Kɛwalew 10:22 - ALA KA KUMA

²² U y'a jaabi ko: «Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a be siran Ala ɲa, zuwifu jama bɛɛ b'a tɔgɔɲuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.»

Jula NT of Côte d’Ivoire

²² O mɔgɔw ka Piyɛri jaabi ko: «Sorasikuntigi Kɔrinɛli le ka an ci; mɔgɔ terennin lo, a bɛ siran Ala ɲa fana. Yahudiyaw bɛɛ bɛ a tɔgɔɲuman fɔra. Ala ta mɛlɛkɛ saninman dɔ ka a yɛrɛ yira a ra k’a fɔ a ye ko a ye i wele ka na a ta so, janko ka i ta kumaw lamɛn.»

LAYIDUKURA

²² U y'a jaabi ko: “Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a bɛ siran Ala nya, Zuwifu jama bɛɛ b'a tɔgɔnyuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.”

Kɛwalew 10:22 Iomraidhean Croise

Oze ta kitabu 14:9

Efarayimu kɔmɔgɔw, ne bena mun kɛ ni joow ye tugu? Ne le b'aw jaabi, ne le b'aw kɔlɔsi. Ne be i ko sipɛrɛyiri, min nɛrɛnin lo tuma bɛɛ. Aw ka nafa be bɔ ne le fɛ.»

Habakuki 2:4

Yɛrɛboɲala filɛ, a te kotilennin lɔn.» Nga, mɔgɔtilennin bena kisi a ka lanaya barika la.

Matiyu 1:19

Yusufu tun ye mɔgɔɲuman ye minkɛ, a tun t'a fɛ ka Mariyamu tɔgɔ cɛn mɔgɔw ɲana. O la, a ye ŋaniya ta ko a bena ban Mariyamu na dogo la.

Matiyu 2:12

Ala y'a fɔ lɔnnikɛla nunu ye siko la k'u kana segi ka taga bɔ Erɔdi fɛ. O la, u ye sira wɛrɛ ta ka taga u ka jamana na.

Marika 6:20

bari Erɔdi tun be siran Zan ɲa. Erɔdi tun y'a lɔn ko Zan ye mɔgɔɲuman ni mɔgɔtilennin ye. A tun be Zan tanga kojugu ma. N'a ye Zan ka kuma lamɛn tuma o tuma, a hakili be ɲagami. O n'a ta bɛɛ, a tun ka d'a ye k'a lamɛn.

Marika 8:38

Bii mɔgɔw banna Ala la, u be hakɛ kɛ. Ni mɔgɔ min maloyara olu ɲana ka ne koo fɔ, ne bena na n Faa ka sebagaya la tuma min na ni mɛlɛkɛ senumanw ye, Mɔgɔ Dencɛ fana bena maloya k'a fɔ k'o tigi ye a ka kalanden ye.»

Luka 2:25

O y'a sɔrɔ cɛɛ dɔ tun be Zeruzalɛmu min tɔgɔ ko Simeyɔn. O cɛɛ nin tun ye mɔgɔɲuman ye, a tun be Ala ka sariyaw bɛɛ bato. A tun be Isirayɛli ka kunmabɔbaga nali kɔnɔna. Nii Senuman tun b'a fɛ.

Luka 23:50

Cɛɛ dɔ fana tun be yen, a tɔgɔ ko Yusufu, zuwifuw ka kititigɛlaw dɔ tun lo. Mɔgɔɲuman tun lo, a tun te sɔn ka mɔgɔ tɔɲɔ.

Luka 9:26

Ni mɔgɔ min maloyara, a ma sɔn ne ni n ka kuma ma, Mɔgɔ Dencɛ mana na tuma min na a ka sebagaya la, n'a Faa ta, ani mɛlɛkɛ senumanw ta la, a fana tena sɔn o tigi ma.

Yuhana 13:20

Tiɲɛ tiɲɛ na, ne b'a fɔ aw ye ko ni mɔgɔ min ye ne ka ciden minɛ ka ɲa, o tigi ye ne le minɛ ka ɲa. Ni min ye ne minɛ ka ɲa, o tigi fana ye ne cibaga le minɛ ka ɲa.»

Yuhana 17:20

Ne t'i daali olu dama ye dɛ, nga minw bena la ne la u ka kuma barika la, ne b'i daali olu fana ye,

Yuhana 17:8

ne ye kuma min bɛɛ fɔ u ye, u lara o la ko ele le y'o fɔ ne ye, u sɔnna o ma, u fana y'a faamu sɔbɛ la ko ne bɔra e fɛ, u lar'a la ko ele le ye ne ci.

Yuhana 5:24

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Yuhana 6:63

Nii Senuman le b'a to mɔgɔ be barika sɔrɔ, n'o tɛ, n'a danna farisogo ta ma, o te foyi ye. Ne ye kuma minw fɔ aw ye, o be bɔ Nii Senuman fɛ ka nii don mɔgɔ la.

Yuhana 6:68

Simɔn Piyɛri y'a jaabi ko: «An bena taga jɔn fɛ? Mɔgɔ be nii banbali sɔrɔ ele ka kuma barika la.

Kɛwalew 10:2

A tun be Ala ka sariyaw bato a ɲaa ma, ale n'a ka somɔgɔw bɛɛ tun be siran Ala ɲa, k'a bato tuma bɛɛ. A tun be zuwifuw dɛmɛ kosɔbɛ.

Kɛwalew 10:21

Piyɛri jigira o mɔgɔ nunu fɛ k'a fɔ u ye ko: «Aw be mɔgɔ min yɔrɔ ɲinina, ne lo. Aw ye dɔ di.»

Kɛwalew 10:30

Kɔrinɛyi y'a jaabi ko: «A tile saba tɛmɛnin filɛ nin ye, nin waati yɛrɛ ɲɔgɔn na, ne tun be Ala daalila n ka soo wulafɛ. Ne barila ka cɛɛ dɔ ye n ɲakɔrɔ, a kannafani gwɛnin tun lo parapara.

Kɛwalew 10:33

O le y'a to n ye mɔgɔw ci ka taga i wele. I fana ye ɲuman kɛ, i nana. O la do, anw bɛɛ filɛ nin ye i ɲafɛ, Matigi ye cii min don i bolo, i k'o fɔ an ye.»

Kɛwalew 10:6

A ka jatigicɛ fana tɔgɔ ko Simɔn, o ye golomɔla dɔ ye, a ka soo be kɔgɔji daa la.»

Kɛwalew 11:14

Ko a bena kuma dɔw fɔ a ye min bena kɛ sababu ye, a n'a ka somɔgɔw bɛɛ ka kisi.

Kɛwalew 22:12

«Cɛɛ dɔ tun b'o yɔrɔ la, a tɔgɔ tun ko Ananiyasi, a tun be Ala ka sariyaw bato kosɔbɛ, a tɔgɔɲuman tun be zuwifuw bɛɛ daa la o yɔrɔ la.

Kɛwalew 24:15

Ne ni olu bɛɛ jigi be Ala kan ko a bena mɔgɔɲumanw ni mɔgɔjuguw bɛɛ kunun loon dɔ.

Kɛwalew 6:3

O kama balimaw, aw yɛrɛ ka mɔgɔ wolonwula woloma aw cɛma minw sɔɔn ka ɲi, ni hakili b'u fɛ, ni Nii Senuman. O la, anw bena dumuni tilanko don olu bolo.

Rɔmukaw 1:17

Kibaru diman le b'a yira ko Ala be mɔgɔ jati mɔgɔtilennin ye a jigi kosɔn, a be to o tilenninya la jigi barika la, i ko a fɔra cogo min na Ala ka kuma na ko: «Mɔgɔtilennin bena kisi lanaya barika la.»

Kor 2nan 5:18

O koo bɛɛ bɔra Ala fɛ, ale lo bɛnna n'an ye Krista barika la, ka tila k'o cɛlaben baara kalifa an ma,

Sariya 30:13

A te kɔgɔji kɔfɛ fana ni aw ka kan k'a fɔ ko: ‹Jɔn bena kɔgɔji tigɛ ka ta'a yɔrɔ ɲini, ka n'a fɔ an ye, waasa an ka se k'a mara?›

Tim fɔlɔ 3:7

A ka kɛ mɔgɔ ye min tɔgɔɲuman be fɔ mɔgɔ wɛrɛw fɛ, waasa a kana dɔgɔya sɔrɔ ka ben Sutana ka jɔɔ la.

Heburuw 10:38

Ne ka mɔgɔtilennin bena kisi lanaya barika la. Nga n'a segira kɔ, a nigɛ be bɔ n na.»

Heburuw 11:2

Fɔlɔfɔlɔ mɔgɔw ye tɔgɔɲuman sɔrɔ Ala fɛ u ka lanaya kosɔn.

Heburuw 12:23

Mɔgɔ fɔlɔ minw tɔgɔ sɛbɛnnin be arijana na, aw gwɛrɛla olu la, ka gwɛrɛ Ala la, adamadenw bɛɛ kitibaga. Mɔgɔtilennin minw y'u nakun dafa, aw gwɛrɛla olu la.

Piy 2nan 3:2

Kiraw ye kuma minw fɔ ka tɛmɛ, aw k'aw hakili to o la, an'an Matigi, n'an kisibaga ka ciiw la, a ka cidenw y'e minw lase aw ma.

Zan 3nan 1:12

Demetiriyusi kɔni, mɔgɔ bɛɛ b'ale tɔgɔɲuman fɔra. U do be tiɲɛ le fɔra. Anw fana b'a tɔgɔɲuman fɔ. I b'a lɔn ko an be min fɔ, ko tiɲɛ lo.

Yirari 14:10

olu kɔni bena duvɛn jalan min, min ye Ala ka dimi ta ye. U bena tɔɔrɔ kosɔbɛ tasuma ni kiribi kɔnɔ mɛlɛkɛ senumanw ni Sagaden ɲana.