Kɛwalew 11:21 - ALA KA KUMA

²¹ Ala y'a ka sebagaya d'u ma fɔɔ mɔgɔ caaman lara Matigi la ka sɔn a ma.

Jula NT of Côte d’Ivoire

²¹ Matigi ta sebagaya tun bɛ o lanabagaw kan; mɔgɔ camanba lara Matigi ra, ka sɔn Matigi ma.

LAYIDUKURA

²¹ Ala y'a ka sebagaya d'u ma fɔɔ mɔgɔ caaman sɔnna Matigi ma.

Kɛwalew 11:21 Iomraidhean Croise

Lok 2nan 30:12

Zuda mara la fana, Masaba y'a to jama ka miiriya kɛra kelen ye ka se ka masacɛ n'a ka ɲamɔgɔw ka fɔta kɛ, ka kɛɲɛ ni ale Masaba ka kuma ye.

Ɛsidarasi 7:9

A tun y'a latigɛ k'u bena bɔ Babilɔni saan kalo fɔlɔ tile fɔlɔ loon na. A fana tagara se Zeruzalɛmu saan kalo duurunan tile fɔlɔ, bari a ka Ala tun be n'a ye kosɔbɛ.

Ɛsidarasi 8:18

An ka Ala tun be n'an ye minkɛ, u nana ni Serebiya ye, min ye mɔgɔ hakiliman ye Mali kɔmɔgɔw cɛma min tun ye Isirayɛliden Levi deen ye. U nana n'a dencɛw n'a balimaw ye fana. Olu bɛɛ lajɛnnin kɛra mɔgɔ tan ni seegi,

Nehemi 2:18

O kɔ, ne ka Ala tora ni ne ye cogo min na, ani masacɛ tun ye kuma min fɔ n ye, ne y'o lakali u ye. O la, u y'a fɔ ko: «An ka wili k'a lɔ!» A kɛra ten, u jijara o baaraɲuman nin na.

Nehemi 2:8

N y'a fɔ fana k'u ka bataki dɔ di fana n bena min di jamana kɔnɔ yiriw kɔlɔsibaga Azafu ma, janko ale ka se ka yiriw di n ma, an bena minw lɛsɛ ka kɛ koonw ye k'u don masadugu dondaw la, Ala ka soo gɛrɛfɛ. Ani ka dɔw kɛ dugu nin laminikogo la ani ne yɛrɛ ka boon na fana. Masacɛ ye bataki nunu di n ma, bari ne ka Ala min ka ɲi tun be n fɛ.

Ezayi 53:1

An be min mɛnna, jɔn le lara o la? Masaba y'a ka sebagaya yira jɔn na?

Ezayi 59:1

A ma kɛ ko Masaba te se k'aw kisi dɛ! A tulo fana ma gweren k'a fɔ ko a t'aw kaan mɛnna.

Luka 1:66

Mɔgɔ minw mana o kibaru mɛn, u bɛɛ tun be miiri a la k'u yɛrɛ ɲininga ko: «O tuma na, deen nin bena kɛ mun le ye sa?» Tiɲɛ na, Matigi Ala tun b'a fɛ.

Kɛwalew 11:24

Barinabasi tun ye mɔgɔɲuman ye, a tun fanin be Nii Senuman na, a lanin tun be Yezu la kosɔbɛ. Mɔgɔ caaman lara Matigi la o la.

Kɛwalew 15:19

«O kama, ne Zaki ka miiri la, siya wɛrɛ minw be sɔnna Ala ka koow ma, an man kan ka koo gwɛlɛman la u kan.

Kɛwalew 2:47

U tun be Ala tanu, mɔgɔ bɛɛ tun b'u filɛ ni ɲaɲuman ye. Matigi tun ye mɔgɔ minw kisi, a tun be olu ladon jɛnkulu nin kɔnɔ loon o loon.

Kɛwalew 4:4

O bɛɛ n'a ta, mɔgɔ minw tun ye ciden fila nunu ka kuma lamɛn, olu caaman lara Yezu la. Dɔ farala kalandenw kan. Cɛɛw bɛɛ lajɛnnin tagara se mɔgɔ waa duuru ɲɔgɔn ma.

Kɛwalew 5:14

Cɛɛ ni muso caaman tun be lara Matigi la ka fara kalandenw ka jɛnkulu kan.

Kɛwalew 6:7

Ala ka kuma tora ka jɛnsɛn, kalandenw tora ka caya kosɔbɛ Zeruzalɛmu kɔnɔ. Sarakalasebaga caaman sɔnna ka la Yezu la.

Kɛwalew 9:35

Lidakaw, ani minw siginin be Sarɔn, u ye koo nin ye, u bɛɛ sɔnna Matigi ma.

Tes fɔlɔ 1:5

An be kibaru diman min fɔra, an m'o fɔ aw ye i n'a fɔ kuma gwansan dama, nga an y'a fɔ ni Nii Senuman ka sebagaya ye. An ye fɛɛn minw kɛ aw ka ɲa kama, aw b'o lɔn.