Kɛwalew 13:2 - ALA KA KUMA

² K'u to sundon ni Matigi batoli la loon dɔ, Nii Senuman y'a fɔ u ye ko: «Ne ye n bolo la Barinabasi ni Sɔli kan baara min kama, aw k'u fila bɔ danna waasa u k'o kɛ.»

Jula NT of Côte d’Ivoire

² Lanabagaw tun bɛ sun don, ka Matigi bato; ka o to o ra, Nin Saninman* k’a fɔ o ye ko: «Aw ye Barinabasi ni Sɔli bla ne ye danna, janko ne ka o wele baara min kama, o ye o kɛ.»

LAYIDUKURA

² K'u to suun ni Ala batoli la loon dɔ, Nii Senuman y'a fɔ u ye ko: “Ne ye n bolo la Barinabasi ni Sɔli kan baara min kama, aw k'u fila bɔ danna waasa u k'o kɛ.”

Kɛwalew 13:2 Iomraidhean Croise

Lok fɔlɔ 16:4

Dawuda ye Levi kɔmɔgɔ dɔw sigi Masaba ka layidu taamasiɲɛ kɛsu kɔrɔ k'olu ka to ka Masaba, Isirayɛli ka Ala bato, ani k'a tanu, k'a boɲa.

Daniyɛli 9:3

O la, ne ye suun don ka dusukasifani don, ka bugurigwɛ kɛ n yɛrɛ kan, ka n ɲaa sin Matigi Ala ma k'a daali kosɔbɛ.

Matiyu 17:21

Nga nin jina nin ɲɔgɔn te se ka gwɛn ka bɔ mɔgɔ la n'i ma suun don ka Ala daali.]»

Matiyu 6:16

«N'aw be suun na tuma min na, aw kana aw ɲaa kumu i n'a fɔ tɔgɔɲinilaw. Olu b'u ɲaa kumu janko mɔgɔw k'a lɔn k'u be suun na. Tiɲɛ na, ne b'a fɔ aw ye k'u y'u ka tɔnɔ sɔrɔ ka ban.

Matiyu 9:38

Aw ka forotigi daali a ka baarakɛlaw ci ka ta'a ka suman tigɛ.»

Luka 10:1

O kɔ, Matigi ye kalanden bi wolonwula ni fila wɛrɛ woloma. A yɛrɛ tun ka kan ka taga duguba ni dugudennin minw na, a y'u ci ka taga o yɔrɔw la a yɛrɛ ɲa mɔgɔ fila fila.

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun be to ka taga Alabatosoba kɔnɔ. A tun be suun don ka Ala daali tuma bɛɛ. O cogo la, a tun be Ala bato suu ni tile.

Kɛwalew 10:19

Piyɛri kɔni tun b'a la ka miiri a ka fɛɛn yenin kɔrɔ la dɔrɔn, Nii Senuman y'a fɔ a ye ko: «Mɔgɔ saba b'i yɔrɔ ɲinina.

Kɛwalew 10:30

Kɔrinɛyi y'a jaabi ko: «A tile saba tɛmɛnin filɛ nin ye, nin waati yɛrɛ ɲɔgɔn na, ne tun be Ala daalila n ka soo wulafɛ. Ne barila ka cɛɛ dɔ ye n ɲakɔrɔ, a kannafani gwɛnin tun lo parapara.

Kɛwalew 13:3

U ye suun don, ka Ala daali, o kɔ, u y'u bolo lala Barinabasi ni Sɔli kuun na, u sɔrɔla ka taga Matigi ka baara la.

Kɛwalew 13:4

Nii Senuman ye Barinabasi ni Sɔli bila cidenya la. Olu tagara Selesi, u bɔra o yɔrɔ la ka baa tigɛ ka taga dugukolonin dɔ kan kɔgɔji cɛma min tɔgɔ ko Sipɔrɔ.

Kɛwalew 14:26

ka kurun ta o yɔrɔ la ka taga Antiyɔsi, u tun ye Ala daali yɔrɔ min na ko a ka ɲumanya k'u bila sira, ka sɔrɔ ka taga baara nin kɛ.

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Kɛwalew 22:21

A y'a fɔ ne ye ko ale bena ne ci ka taga yɔrɔjan siya wɛrɛw fɛ.»

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Kɛwalew 6:4

Anw kɔni bena to ka Ala ka kuma fɔ, ani ka bila Ala daaliko ɲafɛ.»

Kɛwalew 8:29

Nii Senuman y'a fɔ Filipu ye ko a ka gwɛrɛ wotoro nin na.

Kɛwalew 9:15

Nga Matigi ko Ananiyasi ma: «Taga, bari ne ye cɛɛ nin woloma waasa a ka ne tɔgɔ fɔ siya wɛrɛw n'u ka masaw, ani Isirayɛlidenw ye, u ka ne lɔn.

Rɔmukaw 1:1

Ne Pɔli min ye Yezu Krista ka jɔɔn ye, ne welela ka kɛ ciden ye, ne wolomana ka kɛ Ala ka kibaru diman fɔbaga ye.

Rɔmukaw 10:15

Mɔgɔ fana be se k'a koo fɔ cogo di, n'u ma ci? O la, a fɔra Ala ka kuma na ko: «Mɔgɔ minw be kibaru diman fɔ,» ko: «Olu yenin be mɔgɔ nisɔndiya!»

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Kor fɔlɔ 12:11

Nga Nii Senuman kelen le b'o koo bɛɛ kɛ see di mɔgɔ kelen kelen bɛɛ ma ka kɛɲɛ n'a yɛrɛ sago ye.

Kor fɔlɔ 7:5

Aw kana ban ɲɔgɔn ma, fɔɔ n'aw fila bɛɛ bɛnn'a la ko aw bena waati dɔɔni kɛ ka Ala daali. O kɔ, aw ka segi ɲɔgɔn ma tugu, waasa aw ka se k'aw yɛrɛ minɛ Sutana ka nigɛli tuma na.

Kor 2nan 11:27

Ne sigɛnna baara gwɛlɛman bolo, ne ma sinɔgɔ siɲɛ caaman, ne tɔɔrɔla kɔngɔ ni minnɔgɔ bolo, tuma caaman ne tun te dumuni sɔrɔ, ne tɔɔrɔla nɛnɛ bolo kosɔbɛ, ne tun te fani sɔrɔ k'a don fana.

Kor 2nan 6:5

U y'an bugɔ, u y'an don kaso la, u ye mɔgɔw kɔnɔnasu an kama, an ye baara gwɛlɛmanw kɛ, sinɔgɔ m'an labɔ, kɔngɔ y'an minɛ.

Galasikaw 1:15

Sanni ne baa ka ne wolo, Ala ye ne woloma ka bila, a diyara a ye ka ne wele fana a ka nɛɛma barika la.

Ɛfɛsikaw 3:7

Ala ye nɛɛma kɛ ne ye a ka sebagaya barika la, ka ne kɛ kibaru diman nin fɔbaga ye.

Sariya 10:8

«O waati la, Masaba ye baara dɔ kalifa Levi kɔmɔgɔw ma, o ye Masaba ka layidu taamasiɲɛ kɛsu tako ye, ani ka to a ɲakɔrɔ ka baara kɛ a ye, ani ka dubaw kɛ jama ye a tɔgɔ la. Olu b'o baara nin kɛra halibi.

Kɔlɔsikaw 4:17

Aw k'a fɔ Arisipi ye ko Matigi ye baara min kalifa a ma, ko a ka banba k'o kɛ ka ɲa.

Tim fɔlɔ 2:7

O le kosɔn, ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tiɲɛ lɔn. Ne be tiɲɛ le fɔra, ne te galon tigɛra.

Tim 2nan 1:11

Ala ye ne wele o kibaru diman nin fɔli kama ka n kɛ ciden ni karamɔgɔ ye.

Tim 2nan 2:2

I ye fɛɛn min mɛn ne fɛ seere caaman ɲana, i k'o kalifa mɔgɔsɔbɛw ma minw be se ka mɔgɔ wɛrɛw kalan n'o ye.

Tim 2nan 4:11

Luka kelen le be ni ne ye yan. N'i be na, i ka na ni Mariki ye. Ale be se ka ne dɛmɛ baara la.

Tim 2nan 4:5

Nga ele kɔni, i k'i yɛrɛ minɛ kosɔbɛ koo bɛɛ la. I ka sigɛn muɲu, k'i ka baara kɛ ka ɲa min ye kibaru diman fɔli ye.

Heburuw 5:4

Mɔgɔ t'o tɔgɔ nin sɔrɔ a yɛrɛ ma, nga Ala le b'o d'a ma i n'a fɔ Arɔn ta kɛra cogo min na.

Sam fɔlɔ 2:11

O kɔ, Ɛlikana kɔsegira ka ta'a ka soo Arama. Samuyɛli tora ka baara kɛ Masaba ye sarakalasebaga Eli gɛrɛfɛ.