Kɛwalew 11:12 - ALA KA KUMA

¹² Nii Senuman y'a fɔ n ye ko ne kana sigasiga ka taga n'u ye. Mɔgɔ wɔɔrɔ nunu fana ye n bila sira Sezare. An sera ka don cɛɛ ka soo.

Jula NT of Côte d’Ivoire

¹² Nin Saninman* k’a fɔ ne ye ko ne ye taga ni o mɔgɔw ye, ko ne kana sigiya. Balemacɛ wɔɔrɔ minw flɛ nin ye, olugu tagara ne blasira. An tagara don Kɔrinɛli ta bon kɔnɔ.

LAYIDUKURA

¹² Nii Senuman y'a fɔ n ye ko ne kana sigasiga ka taa n'u ye. Ayiwa, mɔgɔ wɔɔrɔ nunu fana ye n bila sira Sezare. An sera ka don cɛɛ ka soo.

Kɛwalew 11:12 Iomraidhean Croise

Matiyu 1:20

K'a to o miiriya la, Matigi ka mɛlɛkɛ dɔ y'a yɛrɛ yira a la siko la k'a fɔ a ye ko: «Dawuda deen Yusufu, i kana siran ka Mariyamu furu, bari a ye kɔnɔ ta Nii Senuman barika la.

Yuhana 16:13

Nii Senuman min be Ala ka tiɲɛ yira mɔgɔw la, n'ale nana tuma min na, a ben'a to aw be tiɲɛ bɛɛ lɔn, bari a tena kuma a yɛrɛ barika la. Nga a mana fɛɛn o fɛɛn mɛn, ani koo min bɛɛ bena kɛ, a bena o fɔ aw ye fana.

Kɛwalew 1:15

O loonw na, kalanden mɔgɔ kɛmɛ ni mugan ɲɔgɔn lajɛnnin tun be yen. Piyɛri wilila ka lɔ u cɛma k'a fɔ ko:

Kɛwalew 10:23

Piyɛri ye lonan nunu minɛ kosɔbɛ o loon sufɛ. A dugusagwɛ, a tugura u kɔ ka taga. Balima minw tun be Zope, olu mɔgɔ damani y'a bila sira.

Kɛwalew 10:45

Zuwifu minw tun lara Yezu la n'u nana Piyɛri bila sira, olu kabakoyara bari u y'a ye ko Ala ye Nii Senuman di siya wɛrɛw fana ma.

Kɛwalew 11:13

A y'a fɔ an ye ko mɛlɛkɛ dɔ y'a yɛrɛ yira ale la a ka soo k'a fɔ ale ye ko a ka mɔgɔ ci Zope, ka taga cɛɛ dɔ wele min tɔgɔ ko Simɔn, k'u b'a wele ko Piyɛri fana.

Kɛwalew 13:2

K'u to sundon ni Matigi batoli la loon dɔ, Nii Senuman y'a fɔ u ye ko: «Ne ye n bolo la Barinabasi ni Sɔli kan baara min kama, aw k'u fila bɔ danna waasa u k'o kɛ.»

Kɛwalew 13:4

Nii Senuman ye Barinabasi ni Sɔli bila cidenya la. Olu tagara Selesi, u bɔra o yɔrɔ la ka baa tigɛ ka taga dugukolonin dɔ kan kɔgɔji cɛma min tɔgɔ ko Sipɔrɔ.

Kɛwalew 15:7

U ye ɲɔgɔn sɔsɔ ka mɛn. O kɔ, Piyɛri wilila k'a fɔ ko: «N balimaw, aw y'a lɔn ko Ala tun ye ne lo woloma aw cɛma kabini a daminɛtuma, ka kibaru diman fɔ siya wɛrɛw ye, janko u ka la Yezu la.

Kɛwalew 15:9

A ma danfara kɛ an zuwifuw ni olu cɛ, bari u lara a la minkɛ, a y'u dusu saniya o lanaya lo kosɔn.

Kɛwalew 28:15

Balima minw be Ɔrɔmu, olu tun y'an kibaru mɛn n'an ma se yen ban. U dɔw bɔra ka n'an kunbɛn fɔɔ Apiyusi lɔgɔfiyɛ la, dɔw nana an kunbɛn dugu dɔ la min tɔgɔ ko Lonan jigiyɔrɔ saba. Pɔli y'olu ye tuma min na, a ye barika la Ala ye, dɔ farala a ka jagwɛlɛya kan.

Kɛwalew 8:29

Nii Senuman y'a fɔ Filipu ye ko a ka gwɛrɛ wotoro nin na.

Rɔmukaw 3:22

Mɔgɔ o mɔgɔ lara Yezu Krista la, Ala be olu bɛɛ jati mɔgɔtilenninw ye, wolomani t'o la.

Tes 2nan 2:2

aw kan'a to mɔgɔ si k'aw hakili ɲagami, ani ka siranya bila aw la, ko ale ye kirayakuma sɔrɔ, ka kuma dɔ fɔ aw ye, walima n'u dɔ ye bataki koo fɔ aw ye k'o bɔra an fɛ, n'u b'a fɔ aw ye ko Matigi ka kɔsegituma sera.

Yirari 22:17

Nii Senuman ni Krista ka jama min ye Krista ka maminɛmuso ye, olu ko: «Na.» Ni mɔgɔ min ye nin mɛn, o tigi k'a fɔ ko: «Na.» Ni minnɔgɔ be min na, o tigi ka na. Jii min be nii don mɔgɔ la, ne bena o d'a tigi ma a te foyi sara.