Kɛwalew 11:23 - ALA KA KUMA

²³ Ala y'a ka ɲumanya yira mɔgɔ nunu la cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Jula NT of Côte d’Ivoire

²³ Barinabasi sera Antiyɔsi minkɛ, a ka Ala ta baraka ye lanabagaw kan minkɛ, o ka a jusu diya. A ka lanabagaw ja gbɛlɛya ko o ye jija ka to Matigi ta sira kan.

LAYIDUKURA

²³ Ala y'o mɔgɔ nunu dɛmɛ cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kɛwalew 11:23 Iomraidhean Croise

Mas 2nan 18:6

A tora k'a jigi la Masaba kan, a ma Masaba bila. Masaba tun ye sariya minw di Musa ma, a y'o bato.

Zaburu 17:3

I ye ne sɛgɛsɛgɛ sufɛ ka n filɛ. I ye n kɔrɔbɔ, i ma foyi ye n la. N ka kuma ni n ka miiriya kɛra kelen ye.

Zanaw 23:15

N deen, n'i kɛra kolɔnbaga ye, n dusu bena diya.

Zanaw 23:28

A be i ko benkannikɛla, a be dɛn, a be cɛɛ caaman bila kakalaya la.

Daniyɛli 1:8

Daniyɛli y'a ŋaniya ta ko ale ten'a yɛrɛ nɔgɔ ni masacɛ ka dumuni, n'a ka duvɛn ye. O la, a ye baaradenw ɲamɔgɔ daali ko a kana ale wajibiya a k'a yɛrɛ nɔgɔ n'o fɛɛn nunu ye.

Matiyu 16:24

Yezu y'a fɔ a ka kalandenw ye ko: «Ni mɔgɔ min b'a fɛ ka tugu ne kɔ, o tigi kana miiri a yɛrɛ ka nafa la. A k'a ka gwengwenlɔgɔ ɲun ka tugu ne kɔ.

Marika 2:5

Yezu y'a ye k'o mɔgɔw nunu lara ale la minkɛ, a y'a fɔ muruku nin ye ko: «N teri, i ka hakɛw yafara.»

Yuhana 15:4

Aw ye to ni ne ye i n'a fɔ ne be n'aw ye cogo min na. Yiribolo te se ka tigɛ ka to a kelen na ka se ka deen kɛ cogo min na a yɛrɛ ma, o cogo kelen na fana, n'aw ma to ne fɛ, aw te se ka foyi kɛ.

Kɛwalew 13:43

Jama jɛnsɛnnin kɔ, zuwifuw caaman, ani minw tuubira ka kɛ zuwifuw ye, olu caaman tugura Pɔli ni Barinabasi kɔ. Pɔli ni Barinabasi y'u ladi k'u ka jija k'u jigi la Ala kan a ka nɛɛma barika la.

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Kɛwalew 14:26

ka kurun ta o yɔrɔ la ka taga Antiyɔsi, u tun ye Ala daali yɔrɔ min na ko a ka ɲumanya k'u bila sira, ka sɔrɔ ka taga baara nin kɛ.

Kɛwalew 15:40

Pɔli fana, ale ye Silasi ta. Balimaw ye Ala daali ko Matigi ka ɲumanya k'u bila sira. O kɔ, u tagara.

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 20:32

«Ayiwa, sisan kɔni, ne b'aw kalifa Ala n'a ka nɛɛmakuma ma, see be kuma min ye k'aw sabati, ka siniɲasigi labɛn k'a bila Ala ka mɔgɔw bɛɛ ye.

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Rɔmukaw 12:8

Mɔgɔ ladi see dira min ma, o tigi k'o kɛ. Ka mɔgɔw sɔn fɛɛn na, o see dira mɔgɔ min ma, o tigi k'o kɛ, a kana sigasiga. Ka kɛ ɲamɔgɔ ye, o see dira min ma, o tigi ka banba k'o kɛ. Mɔgɔ min be makari, o tigi k'o kɛ ni nisɔndiya ye.

Kor fɔlɔ 15:58

O kosɔn, ne balima kanunlenw, aw ye jija kosɔbɛ, aw kana siran, aw ye taga ɲa Matigi ka baara la tuma bɛɛ, ka l'a la ko aw be baara min kɛra Matigi ye, k'o tena kɛ gwansan ye.

Kor 2nan 1:17

O tuma na, ne tun y'o koo latigɛ waati min na, ne tun m'o jati koba ye wa? Walima ne ka koo latigɛtaw ye adamaden ka miiriya dama ye, ni n be kaan fila fɔ wa? K'a fɔ ɔnhɔn ka tila k'a fɔ ayi.

Kor 2nan 6:1

An be baara kɛra ni Ala ye, o le kosɔn an b'aw daali ko Ala ye nɛɛma min kɛ aw ye, aw kan'a to o be kɛ gwansan ye,

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Kɔlɔsikaw 1:6

O le sera diɲɛ yɔrɔ bɛɛ la, n'a be baara kɛra yen kosɔbɛ, i n'a fɔ a b'a kɛra aw fɛ cogo min na. Kabin'a sera aw fɛ, aw sɔnn'a ma, o le y'aw dɛmɛ ka Ala ka nɛɛma lɔn sɔbɛ la.

Tim 2nan 3:10

E kɔni be ne ka kalan kala ma, ni n ka taamacogo, ani n ka koo latigɛninw, ne lara Matigi la cogo min na, i be o kala ma. Ne muɲuna, ka mɔgɔw kanu, ani n jijara cogo min na fana,

Yosuwe 22:5

Masaba ka baarakɛla Musa ye sariya ni kuma minw fɔ aw ye, aw ka olu bato ka ɲa, aw ka Masaba aw ka Ala koo diya aw yɛrɛ ye, k'a ka kuma bato ka taama ka kɛɲɛ n'a sago bɛɛ ye. Aw ye nɔrɔ ale la, ka baara kɛ ale ye n'aw dusu bɛɛ ye.»

Yosuwe 23:8

Aw ka nɔrɔ Masaba aw ka Ala la, i n'a fɔ aw tun nɔrɔl'a la cogo min na fɔɔ ka na se bii ma.

Piy fɔlɔ 5:12

Ne ka kuma damani nunu n be minw cira aw ma, Silivɛn le y'o sɛbɛn. N b'a jati n badensɔbɛ ye. N b'a fɛ k'aw ladi, k'a yira aw la ko Ala ka nɛɛma tigitigi lo ne ye min koo fɔ aw ye, aw bolo lanin be min kan.

Zan fɔlɔ 2:28

Ayiwa, ne deenw, aw ye nɔrɔ ka ɲa Krista la waasa a bena kɔsegi loon min na, o k'a sɔrɔ jigi b'an fɛ, an kana maloya sɔrɔ.

Zan 3nan 1:4

Ni ne y'a mɛn ko n deenw tagamacogo bɛnnin lo ni Ala ka tiɲɛ ye, o le ka di n ye ka tɛmɛ fɛɛn bɛɛ kan.

Zude 1:4

Bari namaramɔgɔ dɔw donna aw cɛma minw ka jalakiko fɔra Ala ka kuma na kabini tumajan. O Alaɲasiranbali nunu be an ka Ala ka nɛɛma koo ta k'o kɛ kokolon kɛli ye, ani u bɛɛ be ban an Matigi Yezu Krista la, ale min kelenpe ye an kuntigi ye.