Kɛwalew 12:7 - ALA KA KUMA

⁷ O tuma na, Matigi ka mɛlɛkɛ dɔ donna, o yɔrɔnin bɛɛ, kasobon kɔnɔna bɛɛ sinna ka kɛ yeelenba ye. Mɛlɛkɛ ye Piyɛri gosi a gɛrɛn na ko a ka wili joona. Jɔrɔkɔ nunu tigɛra ka bɔ a bolow la o yɔrɔnin bɛ.

Jula NT of Côte d’Ivoire

⁷ Matigi ta mɛlɛkɛ dɔ donna kasobon kɔnɔ; yeelen dɔ manamanana kasobon kɔnɔ. Mɛlɛkɛ ka Piyɛri bugɔbugɔ a kɛrɛn na k’a lakunu, k’a fɔ a ye ko: «Wuri joona!» Nɛgɛjɔrɔkɔ tigɛra ka bɔ a boro ra ka ben dugu ma.

LAYIDUKURA

⁷ O tuma na Matigi ka mɛlɛkɛ dɔ donna, o yɔrɔnin bɛ, kasobon kɔnɔna bɛɛ sinna ka kɛ yeelenba ye. Mɛlɛkɛ ye Piyɛri gosi a gɛrɛn na ko a ka wili joona. Jɔrɔkɔ nunu tigɛra ka bɔ a bolow la o yɔrɔnin bɛ.

Kɛwalew 12:7 Iomraidhean Croise

Sam 2nan 22:29

Masaba, e kɛra ne ka yeelen ye. I be yeelen bɔ ne ye dibi la.

Mas fɔlɔ 19:5

O kɔ, a lara yiri nin kɔrɔ ka sinɔgɔ. Mɛlɛkɛ dɔ nana maga a la k'a fɔ a ye ko a ka wili ka dumuni kɛ.

Mas fɔlɔ 19:7

Masaba ka mɛlɛkɛ nin nana maga a la a siɲɛ filanan na k'a fɔ a ye ko a ka wili ka dumuni kɛ, ko bari sira nin ka jan a seen kɔrɔ.

Zaburu 107:14

A y'u bɔ dibijugu kɔnɔ, a y'u ka jɔrɔkɔw tigɛ.

Zaburu 116:16

Masaba, ne y'i ka baarakɛla ye tiɲɛ na. I ka baarakɛla min wolola i ka baarakɛmuso fɛ. I ye ne hɔrɔnya.

Zaburu 146:7

A be mɔgɔ tɔɲɔnin ka tiɲɛ fɔ, a be dumuni di kɔngɔtɔ ma. Ale lo be kasodenw hɔrɔnya.

Zaburu 34:7

Sigɛnbagatɔ kasir'a kɔ, a y'a jaabi. A y'a bɔsi k'a bɔ a ka dusukasi bɛɛ la.

Zaburu 68:6

Ka Ala to a ka yɔrɔ senuman na, ale lo ye falatɔ faa ye, ale lo be firiyamuso ka tiɲɛ fɔ.

Ezayi 37:30

«Nin le na kɛ o taamasiɲɛ ye i fɛ, Ezekiyasi: Aw bena sumanmanaw le dumu ɲinan. A saan filanan fana bena kɛ ten. Nga a saan sabanan na, aw ka danni kɛ ka suman tigɛ, ka *ɛrɛzɛnsunw tutu k'u deenw dumu.

Ezayi 60:1

Zeruzalɛmu, wili ka lɔ i yeelen ka bɔ. Bari, e ka yeelen filɛ nin ye. Masaba ka nɔɔrɔ b'i kan.

Yeremi 40:1

Masaba kumana Zeremi fɛ tuma min na masacɛ kɔlɔsibagaw kuntigi Nebuzaradan tun y'a bila ka bɔ Arama. Mɔgɔ minw bɛɛ tun minɛna Zeruzalɛmukaw ni Zuda mara mɔgɔw cɛma ka taga Babilɔni, a tun ye Zeremi minɛ ka bɔ olu cɛma. O y'a sɔrɔ a tun sirinin be ni jɔrɔkɔ ye.

Ezekiyɛli 43:2

Ne ye Isirayɛli ka Ala ka nɔɔrɔ natɔ ye ka bɔ kɔrɔn ɲafan fɛ. A kumakan tun be i n'a fɔ jiba mankan. Dugukolo yɔrɔ bɛɛ manamananin tun be a ka nɔɔrɔ barika la.

Daniyɛli 3:28

O tuma na, Nabukodonozɔri kumana. A y'a fɔ ko: «Sadiraki, ni Mesaki ani Abɛdenego ka Ala ka tanu! Ale min y'a ka mɛlɛkɛ ci ka n'a ka baarakɛlaw kisi. Minw y'u jigi la ale kan, ka ban masacɛ darakan na, ka sɔn saya ma waasa u kana fɛɛn wɛrɛ bato n'a ma kɛ u ka Ala ye.

Daniyɛli 6:22

Daniyɛli ye masacɛ jaabi ko: «Masacɛ, Ala ka sijan d'i ma!

Mise 7:9

Ne ka kan ka Masaba ka tɔɔrɔ muɲu, fɔɔ n'a ye ne ka koo filɛ k'a ɲanabɔ, bari ne y'a hakɛ ta. A bena ne bɔ dibi la, ne ben'a ka tilenninya nafa ye.

Habakuki 3:11

Tile ni kalo lɔra yɔrɔ kelen i ka biɲɛ manamanakojugu fɛ, n'i ka taman yeelen fɛ.

Habakuki 3:4

A be kɛnɛ bɔ i ko tile, yeelen be manamana ka bɔ a bolo la, o le y'a ka fanga dogoyɔrɔ ye.

Matiyu 2:13

Lɔnnikɛlaw taanin kɔ, Matigi ka mɛlɛkɛ dɔ y'a yɛrɛ yira Yusufu la siko la. A y'a fɔ Yusufu ye ko a ka wili ka boli ka taga ni deen n'a baa ye Ezipiti jamana na, bari *Erɔdi bena deen yɔrɔ ɲini ko a b'a faga. Ko a ka to o yɔrɔ la fɔɔ n'ale ka kuma sera a ma tuma min na.

Luka 2:9

Matigi ka mɛlɛkɛ dɔ y'a yɛrɛ yira u la. O yɔrɔnin bɛɛ, Matigi ka nɔɔrɔ manamanana k'u lamini. U siranna kosɔbɛ.

Luka 24:4

K'u hakili ɲagaminin to o koo la, u barila ka cɛɛ fila dɔ ye. U ka faniw tun be manamana haali.

Kɛwalew 10:30

Kɔrinɛyi y'a jaabi ko: «A tile saba tɛmɛnin filɛ nin ye, nin waati yɛrɛ ɲɔgɔn na, ne tun be Ala daalila n ka soo wulafɛ. Ne barila ka cɛɛ dɔ ye n ɲakɔrɔ, a kannafani gwɛnin tun lo parapara.

Kɛwalew 12:23

Erɔdi sɔnna u y'a boɲa i n'a fɔ Ala minkɛ, o le y'a to Matigi ka mɛlɛkɛ dɔ nan'a gosi. Tumu donna a la, a sara.

Kɛwalew 12:6

*Erɔdi tun bena Piyɛri kiti sini ɲɔgɔn. Sufɛ Piyɛri tun be sinɔgɔra sɔlidasi fila cɛma, jɔrɔkɔw tun donnin b'a la, k'o siri sɔlidasi nunu na. O y'a sɔrɔ kɔlɔsilikɛbaga dɔw fana tun be daa la.

Kɛwalew 12:8

Mɛlɛkɛ y'a fɔ a ye ko a k'a cɛɛ siri k'a ka sanbara don. Piyɛri sɔnna k'o kɛ. Mɛlɛkɛ y'a fɔ a ye tugu k'a k'a ka fani don ka tugu ale kɔ.

Kɛwalew 16:26

O yɔrɔnin bɛɛ, dugukolo yɛrɛyɛrɛla, boon bɛɛ lamagara, daa nunu bɛɛ yɛlɛla, kasodenw bɛɛ ka jɔrɔkɔw tigɛra ka bɔ u seenw na.

Kɛwalew 2:24

Nga Ala y'a kunun a faganin kɔ ka bɔ saya tɔɔrɔ la, bari a tun man kan ka to saya bolo.

Kɛwalew 5:19

Nga Matigi y'a ka mɛlɛkɛ ci sufɛ ka na kasobon daa yɛlɛ ka bɔ ni ciden nunu ye k'a fɔ u ye ko

Kɛwalew 9:3

K'a to sira kan, a surunyana Damasi la tuma min na, yeelenba dɔ bɔra sanfɛ ka n'a lamini.

Ɛfɛsikaw 5:14

Bari ni koo o koo bɔra kɛnɛ kan ka ban, o be faamu. O le y'a to a fɔra ko: «Wili, e min be sinɔgɔ la, wili ka bɔ suuw cɛma, Krista ben'a ka yeelen bɔ i ye.»

Heburuw 1:14

Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?

Yirari 18:1

O kɔ, ne ye mɛlɛkɛ wɛrɛ jigitɔ ye ka bɔ sankolo la. Sebagayaba tun b'a bolo. A ka nɔɔrɔ ye yeelen bɔ dugukolo faan bɛɛ la.