Kɛwalew 12:6 - ALA KA KUMA

⁶ *Erɔdi tun bena Piyɛri kiti sini ɲɔgɔn. Sufɛ Piyɛri tun be sinɔgɔra sɔlidasi fila cɛma, jɔrɔkɔw tun donnin b'a la, k'o siri sɔlidasi nunu na. O y'a sɔrɔ kɔlɔsilikɛbaga dɔw fana tun be daa la.

Jula NT of Côte d’Ivoire

⁶ Ayiwa, Herodi* tun labɛnna, ko ni dugu gbɛra, a bɛna Piyɛri ta kiti tigɛ jama ɲa kɔrɔ. O su fɛ, Piyɛri tun bɛ sunɔgɔra sorasi fla cɛ ma, k’a sirinin to ni nɛgɛjɔrɔkɔ fla ye. Sorasi dɔw tun lɔlɔnin bɛ da ra, o bɛ kasobon kɔrɔsira.

LAYIDUKURA

⁶ Erɔdi tun bɛna Piyɛri kiti sini nyɔgɔn. Sufɛ Piyɛri tun bɛ sinɔgɔra sɔlidasi fila cɛma, jɔrɔkɔw tun donnin b'a la, k'o siri sɔlidasi nunu na. O y'a sɔrɔ kɔlɔsilikɛbaga dɔw fana tun bɛ daa la.

Kɛwalew 12:6 Iomraidhean Croise

Damina 22:14

Ibrayima y'o yɔrɔ nin tɔgɔ la ko Masaba bena o ɲanabɔ. Fɔɔ ka se bii ma, u b'a fɔ ko: «Masaba bena o ɲanabɔ a ka kulu kan.»

Zaburu 4:8

Tuma min na suman ni duvɛnkɛnɛ ka ca u fɛ, u nisɔn ka di kosɔbɛ, nga e be ne nisɔn diya ka tɛmɛ o kan.

Yeremi 40:1

Masaba kumana Zeremi fɛ tuma min na masacɛ kɔlɔsibagaw kuntigi Nebuzaradan tun y'a bila ka bɔ Arama. Mɔgɔ minw bɛɛ tun minɛna Zeruzalɛmukaw ni Zuda mara mɔgɔw cɛma ka taga Babilɔni, a tun ye Zeremi minɛ ka bɔ olu cɛma. O y'a sɔrɔ a tun sirinin be ni jɔrɔkɔ ye.

Yeremi 40:4

Nga sisan, a filɛ, jɔrɔkɔ min b'i bolo la, ne be o bɔ yen bii. N'i b'a fɛ ka taga ni ne ye Babilɔni, i ka na, ne bena janto i la. Nga, n'i t'a fɛ ka taga fana, i be se ka to. Jamana nin bɛɛ filɛ i ɲafɛ, taga i sagolayɔrɔ la.»

Matiyu 28:4

Kɔlɔsilikɛbagaw siranna kosɔbɛ fɔɔ u yɛrɛyɛrɛla ka kirin.

Kɛwalew 12:5

Ka Piyɛri datugunin to kaso la, Krista ka jama kɔni tun be Ala daalil'a ye dɔrɔn.

Kɛwalew 21:33

O tuma na, sɔlidasi kuntigi gwɛrɛla ka Pɔli minɛ, ko a ka sɔlidasiw k'a siri ni jɔrɔkɔ fila ye. O kɔ, a ye ɲiningali kɛ ko yala jɔn lo, ani ko a ye mun kɛ.

Kɛwalew 28:20

O le y'a to ne y'aw wele ka kuma n'aw ye. Isirayɛli jigi be min kan, o kama lo ne sirinin be ni jɔrɔkɔ ye.»

Kɛwalew 5:23

«An tagara se ka daa yɛlɛ ka don, an ma mɔgɔ si sɔrɔ yen. K'a sɔrɔ dakɔlɔsibagaw tun be daa la, a fana tun sɔgɔnin lo ka ɲa.»

Ɛfɛsikaw 6:20

min kosɔn ne kɛra Krista ka lasigiden ye ni n be kaso la. Aw ka Ala daali ne ye, waasa ne ka se k'a ka koo fɔ ni jagwɛlɛya ye i n'a fɔ ne ka kan k'a fɔ cogo min na.

Sariya 32:26

Ne tun ko n bena u bɛɛ halaki pewu, k'u tɔgɔ tunu ka bɔ mɔgɔw hakili la.

Tim 2nan 1:16

Matigi k'a ka ɲumanya kɛ Onezifɔri ka somɔgɔw ye, bari a ye ne jigi tugu siɲɛ caaman na. Ne kɛra kasoden ye, o bɛɛ n'a ta, a ma maloya ni ne ka koo ye.

Heburuw 13:6

Anw b'an jigi la a kan o tuma na k'a fɔ ko: «Matigi ye ne dɛmɛbaga ye, ne tena siran foyi ɲa. Adamaden be se ka mun kɛ ne la?»