Kɛwalew 14:15 - ALA KA KUMA

¹⁵ «Aw be mun le kɛra yan ten? Anw t'aw ɲɔgɔn mɔgɔw ye wa? Anw nana kibaru diman fɔ aw ye, janko aw ka faran kofufafu nunu na, k'aw ɲaa sin Nitigi Ala ma, min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Jula NT of Côte d’Ivoire

¹⁵ «An balemaw, mun kosɔn aw bɛ nin ko kɛra? Anw fana ye aw bɔɲɔgɔnko adamadenw le ye. An nana Kibaro Diman* le fɔ aw ye, ko aw ye faran o batori fufafuw ra ka yɛlɛma ka Ala ɲanaman bato, min ka sankolo ni dugukolo ni kɔgɔji dan, ani o kɔnɔfɛnw bɛɛ.

LAYIDUKURA

¹⁵ “Eee! Aw bɛ mun le kɛra yan ten? Anw fana ye mɔgɔw ye i n'a fɔ aw. Anw nana kibaru diman fɔ aw ye, janko aw ka faran kofufafu nunu na, k'aw nyasin Ala yɛrɛ ma, o min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Kɛwalew 14:15 Iomraidhean Croise

Damina 1:1

Ala y'a ka danni daminɛ tuma min na, a kɔnna ka sankolo ni dugukolo le dan.

Damina 41:16

Yusufu y'a fɔ masacɛ ye ko: «Ne tɛ, Ala le bena jabiɲuman d'i ma.»

Mas fɔlɔ 16:13

Bari Bayesa n'a dencɛ Ela tun ye kojugu caaman kɛ, ka Isirayɛlidenw bila o la fana. U tun ye joow dilan, fɛɛn kuntan nunu, o ye Masaba, Isirayɛli ka Ala dimi.

Mas fɔlɔ 16:26

A tugura Nebati dencɛ Zerobowamu kɔ k'a ka hakɛ bɛɛ ɲɔgɔn kɛ, min tun ye Isirayɛlidenw bila hakɛ la. O n'u ka josɔnko ye Masaba, Isirayɛli ka Ala dimi.

Mas 2nan 19:16

Masaba, i tulo malɔ ka mɛnni kɛ. I ɲaa yɛlɛ ka filɛli kɛ. Senakeribu ye mɔgɔ ci ka na e Ala nɛni. I k'a ka kuma mɛn.

Mas 2nan 19:4

Asiri masacɛ y'a ka kɛlɛmasa ci ka na Ala dɔgɔya. N'a sɔrɔ Masaba i ka Ala bena o kuma nunu bɛɛ mɛn, k'a ɲaa gwan o kosɔn. O la, Ala daali an ka siya tɔɔ ye.»

Zaburu 115:15

Masaba ka barika don aw la, ale min ye sankolo ni dugukolo dan.

Zaburu 124:8

An dɛmɛbaga ye Masaba le ye, min ye sankolo ni dugukolo dan.

Zaburu 31:6

Ne be n nii segi i ma. Ele Masa Ala tiɲɛtigi ye ne hɔrɔnya.

Zaburu 33:6

Masaba ye sankolo dan a ka kuma le barika la. A y'a kɔnɔnafɛnw bɛɛ dan a dafɔɲɔ barika la.

Bɔri 20:11

Bari ne, Masaba ye sankolo ni dugukolo ani kɔgɔji, n'u kɔnɔnafɛnw bɛɛ dan tile wɔɔrɔ kɔnɔ ka sɔrɔ ka lafiɲɛ tile wolonwulanan loon na. O le y'a to ne Masaba ye barika don lafiɲɛlon na k'a kɛ ne ta ye.

Ezayi 45:18

Masaba ye sankolo dan, ale Ala lo ye dugukolo ka barika don a la. A m'a dan k'a lakolon to, a y'a dan janko mɔgɔ ka to a kan. Ale lo ko: «Ne le ye Masaba ye, dɔ wɛrɛ te yen ne kɔ.

Ezayi 45:20

«Siya wɛrɛw min tora, aw ka ɲɔgɔn lajɛn ka na, aw ka gwɛrɛ ɲɔgɔn fɛ. Minw b'u ka joo lɔgɔlamanw kɔrɔta, olu te foyi lɔn. Batofɛn min te se ka mɔgɔ kisi, u be daalili kɛ o le fɛ.

Ezayi 46:7

U b'a ɲun u gaman kan ka taga n'a ye, u b'a bila a bilayɔrɔ la. A bena to o yɔrɔ la, a te bɔ yen fewu! U b'a daali, nga a te jaabili kɛ, gwɛlɛya tuma na, a te mɔgɔ kisi.

Yeremi 10:8

Olu bɛɛ lajɛnnin ye nalonmanw ye, hakilitanw lo. U be hakili min sɔrɔ joo lɔgɔlaman fɛ, fuu lo.

Yeremi 14:22

Siyaw ka joow cɛma, dɔ be yen min be se k'a to sanji be ben wa? Yala sankolo barika le be na ni sanji ye wa? Masaba an ka Ala, e le te sanji dibaga ye wa? An jigi be e le kan, bari e le be o koow bɛɛ kɛ.

Yeremi 32:17

«Ee! Matigi, Masaba, e le ye sankolo ni dugukolo dan e ka fanga, n'i ka setigiya fɛ. Foyi man gwɛlɛ i ma.

Yeremi 51:15

Masaba ye dugukolo dan a ka sebagaya barika la. A ye diɲɛ dan n'a ka lɔnniya ye, a ye sankolo yɛrɛkɛ a ka hakilitigiya fɛ.

Yeremi 8:19

Ne ka mɔgɔw kasikan be bɔra k'u to fɔɔ yɔrɔjan. U ko: «Masaba te *Siyɔn dugu kɔnɔ tugu wa? Dugu masacɛ te yen tugu wa?» Mun na mɔgɔ nunu be ne dusu dimi n'u ka josɔnko ye? Joo minw ye siya wɛrɛw ta ye.

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Amɔsi 2:4

Masaba ko: «Zuda mara ye kojugu minw kɛ, u ye kojugu caaman minw kɛ, ne tena o yafa. Bari, u ye ne Masaba ka sariya bila gɛrɛfɛ, u ma n ka kuma bato, bari, u faaw tun be joo minw sɔn, olu fana tugura o le kɔ.

Yunusu 2:8

Ne ninakili degunna tuma min na fɔɔ a tun be ɲini ka lɔ, ne hakili jigira, ne y'a fɔ ko: ‹Masaba.› E fana ye n kaan mɛn k'i to e batoso kɔnɔ.

Jakariya 12:1

Masaba ye min fɔ Isirayɛli kosɔn, o filɛ nin ye. Masaba ka kuma lo. Ale min ye sankolo ni dugukolo dan, ani ka nii don adamadenw na, a ko:

Matiyu 16:16

Simɔn Piyɛri y'a jaabi ko: «I ye Ala ka Mɔgɔ wolomanin nin ye, Ala Dencɛ.»

Yuhana 5:26

N Faa ye nii tigi ye, o la, a ye nii diko see di a Dencɛ fana ma.

Yuhana 7:18

Mɔgɔ min b'a yɛrɛ koo fɔ, o b'a yɛrɛ tanuyɔrɔ le ɲini. Nga min b'a cibaga koo fɔ, janko ka boɲa l'a kan, ale ye tiɲɛfɔla ye, dibidibi foyi t'o tigi ka kuma na.

Kɛwalew 10:26

Nga Piyɛri y'a minɛ ka wili k'a fɔ ko: «Wili, bari ne fana ye mɔgɔ lo ye.»

Kɛwalew 13:32

«Anw fana b'o kibaru diman nin fɔ aw ye ko Ala tun y'a daa di an bɛmaw ma koo min na,

Kɛwalew 14:21

Pɔli ni Barinabasi ye kibaru diman fɔ Dɛribekaw ye, ka kalanden caaman sɔrɔ. O kɔ, u segira ka taga Lisitɔrɔ, ka bɔ yen ka taga Ikoniyɔmu, ani Antiyɔsi.

Kɛwalew 14:7

U y'a daminɛ ka Matigi ka kibaru diman fɔ o yɔrɔ nunu na.

Kɛwalew 16:30

A bɔra n'u ye kɛnɛma k'u ɲininga ko: «Kɔrɔw, ne ka kan ka mun kɛ janko ka kisi?»

Kɛwalew 27:10

«N balimaw, ne y'a lɔn ko n'an tagara n'an ka taama ye ɲafɛ, farati bena sɔrɔ a la. Kurun n'a kɔnɔna minanw, hali an yɛrɛw nii bena se ka to a la.»

Kɛwalew 27:21

Kurun kɔnɔ mɔgɔw bɛɛ tun be kɔngɔ la o mɛnna. O la, Pɔli wilila ka lɔ u cɛma k'a fɔ u ye ko: «N balimaw, ne tun y'a fɔ aw ye ko an ka to Kɛrɛti, n'aw tun sɔnna ne ta ma, an be faratiko ni bɔnɛ min na, o tun tena an sɔrɔ.

Kɛwalew 27:25

Ayiwa n balimaw, o tuma na, aw k'aw jaa gwɛlɛya. Ne lanin be Ala la, a y'a fɔ n ye cogo min na, a bena kɛ ten.

Kɛwalew 4:24

Olu y'u ka kuma mɛn. O kɔ, u y'u kaan kɛ kelen ye ka Ala daali ko: «Matigi, e le ye sankolo ni dugukolo ani kɔgɔji, n'u kɔnɔnafɛnw bɛɛ dan.

Kɛwalew 7:26

O dugusagwɛ, a tagar'a sɔrɔ Isirayɛlidenw mɔgɔ fila be kɛlɛ la. A tun b'a fɛ k'u sabali. O la, a y'a fɔ u ye ko: ‹N balimaw, aw bɛɛ ye fɛɛn kelen ye, mun na aw be ɲɔgɔn tɔɔrɔla?›

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Sariya 32:21

U ye keliya don ne la ni batofɛnkolonw ye, u ye ne dusu wili n'u ka joow ye. Siya min te foyi ye, ne bena olu kɛ ka keliya don u la. Hakili te siya min fɛ, n ben'a kɛ u be dimi olu kosɔn.

Sariya 5:26

Mɔgɔ jumɛn be yen n'a ye Ala kaan mɛn ka bɔ tasuma cɛma i n'a fɔ anw, n'o tigi ɲanaman tora?

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.

Tim fɔlɔ 3:15

Hali ni ne mɛnna fana, e bena se k'i yɛrɛ minɛcogo lɔn Ala ka somɔgɔw cɛma, min ye Krista ka jama ye, min kɛra tiɲɛ juu sigiyɔrɔ n'a tintinyɔrɔ ye.

Heburuw 3:12

O tuma na n badenw, aw bɛɛ k'aw yɛrɛ minɛ aw si kana kɛ mɔgɔjugu ye, lanabaliya kan'a kɛ aw be ban Nitigi Ala la.

Yakuba 5:17

Kira Eli tun ye anw bɔɲɔgɔnko adamaden ye. A y'a jigi la Ala kan k'a daali ko sanji kana na. Sanji fana ma na fɔɔ saan saba ni kalo wɔɔrɔ.

Yosuwe 3:10

Aw ben'a lɔn nin le fɛ ko Ala be ni aw ye, ko a bena kanaanw gwɛn aw ɲa, ani itiw ni iviw, ani periziw ni girigasiw, ni amoriw ani zebuziw.

Yirari 14:7

Mɛlɛkɛ nin tun be pɛrɛnna ka to k'a fɔ ko: «Aw ye siran Ala ɲa, aw y'a boɲa, bari a ka kiti waati sera. Ale min ye sankolo ni dugukolo dan, ka kɔgɔji ni kɔɔw dan, aw k'ale bato.»

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.

Yirari 19:19

O tuma na, n ye Sogo nin, ani dugukolo kan masaw ani u ka kɛlɛbolo bɛɛ ye, u lajɛnnin tun lo. U k'u be taga sotigi n'a ka kɛlɛbolo kama.

Yirari 22:9

Nga a y'a fɔ ne ye ko: «Ayi! Kana o kɛ, ne fana ye Ala ka baarakɛla le ye i n'a fɔ e n'i tɔɲɔgɔn kiraw, ani minw bɛɛ be kitabu nin kɔnɔna kuma bato. I ka kan ka Ala le bato.»

Yirari 4:11

«An Matigi n'an ka Ala, i ka kan ni boɲa ni tanuli ye, k'i ka sebagaya koo fɔ! Bari, e le ye fɛɛn bɛɛ dan, a diyara i ye, e y'u bɛɛ dan.»

Sam fɔlɔ 12:21

Aw kana bɔ a kɔ. N'o tɛ, aw bena taga fɛɛn kuntan dɔw kɔ, minw tena aw mako ɲa, u fana tena se k'aw kisi, bari u te foyi ye.

Sam fɔlɔ 17:26

Dawuda y'a fɔ a gɛrɛfɛmɔgɔw ye ko: «Ni mɔgɔ min sera ka filisicɛ nin faga ka maloya bɔ Isirayɛlidenw kan, u bena mun le kɛ o tigi ye? Filisicɛ nin ye jɔn ye, kɛnɛkɛnɛbali nin, n'a be Ala ka jama darabɔ ten?»

Sam fɔlɔ 17:36

I ka baaraden tun sera ka jara ni wara faga. O cogo kelen na, a bena se filisicɛ kɛnɛkɛnɛbali nin kɔrɔ fana i n'a fɔ wara nunu dɔ, bari a be Ala ka kɛlɛdenw darabɔra.