Kɛwalew 14:5 - ALA KA KUMA

⁵ Zuwifuw ni siya wɛrɛw, ani u ka ɲamɔgɔw labɛnnin tun lo ka Pɔli ni Barinabasi bon ni kabakuruw ye k'u faga.

Jula NT of Côte d’Ivoire

⁵ Yahudiyaw, ani siya wɛrɛ mɔgɔw, ani o ta kuntigiw tun b’a fɛ ka ben Pɔli ni Barinabasi kan, ka o bon ni kabakuru ye ka o faga.

LAYIDUKURA

⁵ Zuwifuw ni siya wɛrɛw, ani u ka nyamɔgɔw labɛnnin tun lo ka Pɔli ni Barinabasi nunu bon ni kabakuruw ye k'u faga.

Kɛwalew 14:5 Iomraidhean Croise

Zaburu 83:5

U b'a fɔra ko: «An ka taga u siya tunu, Isirayɛlidenw tɔgɔ kana wele tugu.»

Matiyu 5:44

Ayiwa, ne b'a fɔ aw ye ko aw ka aw juguw kanu ka Ala daali aw tɔɔrɔbagaw ye.

Luka 6:28

Aw ka duba kɛ aw dangabagaw ye, ka Ala daali aw tɔɔrɔbagaw ye.

Kɛwalew 13:45

Zuwifuw y'o ye dɔrɔn, keliya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 13:50

Muso kantigi minw tun be Ala bato, zuwifuw wilila ka olu ni dugu ɲamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 14:19

Zuwifu dɔw nana ka bɔ Antiyɔsi, ani Ikoniyɔmu o tuma na, olu ye jama hakili yɛlɛma fɔɔ u ye Pɔli bon ni kabakuruw ye, o kɔ, u y'a kooro ka taga fili dugu kɔfɛ, u tun b'a miiri ko a sara.

Kɛwalew 14:2

Nga zuwifu minw tun ma la a la, olu ye siya wɛrɛw kɔnɔnasu k'u bila balimaw la.

Kɛwalew 14:4

Dugu mɔgɔw tilanna, dɔw tugura zuwifuw kɔ, dɔw tugura cidenw kɔ.

Kɛwalew 17:5

Nga, o ma diya zuwifu tɔw ye. Olu wilila ka bɛn ni mɔgɔkolon dɔw ye waasa ka dugu ɲagami. U wilila ka mankan daminɛ ka dugu bɛɛ ɲagami, ka taga Zasɔn ka soo k'u be Pɔli ni Silasi minɛ ka taga n'u ye kiti tigɛyɔrɔ la.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun be ɲini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubabaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Tes fɔlɔ 2:14

N balimaw, Krista ka jama minw be Zude mara la minw fana ye Yezu Krista ta ye, aw ni olu tɛmɛna sira kelen kan, bari aw ye tɔɔrɔ sɔrɔ kosɔbɛ aw balimaw bolo, i n'a fɔ olu fana tɔɔrɔla zuwifuw bolo cogo min na.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.

Tes fɔlɔ 2:2

Sanni an ka se aw fɛ Tesaloniki, u y'an tɔɔrɔ k'an nɛni kosɔbɛ Filipi, aw yɛrɛ y'o lɔn. An ye jagwɛlɛya sɔrɔ Ala fɛ, k'an ka Ala ka kibaru diman fɔ aw ye gwɛlɛya caaman cɛma.

Tim 2nan 3:11

ka tɔɔrɔ ka sigɛn Antiyɔsi ni Ikoniyɔmu ani Lisitɔrɔ, e be o bɛɛ kala ma. O tɔɔrɔ nunu ye ne sɔrɔ, nga Matigi ye ne tila ka bɔ o bɛɛ la.