Kɛwalew 15:13 - ALA KA KUMA

¹³ U kumana ka ban tuma min na, Zaki ye kuma ta k'a fɔ ko: «N balimaw, aw ye ne lamɛn.

Jula NT of Côte d’Ivoire

¹³ Pɔli ni Barinabasi kumana ka ban tuma min na, Yakuba ka kuma ta k’a fɔ ko: «Ne balemaw, aw ye ne lamɛn.

LAYIDUKURA

¹³ U kumana ka ban tuma min na, Zaki ye kuma ta k'a fɔ ko: “N badenw, aw ye ne lamɛn.

Kɛwalew 15:13 Iomraidhean Croise

Marika 15:40

Muso dɔw fana lɔnin tun be yɔrɔjan k'o koow filɛ. Magidala Mariyamu, Zaki fitini ni Zoze bamuso Mariyamu, ani Salome tun b'o musow cɛma.

Kɛwalew 12:17

Piyɛri y'a bolo kɛ k'u ka je. U jera, Matigi y'a bɔ kaso la cogo min na, a y'o bɛɛ ɲafɔ u ye. O kɔ, a y'a fɔ u ye k'u ka taga o kibaru fɔ Zaki, ni balima tɔw ye. A y'o fɔ ka ban, a bɔra ka taga yɔrɔ dɔ la.

Kɛwalew 15:14

Kabini a daminɛ, Ala y'a janto siya wɛrɛw la cogo min na, Simɔn y'o ɲafɔ sisan. Ala ye siya dɔ woloma u cɛma k'o kɛ a tɔgɔla ta ye.

Kɛwalew 2:14

O la, Piyɛri tor'a tɔɲɔgɔn tan ni kelen nunu cɛma k'a kaan kɔrɔta ka kuma jama fɛ ko: «Aw zuwifuw, ani aw minw bɛɛ siginin be Zeruzalɛmu, a y'aw tulo malɔ ka ɲa ka n ka kuma lamɛn.

Kɛwalew 2:22

«Ayiwa, Isirayɛli jama, n bena kuma minw fɔ sisan, aw ye u lamɛn dɛ! Ala ye Nazarɛtika Yezu ci aw fɛ, ka see d'a ma ka kabakow kɛ aw ɲana. Aw yɛrɛ y'o lɔn.

Kɛwalew 2:29

«Ayiwa n balimaw, ne ka kan ka an bɛmacɛ Dawuda ka koo ɲafɔ aw ye ka gwɛ. A sara, u y'a suu don, halibi a suturayɔrɔ lɔnnin lo.

Kɛwalew 21:18

O dugusagwɛ, Pɔli tagara n'an ye Zaki ka soo. An tagar'a sɔrɔ Krista ka jama ɲamɔgɔw bɛɛ tun lajɛnnin be yen.

Kɛwalew 22:1

«N faaw, ani n balimaw, n bena min fɔ sisan waasa ka n yɛrɛ ka koo gwɛ aw ye, aw k'aw tulo malɔ o la ka ɲa.»

Kɛwalew 7:2

Etiyɛni y'a jaabi ko: «N faaw, n balimaw, a y'aw tulo malo ka n ka kuma lamɛn. Sanni an faa Ibrayima ka bɔ Mezopotami ka taga sigi Karan, Ala nɔɔrɔtigi le tun y'a yɛrɛ yira a la

Galasikaw 1:19

Ni ale tɛ, ne ma ciden wɛrɛ ye tugu, n'a ma kɛ Matigi dɔgɔcɛ Zaki dama ye.

Galasikaw 2:12

Yanni Zaki ka cidenw ka na, ale Piyɛri tun be to ka dumuni kɛ ni siya wɛrɛw ye. Nga o ciden nunu sera dɔrɔn, a faranna u la zuwifuw ɲasiran kosɔn.

Galasikaw 2:9

Zaki ni Piyɛri ani Zan olu minw tun be jati kosɔbɛ, olu fana y'a lɔn ko Ala ye nɛɛma kɛ ne ye. U y'u bolo don ne ni Barinabasi bolo la, k'a yira ko an bɛɛ kɛra baarakɛɲɔgɔnw ye, waasa an ka taga siya wɛrɛw fɛ, olu ka taga zuwifuw fɛ.

Yakuba 1:1

Ne Zaki min ye Ala ni Matigi Yezu Krista ka baarakɛla ye, n be bataki nin ci aw Isirayɛlidenw ma minw jɛnsɛnnin be diɲɛ faan bɛɛ la, k'aw fo.

Yakuba 1:19

N badenw, aw minw koo ka di ne ye, aw k'a lɔn kosɔbɛ ko mɔgɔ kelen kelen bɛɛ ka kan ka lamɛnni kɛ ka ɲa, nga a kana teliya ka kuma, a kana dimi joona.