu ye.

Sarakalasebagaw 18:6

«Aw cɛma, mɔgɔ si man kan ka jɛn n'a balima yɛrɛ yɛrɛ ye. Ne le ye Masaba ye.

Sarakalasebagaw 19:26

«Aw kana fɛɛn si dumu, n'a joli b'a la. Aw kana lagwɛli kɛ, walima ka subagaya kɛ.

Sarakalasebagaw 3:17

Aw kan'a tulu, walima a joli dumu. O ye sariya ye min tena dabila aw kɔmɔgɔw fɛ abada aw sigiyɔrɔw bɛɛ la.»

Jateri 25:2

Muso nunu y'u daali ko u k'u ka joow sɔn. Jama ye dumuni kɛ k'u kunbiri gwan joo nunu kɔrɔ.

Kɛwalew 15:29

Ayiwa, aw kana josɔnsogo ɲimi, aw kana sogo joli dumu, sogo min kaan ma tigɛ, aw kana o ɲimi, aw k'aw yɛrɛ tanga kakalaya ma. N'aw ye nunu bato, aw ka kɛwali bena ɲa. Ala k'an bɛn.»

Kɛwalew 21:25

Siya wɛrɛ minw lara Yezu la, an tun ye sɛbɛ ci u ma k'an ka ŋaniyata fɔ u ye: k'u kana josɔnsogo ɲimi, ani sogo min kaan ma tigɛ, k'u kana sogo joli dumu, ko u k'u yɛrɛ tanga kakalaya ma.»

Kor fɔlɔ 5:11

Ne ye min fɔ aw ye bataki nin kɔnɔ, o ye nin ye, ko: ni mɔgɔ min b'a yɛrɛ kɛ aw dɔ ye, k'a sɔrɔ o tigi ye kakala ye, sɔnjugu, josɔnla, walima mɔgɔ tɔgɔcɛnbaga, walima dɔrɔtɔ, ani soon ye, aw kana jɛn n'o tigi ye fewu, hali ka dumuni yɛrɛ kɛ n'a ye.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana be yen dumuni kama. Nga Ala do bena u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi be janto a la.

Kor fɔlɔ 6:18

Aw ka kakalaya dabila, mɔgɔ be kojugu minw bɛɛ kɛ, o si te se a farisogo ma fɔɔ kakalaya. Min be kakalaya kɛ, o tigi b'a yɛrɛ hakɛ le ta.

Kor fɔlɔ 6:9

Aw m'a lɔn ko mɔgɔ minw be tilenbaliyakow kɛ, olu tena Ala ka masaya sɔrɔ wa? Aw kana aw yɛrɛ nigɛ. Ɲamɔgɔyakɛlaw, walima josɔnlaw, kakalaw, cɛ minw b'o cɛɲɔgɔn kɛ musow ye,

Kor fɔlɔ 7:2

Nga, kakalaya kosɔn, a ka ɲi cɛɛ kelen kelen bɛɛ ka muso furu, muso kelen kelen bɛɛ ka sigi cɛɛ fɛ.

Kor fɔlɔ 8:1

Min ye josɔnsogo koo ye, an y'a lɔn ko an bɛɛ be koo lɔn. Nga lɔnniya be mɔgɔ don yɛrɛboɲa na, kanuya b'an dɛmɛ ka taga ɲa.

Kor 2nan 12:21

Ne be siran fana ko ne mana se aw fɛ tuma min na, ne ka Ala kana ne majigi aw cɛma. Mɔgɔ minw tun ye hakɛ kɛ n'u ma sɔn ka nimisa ka faran u ka kakalaya la, n'u ka mɔgɔkolonya n'u ka malobaliya la, ne dusu kana kasi olu kosɔn.

Galasikaw 5:19

Farisogo sago ye min ye, an b'o lɔn, o ye: ɲamɔgɔya, nɔgɔtɔya, ni kakalaya,

Ɛfɛsikaw 5:3

Kakalaya, walima mɔgɔkolonya, ani wasabaliya, o koo si kana mɛn aw cɛma, bari Ala ka mɔgɔw man kan k'o kɛ.

Sariya 12:16

A daan ye aw kan'a joli dumu, aw k'a bɔn dugukolo kan i n'a fɔ jii.

Sariya 14:21

«Fɛɛn min sar'a yɛrɛ ma, aw man kan k'o sogo ɲimi. Lonan minw siginin be aw ka duguw la, aw k'a di olu ma, u k'a ɲimi, walima aw be se k'a feere lonan wɛrɛw ma. Aw ye Masaba an ka Ala ta ye. Aw man kan ka baden tobi a bamuso nɔnɔ na.

Sariya 15:23

Nga aw kan'a joli dumu, aw k'o bɔn dugukolo kan i n'a fɔ jii.

Kɔlɔsikaw 3:5

Koo minw ye dugukolo kan koow ye, aw ka olu bɛɛ dabila, i n'a fɔ kakalaya, ni mɔgɔkolonya, ani miirijugu, ni kojugu nigɛ, ani wasabaliya, min ni josɔn bɛɛ ye kelen ye.

Tes fɔlɔ 4:3

Ala be min fɛ, o ye aw dusu saniyako ye, aw kana kakalaya kɛ.

Heburuw 12:16

Mɔgɔ si kana kɛ kakala ye, walima Alaɲasiranbali ye, i n'a fɔ Ezawu, min y'a ka kɔrɔya falen dumuni na.

Heburuw 13:4

Mɔgɔ bɛɛ ka furu boɲa, kakalaya kana kɛ furu kɔnɔ. Bari Ala bena ɲamɔgɔyakɛlaw ni kakalaw kiti.

Piy fɔlɔ 4:3

Aw y'aw yɛrɛ nigɛlako minw kɛ ka tɛmɛ, o b'aw bɔ, i n'a fɔ kakalaya, nigɛjuguw, dɔrɔtɔya, nugubatɔya, dɔrɔminkojugu, ani subagaya i n'a fɔ Alalɔnbaliw b'a kɛ cogo min na.

Yirari 10:2

Kitabufitini dɔ dayɛlɛnin tun b'a bolo. A y'a kinibolosen la kɔgɔji kan, k'a numanbolota la dugukolo kan.

Yirari 10:8

N tun ye kumakan min mɛn ka bɔ sankolo la, o tigi kumana n fɛ tugu ko: «Mɛlɛkɛ min lɔnin be kɔgɔji ni dugukolo kan, taga bolola kitabufitini nin minɛ.»

Yirari 2:14

O n'a ta bɛɛ, ne b'aw jalaki koo dɔw la. Bari aw cɛma, dɔw nɔrɔnin be Balamu ka kalan na, ale min tun be Balaki kɔnɔnasu waasa a ka Isirayɛlidenw nigɛ k'u bila josɔnsogo ɲimi na, ani ka kakalaya kɛ.

Yirari 2:20

O bɛɛ n'a ta, ne b'aw jalaki, bari aw be Zezabɛli ka kɛwaliw diyara a la. O muso nin ko ale ye kira ye, k'a sɔrɔ kira tɛ. A be n ka mɔgɔw lafilila n'a ka kalan ye, k'u bila kojugukɛ ni josɔnsogo ɲimi na.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.

Sam fɔlɔ 14:32

U girinna u juguw ka minanw kan k'u ta. U ye begɛnmisɛnw ni misiw ani misidenw minɛ k'u faga, k'u ɲimi n'u joli ye.

Sam fɔlɔ 14:33

Dɔ tagara o fɔ Sayuli ye ko: «Jama be Masaba hakɛ tara, u be sogo ɲimina n'a joli ye.» Sayuli y'a fɔ ko: «Aw ye janfa kɛ. Aw ka kabakuru belebeleba dɔ kolonkolon ka na n'a ye ne fɛ sisan sisan.»