Kɛwalew 13:1 - ALA KA KUMA

¹ Kira ni karamɔgɔw tun be Krista ka jama cɛma Antiyɔsi. Olu tun ye: Barinabasi, ni Simeyɔn, min be wele ko Nizɛri, ani Lusiyusi ka bɔ Sirɛni, ni Manayɛn, min ni *Erɔdi ye denmisɛnya kɛ ɲɔgɔn fɛ. Sɔli ka fara u kan.

Jula NT of Côte d’Ivoire

¹ Ciraw ni karamɔgɔw tun bɛ Antiyɔsi lanabagaw cɛ ra: o tun ye Barinabasi ye, ani Simeyɔn min tɔgɔ lara ko Cɛfin, ani Lusisi min bɔra Sirɛni, ani Manahɛni min ni jamanatigi Herodi lamɔna ɲɔgɔn fɛ, ani Sɔli.

LAYIDUKURA

¹ Kira ni karamɔgɔw tun bɛ Ala ka jama cɛma Antiyɔsi. Olu tun ye: Barinabasi, ni Simiyɔn, u b'ale min wele ko Nizɛri, ani Lusiyusi ka bɔ Sirɛni, ni Manayɛn, o min ni Erɔdi ye denmisɛnya kɛ nyɔgɔn fɛ. Sɔli ka fara u kan.

Kɛwalew 13:1 Iomraidhean Croise

Matiyu 27:32

U taatɔ, u ye cɛɛ dɔ kunbɛn min tun ye Sirɛnika ye ka bɔ Libi jamana na, a tɔgɔ ko Simɔn. U y'ale karaba ka Yezu ka gwengwenlɔgɔ ta.

Luka 3:1

Ɔrɔmu masacɛ Tibɛri ka masaya saan tan ni duurunan na, o y'a sɔrɔ Pɔnsi Pilati tun be Zude mara kunna, *Erɔdi tun be Galile mara kunna, a balimacɛ Filipu tun be Iture ni Tarakoniti maraw kunna, ani Lizaniyasi tun be Abilɛni mara kunna.

Kɛwalew 11:30

U y'a kɛ ten. U y'o bolomafara nunu don Barinabasi ni Sɔli bolo k'u ka taga u di Krista ka jama ɲamɔgɔw ma Zude mara la.

Kɛwalew 12:25

Cii min tun donna Barinabasi ni Sɔli bolo k'a kɛ Zeruzalɛmu, u tilara o la tuma min na, u kɔsegira Antiyɔsi. U kɔsegitɔ, u tagara ni Zan ye, o be min wele ko Mariki.

Kɛwalew 13:9

O tuma na, Sɔli, n'u b'a wele fana ko Pɔli, ale fanin Nii Senuman na, ye jinamoricɛ filɛ,

Kɛwalew 15:32

Zude ni Silasi tun ye kiraw ye fana. U ye baro diman kɛ ni balimaw ye fɔɔ ka mɛn, ka dɔ fara u ka jagwɛlɛya kan.

Kɛwalew 15:35

Pɔli ni Barinabasi kɔni tora Antiyɔsi. Olu ni mɔgɔ wɛrɛw tun be tɔw kalan ani ka to ka Matigi ka kibaru diman fɔ u ye.

Kɛwalew 19:6

Pɔli y'a bolo lala u kuun na, Nii Senuman jigira u kan, u y'a daminɛ ka siyakan wɛrɛw fɔ, ani ka kirayakuma fɔ.

Kɛwalew 21:9

Sunguru mɔgɔ naani tun b'a fɛ. Olu bɛɛ tun ye kiraw ye.

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Kɛwalew 9:1

O y'a sɔrɔ Sɔli tun b'a la ka Matigi ka kalandenw bagabaga n'u ka fagako ye dɔrɔn. A tagara

Rɔmukaw 16:21

Ne ka baarakɛɲɔgɔn Timote b'aw fora, ani Lusiyusi, ni Zasɔn, ani Sosipatɔrɔsi, olu minw ye ne ka mɔgɔw ye.

Kor fɔlɔ 11:4

Cɛɛ o cɛɛ be Ala daali walima n'a be kiraya kɛra, ni fugulan b'a kuun na, a b'a kuntigi le dɔgɔya.

Kor fɔlɔ 13:2

Hali ni ne ye kiraya kɛ see sɔrɔ, ka kodogoninw, ni fɛɛn bɛɛ lɔnniya sɔrɔ, hali ni ne lara Ala la kosɔbɛ, fɔɔ ka se ka kuluw wili k'u bɔ u lɔyɔrɔ la, ni kanuya te ne dusu la, o bɛɛ ye gwansan ye.

Kor fɔlɔ 13:8

Daan te kanuya la. Kiraya bena ban, kaan wɛrɛ fɔ bena dabila, lɔnniya fana bena ban.

Kor fɔlɔ 14:29

Min kɛra kirayako ye, mɔgɔ fila, walima saba ka kirayakuma fɔ, tɔw k'o kɔrɔ sɛgɛsɛgɛ.

Kor fɔlɔ 14:32

Ka kira to a ka kiraya la, a be se k'a yɛrɛ minɛ.

Kor fɔlɔ 9:6

Walima ne ni Barinabasi dama ka kan ka baara kɛ janko k'an daladumuni sɔrɔ wa?

Galasikaw 2:13

Zuwifu minw lara Krista la, olu fana tugura ale kɔ a ka namaratɔya la, ani Barinabasi fana.

Galasikaw 2:9

Zaki ni Piyɛri ani Zan olu minw tun be jati kosɔbɛ, olu fana y'a lɔn ko Ala ye nɛɛma kɛ ne ye. U y'u bolo don ne ni Barinabasi bolo la, k'a yira ko an bɛɛ kɛra baarakɛɲɔgɔnw ye, waasa an ka taga siya wɛrɛw fɛ, olu ka taga zuwifuw fɛ.

Ɛfɛsikaw 4:11

Ale Krista kelen le ye mɔgɔw boɲa ka seko d'u ma, dɔw ka kɛ cidenw ye, dɔw ka kɛ kiraw ye, dɔw ka kɛ a ka kibaru diman fɔbagaw ye, dɔw fana ka kɛ Krista ka jama kɔlɔsibagaw ni karamɔgɔw ye.

Filipikaw 4:22

Krista kɔmɔgɔw minw be yan, olu bɛɛ b'aw fo, nga aw fɔbaga tigitigiw, o ye minw be masacɛ ka soo kɔnɔ.

Tes fɔlɔ 5:20

Aw kana kirayakuma lɔgɔbɔ.