Kɛwalew 11:19 - ALA KA KUMA

¹⁹ Tɔɔrɔ min tun daminɛna Etiyɛni fagalɔn na, o tun kɛra sababu ye kalanden dɔw tagara Fenisi ni Sipɔrɔ jamana na, ani Antiyɔsi dugu kɔnɔ. Nga u tun te Yezu ka kibaru diman fɔ siya wɛrɛw ye fɔɔ zuwifuw dɔrɔn.

Jula NT of Côte d’Ivoire

¹⁹ Etiyɛni faganin kɔ, o ka lanabagaw tɔɔrɔ kosɛbɛ. Lanabaga minw borira ka janjan o tɔɔrɔw wagati ra, olugu dɔw tagara fɔ Fenisi, ani Sipere maraw ra; dɔw tagara Antiyɔsi. Nka olugu tun tɛ Ala ta Kuma fɔ mɔgɔ wɛrɛ ye ni Yahudiyaw dɔrɔn tɛ.

LAYIDUKURA

¹⁹ Tɔɔrɔ min tun daminɛna Etiyɛni fagalon na, o tun kɛra sababu ye kalanden dɔw taara Fenisi ni Sipɔrɔ jamana na, ani Antiyɔsi dugu kɔnɔ. Nga u tun tɛ Yezu ka kibaru diman fɔ siya wɛrɛw ye fɔɔ Zuwifuw dɔrɔn.

Kɛwalew 11:19 Iomraidhean Croise

Matiyu 10:6

Nga, Isirayɛliden minw be i n'a fɔ saga tununinw, aw ka taga olu fɛ.

Yuhana 7:35

Zuwifuw tora k'a fɔ u ni ɲɔgɔn cɛ ko: «Nin bena se ka taga yɔrɔ jumɛn n'anw ben'a yɔrɔ ɲini ka dɛsɛ? An ka siya minw jɛnsɛnnin be siya wɛrɛw cɛma, a bena taga olu le fɛ ka siya wɛrɛw kalan wa?

Kɛwalew 11:20

O bɛɛ n'a ta, kalandenw dɔw bɔra Sipɔrɔ, ni Sirɛni ka taga Matigi Yezu ka kibaru diman fɔ siya wɛrɛw ye.

Kɛwalew 11:22

Krista ka jama min tun be Zeruzalɛmu, olu y'o kibaru mɛn, u ye Barinabasi ci u fɛ Antiyɔsi.

Kɛwalew 13:1

Kira ni karamɔgɔw tun be Krista ka jama cɛma Antiyɔsi. Olu tun ye: Barinabasi, ni Simeyɔn, min be wele ko Nizɛri, ani Lusiyusi ka bɔ Sirɛni, ni Manayɛn, min ni *Erɔdi ye denmisɛnya kɛ ɲɔgɔn fɛ. Sɔli ka fara u kan.

Kɛwalew 13:4

Nii Senuman ye Barinabasi ni Sɔli bila cidenya la. Olu tagara Selesi, u bɔra o yɔrɔ la ka baa tigɛ ka taga dugukolonin dɔ kan kɔgɔji cɛma min tɔgɔ ko Sipɔrɔ.

Kɛwalew 13:46

Pɔli ni Barinabasi hakili sigininba y'a fɔ u ye ko: «Ala ka kuma ka kan ka fɔ aw zuwifuw le ye fɔlɔ. Nga aw do be bann'a la, o b'a yira ko aw man kan ni nii banbali ye. N'o lo, an b'an ɲaa sin siya wɛrɛw ma,

Kɛwalew 14:26

ka kurun ta o yɔrɔ la ka taga Antiyɔsi, u tun ye Ala daali yɔrɔ min na ko a ka ɲumanya k'u bila sira, ka sɔrɔ ka taga baara nin kɛ.

Kɛwalew 15:22

O tuma na, Krista ka jama bɛɛ sɔnna. A ɲamɔgɔw ni cidenw bɛnn'a la, k'u bena mɔgɔw bɔ u cɛma ka fara Pɔli ni Barinabasi kan ka taga Antiyɔsi. U ye Zude, min be wele ko Barisabasi, ani Silasi bɔ. U fila bɛɛ tun ye kantigiw ye balimaw cɛma.

Kɛwalew 15:3

Krista ka jama min tun be Antiyɔsi, olu y'u dɛmɛ o taama nin na kosɔbɛ. U taatɔ, u ye Fenisi, ni Samari mara cɛtigɛ. Siya wɛrɛw nimisara ka faran u ka kojuguw la cogo min na, u tora k'o lakali ka taga. O kibaruya ye balimaw bɛɛ nisɔn diya.

Kɛwalew 15:30

U ye sira di ciden nunu ma tuma min na, u tagara Antiyɔsi. U sera yen, u ye kalandenw bɛɛ lajɛn ka sɛbɛ nin don u bolo.

Kɛwalew 15:35

Pɔli ni Barinabasi kɔni tora Antiyɔsi. Olu ni mɔgɔ wɛrɛw tun be tɔw kalan ani ka to ka Matigi ka kibaru diman fɔ u ye.

Kɛwalew 15:39

Pɔli ni Barinabasi ye ɲɔgɔn sɔsɔ kosɔbɛ. A laban, u faranna ɲɔgɔn na. Barinabasi ye Mariki minɛ, u ye kurun ta ka taga Sipɔrɔ.

Kɛwalew 18:22

A sera Sezare tuma min na, a tagara bɔ Zeruzalɛmu ka Krista ka jama fo. A sɔrɔla ka bɔ o yɔrɔ la ka taga Antiyɔsi.

Kɛwalew 21:16

Sezare kalanden dɔw tagara an bila sira ka jatigila di an ma. An tun jigira fɔlɔ kalandenw dɔ fɛ min tɔgɔ ko Munazɔn, Sipɔrɔka tun lo.

Kɛwalew 21:2

An ye kurun dɔ sɔrɔ yen min tun be tagara Fenisi jamana na. An donna o kɔnɔ

Kɛwalew 3:26

Ala y'a ka baarakɛla ci aw le ma fɔlɔ, janko a ka hɛrɛ kɛ aw kelen kelen bɛɛ ye k'aw faran ka bɔ aw ka kɛwalijuguw la.»

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Kɛwalew 6:5

O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun be Ala kan kosɔbɛ Nii Senuman tun b'a fɛ, ni Filipu, ani Porokɔri, Nikanɔri ni Timɔn, ni Parimenasi, ani Nikola ka bɔ Antiyɔsi, min donna zuwifuya la.

Galasikaw 2:11

Piyɛri nana Antiyɔsi tuma min na, ne y'a jalaki mɔgɔ bɛɛ ɲana, bari a tun ye koo dagabali le kɛ.