Kɛwalew 13:6 - ALA KA KUMA

⁶ U y'o dugukolo nin cɛtigɛ fɔɔ a daan na ka taga bɔ dugu dɔ kan, min tɔgɔ ko Pafɔsi. Jinamoricɛ dɔ tun be yen, o tɔgɔ ko Barizezu, ko ale ye kira ye. Zuwifu tun lo.

Jula NT of Côte d’Ivoire

⁶ O ka Sipere jamana bɛɛ cɛtigɛ ka taga se fɔ Pafɔsi. O ka Yahudiyacɛ dɔ ye, min tun bɛ jinamoriya kɛ, k’a fɔ ko ale ye Ala ta cira ye; a tɔgɔ tun ye ko Bari Yesu.

LAYIDUKURA

⁶ U y'o dugukolo nin cɛtigɛ fɔɔ a daan na ka taa bɔ dugu dɔ kan, o min tɔgɔ ko Pafɔsi. Jinamoricɛ dɔ tun bɛ yen, o tɔgɔ ko Barizezu, ko ale ye kira ye. Zuwifu tun lo.

Kɛwalew 13:6 Iomraidhean Croise

Mas fɔlɔ 22:22

A ko: ‹Ne bena bɔ ka ne yɛrɛ kɛ nii galontigɛla ye ka don a ka kiraw bɛɛ daa la.› Masaba y'a fɔ k'o nii nin bena se k'a nigɛnigɛ k'a sɔrɔ. Ko a ka ta'a kɛ ten.

Lok fɔlɔ 10:13

Sayuli banna ka Masaba sago kɛ, a tora tilenbaliyako la, o le y'a to a sara, bari a ma Masaba ka kuma bato, a ye suu fana wele k'a ɲininga,

Bɔri 22:18

«Ni mɔgɔ dɔ ye begɛn ɲini i n'a fɔ muso, wajibi lo o tigi ka faga.

Sarakalasebagaw 20:6

«Ni mɔgɔ min ye kakalaya kɛ ka taga sukɔrɔ welebaga, walima lagwɛlikɛla fɛ, ne bena wili o tigi kama k'a niin bɔ a ka mɔgɔw cɛma.

Jakariya 13:3

O tuma na, ni mɔgɔ dɔ ye kirayakuma fɔ, a yɛrɛ facɛ n'a bamuso le ben'a fɔ a ye ko: ‹I ka kan ka faga, bari i be galon le tigɛra Masaba tɔgɔ la.› O la, n'a ye kiraya kɛ, a yɛrɛ wolofa n'a yɛrɛ woloba le ben'a sɔgɔ ni muru ye.

Matiyu 16:17

Yezu y'a fɔ a ye ko: «Zonasi dencɛ Piyɛri, i dagamunin lo, bari mɔgɔ si ma nin fɔ i ye, nga ne Faa min be sankolo la, o le y'o lɔnniya d'i ma.

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Marika 10:46

Yezu n'a ka kalandenw ni jamaba sera Zeriko. U bɔtɔ o dugu kɔnɔ, Time dencɛ Baritime min kɛra fiɲɛntɔ ye, o tun siginin be sira daa la ka daalili kɛ.

Kɛwalew 13:13

Pɔli n'a taamaɲɔgɔn, ye kurun ta ka taga ɲa, ka baa tigɛ ka se Pɛrize, Panfili jamana na. K'u to o yɔrɔ la, Zan Mariki kɔsegira Zeruzalɛmu.

Kɛwalew 13:8

Jinamoricɛ Barizezu, n'u b'a tɔgɔ wele ko Elimasi, girɛkikan na, ale wilila ka muruti Barinabasi ni Sɔli ma. A tun t'a fɛ masacɛlankan ka la Yezu la.

Kor 2nan 11:13

O mɔgɔ nunu be galon tigɛ k'olu ye cidenw ye, u kɛra galontigɛlaw ye, k'u yɛrɛ kɛ Krista ka cidenw ye.

Tim 2nan 3:8

Zannɛsi ni Zanbɛrɛsi murutira Musa ma cogo min na, o cogo kelen la, mɔgɔ nunu be ban tiɲɛ ma. U ka miiriya ma ɲi, u jigi te Matigi kan sɔbɛ la.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.