Kɛwalew 15:19 - ALA KA KUMA

¹⁹ «O kama, ne Zaki ka miiri la, siya wɛrɛ minw be sɔnna Ala ka koow ma, an man kan ka koo gwɛlɛman la u kan.

Jula NT of Côte d’Ivoire

¹⁹ «Ayiwa, o kosɔn ne ta miiriya ra, siya wɛrɛ mɔgɔ minw sɔnna Ala ta Kuma ma, an man kan ka gbɛlɛya wɛrɛ la olugu kan tuun.

LAYIDUKURA

¹⁹ “O kama, ne Zaki ka miiri la, siya wɛrɛ minw bɛ sɔnna Ala ka koow ma, an man kan ka koo gwɛlɛman la u kan.

Kɛwalew 15:19 Iomraidhean Croise

Ezayi 55:7

Mɔgɔjugu k'a ka juguya dabila. Mɔgɔ min kɔnɔ ka jugu, o tigi k'a ka miirijugu dabila. A ka kɔsegi Masaba ma, ale bena makari a la. A ka kɔsegi an ka Ala ma, ale bena yafa a ma tiɲɛ na.

Oze ta kitabu 14:2

Isirayɛlidenw, aw ka kɔsegi Masaba aw ka Ala ma. Aw ka fili le y'a to aw benna.

Kɛwalew 15:10

Mun le do y'a to sisan aw be Ala darabɔ? Bari aw be doni lara kalandenw kuun na k'a sɔrɔ anw, n'an faaw fanga ma se min kɔrɔ k'a ta.

Kɛwalew 15:24

«An y'a mɛn ko mɔgɔ dɔw bɔra anw fɛ Zeruzalɛmu, ka taga aw hakili ɲagami ni kumafu ye, k'a sɔrɔ an m'u ci.

Kɛwalew 15:28

«Anw ka ŋaniya, ani Nii Senuman ta bɛɛ bɛnna kelen ma ko an tena koo gwɛlɛman ɲini aw fɛ, fɔɔ ni min ye wajibi ye.

Kɛwalew 21:21

Mɔgɔw be ŋunuŋunukan min fɔ i ka koo la, u y'o mɛn. Mɔgɔw ka fɔ la, ko i b'a fɔra zuwifuw ye, minw siginin be jamana kɔɔ kan siya wɛrɛw cɛma, k'olu kana u deenw kɛnɛkɛnɛ, k'u kana Musa ka sariya bato. Ko i b'u bali ka landaw bato.

Kɛwalew 21:25

Siya wɛrɛ minw lara Yezu la, an tun ye sɛbɛ ci u ma k'an ka ŋaniyata fɔ u ye: k'u kana josɔnsogo ɲimi, ani sogo min kaan ma tigɛ, k'u kana sogo joli dumu, ko u k'u yɛrɛ tanga kakalaya ma.»

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Galasikaw 2:4

Nga an balimakolon dɔw le tun b'a fɛ a ka kɛnɛkɛnɛ, olu minw farala an kan namara kosɔn. An ye hɔrɔnyali min sɔrɔ Yezu Krista fɛ, u tun b'a fɛ k'o cogo lɔn, k'an bɔ o la k'an don jɔnya la.

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.