Kɛwalew 14:23 - ALA KA KUMA

²³ U ye ɲamɔgɔw bɔ ka sɔrɔ ka suun don ka Ala daali, k'u kalifa Matigi ma, u jigi lanin be min kan, k'u sigisigi dugu kelen kelen bɛɛ Krista ka jama kunna.

Jula NT of Côte d’Ivoire

²³ O ka ɲamɔgɔ dɔw ɲanawoloma ka o sigi o jɛnkuruw bɛɛ kelen kelen kunna. O kɔ, o ka sun don ka Ala daari, ka o karifa Matigi ma, o lara Matigi min na.

LAYIDUKURA

²³ U ye nyamɔgɔw bɔ ka sɔrɔ ka suun don ka Ala dali, k'u kalifa Matigi ma, u jigi lanin bɛ ale min kan, k'u sigisigi dugu kelen kelen bɛɛ ka Ala ka jama kunna.

Kɛwalew 14:23 Iomraidhean Croise

Matiyu 17:21

Nga nin jina nin ɲɔgɔn te se ka gwɛn ka bɔ mɔgɔ la n'i ma suun don ka Ala daali.]»

Marika 3:14

A ye mɔgɔ tan ni fila woloma olu cɛma k'u kɛ cidenw ye, janko u ka kɛ a taamaɲɔgɔnw ye an'a ka to k'u ci ka taga waajuli kɛ.

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun be to ka taga Alabatosoba kɔnɔ. A tun be suun don ka Ala daali tuma bɛɛ. O cogo la, a tun be Ala bato suu ni tile.

Luka 23:46

Yezu pɛrɛnna kosɔbɛ ko: «N Faa, ne be n nii segi i ma.» A y'o fɔ ka ban tuma min na, a nii bɔra.

Kɛwalew 1:22

k'a ta Yezu batizelon ma Zan fɛ, fɔɔ ka taga bila a kɔrɔtalon ma ka bɔ an cɛma ka taga arijana na, wajibi lo, olu dɔ ka Zuda nɔɔ ta, ka kɛ an dɔ ye ka Yezu koo fɔ.»

Kɛwalew 1:24

O kɔ, u ye Ala daali ko: «Matigi, e min be mɔgɔ bɛɛ kɔnɔnako lɔn, n'i b'a fɛ mɔgɔ fila nunu na min ka kɛ i ka baarakɛla ye, o yira an na.

Kɛwalew 11:30

U y'a kɛ ten. U y'o bolomafara nunu don Barinabasi ni Sɔli bolo k'u ka taga u di Krista ka jama ɲamɔgɔw ma Zude mara la.

Kɛwalew 14:26

ka kurun ta o yɔrɔ la ka taga Antiyɔsi, u tun ye Ala daali yɔrɔ min na ko a ka ɲumanya k'u bila sira, ka sɔrɔ ka taga baara nin kɛ.

Kɛwalew 15:23

U ye sɛbɛ min don olu bolo, a sɛbɛnnin tun b'o la ko: «Aw kalanden minw te zuwifuw ye n'aw siginin bɛ Antiyɔsi, Siri jamana na, ani minw be Silisi jamana na, aw balima cidenw, ni Krista ka jama ɲamɔgɔw b'aw fo.

Kɛwalew 15:4

U sera Zeruzalɛmu, Krista ka jama n'u ɲamɔgɔw ani cidenw y'u kunbɛn. Ala y'u dɛmɛ ka min bɛɛ kɛ, u y'o ɲafɔ.

Kɛwalew 15:6

O tuma na, cidenw ni Krista ka jama ɲamɔgɔw ye ɲɔgɔn ye ka koo nin jati minɛ.

Kɛwalew 20:17

Pɔli tora Mile ka cira sama Krista ka jama ɲamɔgɔw ma Efɛzi k'u ka na.

Kɛwalew 20:32

«Ayiwa, sisan kɔni, ne b'aw kalifa Ala n'a ka nɛɛmakuma ma, see be kuma min ye k'aw sabati, ka siniɲasigi labɛn k'a bila Ala ka mɔgɔw bɛɛ ye.

Kor 2nan 8:19

Krista ka jama dɔw y'a woloma k'a fara an kan, a ka kɛ an taamaɲɔgɔn ye baaraɲuman nin na, an be min kɛra Matigi tɔgɔ boɲa kama, ani an ka dusuɲuman kosɔn.

Tim fɔlɔ 5:1

N'i be cɛkɔrɔba ladi tuma min na, i kana kuma gwɛlɛman fɔ a ye. Nga i k'a ladi i n'a fɔ i faa. I ka kanbelenw ladi i n'a fɔ i kɔrɔw, walima i dɔgɔw.

Tim fɔlɔ 5:22

I kana teliya k'i bolo la mɔgɔ si kan, k'o tigi don Ala ka baara la. I kana jɛn ni mɔgɔ si ye ka hakɛ kɛ. Ele ka to k'i yɛrɛ saniya.

Tim 2nan 1:12

O le kosɔn, ne be tɔɔrɔ nunu muɲuna. Nga o ma kɛ maloyako ye ne fɛ, bari ne ye n jigi la min kan, ne b'ale lɔn, ani ne lanin b'a la ko ne jigi be min kan, see b'a ye k'o mara n ye fɔɔ laban loon na.

Tim 2nan 2:2

I ye fɛɛn min mɛn ne fɛ seere caaman ɲana, i k'o kalifa mɔgɔsɔbɛw ma minw be se ka mɔgɔ wɛrɛw kalan n'o ye.

Tite 1:5

Ne y'i to Kɛrɛti mara la min kama, o ye i ka Krista ka jama ka koo tɔw ɲanabɔ ka ɲamɔgɔw sigi jama kunna dugu kelen kelen bɛɛ la, k'o kɛɲɛ ni n ka ladili ye.

Yakuba 5:14

N'aw dɔ man kɛnɛ, o tigi ka Krista ka jama ɲamɔgɔw wele, u ka daalili kɛ a ye ka tulu kɛ a kuun na Matigi tɔgɔ la.

Piy fɔlɔ 5:1

Minw ye Krista ka jama ɲamɔgɔw ye aw cɛma, n kaan be olu le ma sisan. Ne fana ye ɲamɔgɔ dɔ ye, Krista ye tɔɔrɔ min sɔrɔ, ne y'o seere ye. A bena na ni nɔɔrɔ min ye, n bena dɔ sɔrɔ o la. Ne b'a ɲini aw fɛ ko

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Zan 2nan 1:1

Muso, Ala ye e min woloma, ne min ye a ka jama ɲamɔgɔ ye, ne be bataki nin ci ele n'i deenw ma. Aw koo ka di ne ye tiɲɛ na. A ma kɛ i n'a fɔ aw koo ka di ne dama ye dɛ, mɔgɔ o mɔgɔ be tiɲɛ lɔn, aw koo ka di olu bɛɛ ye.

Zan 3nan 1:1

Ne min ye Krista ka jama ɲamɔgɔ ye, ne be bataki nin ci ele Gayusi ma. I koo ka di ne ye tiɲɛ na.