Kɛwalew 1:8 - ALA KA KUMA

⁸ Nga ni Nii Senuman jigira aw kan tuma min na, aw bena fanga sɔrɔ ka se ka n ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taga se diɲɛ faan bɛɛ la.»

Jula NT of Côte d’Ivoire

⁸ Nka Nin Saninman* bɛna jigi aw kan; o cogo ra aw bɛna sebagaya sɔrɔ ka kɛ ne seerew ye, k’a damina Zeruzalɛmu, ani Zude mara bɛɛ, ani Samari mara, fɔ ka taga se dunuɲa dan bɛɛ ma.»

LAYIDUKURA

⁸ Nga ni Nii Senuman jigira aw kan tuma min na, aw bɛna fanga sɔrɔ ka se ka ne ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taa se dinyɛ faan bɛɛ la.”

Kɛwalew 1:8 Iomraidhean Croise

Zaburu 22:27

Dɛsɛbagatɔw bena dumuni kɛ fɔɔ ka fa. Masaba ɲinibagaw k'a boɲa, u fana ka sijan sɔrɔ.

Zaburu 98:3

A y'a hakili to a ka ɲumanya, n'a ka kantigiya la Isirayɛlidenw faan fɛ. Diɲɛ danyɔrɔ mɔgɔw bɛɛ y'a ye ko an ka Ala le y'an kisi.

Ezayi 42:10

Aw ka dɔnkilikura la Masaba ye, aw k'a tanu kabini diɲɛ daan na, aw minw be yaala jii kan, ni fɛɛn o fɛɛn b'a kɔnɔ, ani jii cɛma dugukolo kan mɔgɔw bɛɛ.

Ezayi 49:6

A ko: «Ele ka kɛ n ka baarakɛla ye, ka Isirayɛlidenw ta ɲa tugu, ka kɔsegi ka na n'u tɔɔ ye, o te labɔri kɛ. Ne b'i kɛ siya wɛrɛw ka yeelen ye fana, janko ne ka kisili ka se fɔɔ diɲɛ daan na.»

Ezayi 52:10

Masaba y'a bolo barikaman yira siyaw bɛɛ ɲana. Masaba bena an kisi cogo min na, diɲɛ danyɔrɔ mɔgɔw bɛɛ bena o ye.

Ezayi 66:19

«Ne bena taamasiɲɛ bila u cɛma. Minw bena kisi n ka kiti kɔfɛ, n bena olu ci Tarisisi jamana la, ni Puti, ani Ludi, minw be se kalabon na, ni Tubali, ni Yaban ani jii cɛma dugukolo minw be yɔrɔjan, minw ma deli ka ne koo mɛn, u ma deli ka n ka sebagaya ye. U bena n ka sebagaya koo fɔ siya wɛrɛw ye.

Yeremi 16:19

Masaba, e min be fanga di ne ma, ani ka ne tanga, e min ye ne dogoyɔrɔ ye waatigwɛlɛn na, siyaw bena bɔ diɲɛ daan na ka na ele fɛ k'a fɔ ko: «Foyi tun te an faaw fɛ fɔɔ batofɛnkolon dɔrɔn, joo kuntan minw tun te foyi ɲa.

Mise 3:8

Aa! Masaba ka Nii barika la, ne kɔni ye barika sɔrɔ, n tilennin lo, ne jaa ka gwɛlɛ ka Yakuba kɔmɔgɔw ka murutikow fɔ u ye, ka Isirayɛlidenw ka hakɛ fɔ u ye.

Jakariya 4:6

A y'a fɔ ne ye ko: «Fitinɛ manayɔrɔ wolonwula nunu ye Masaba ɲadenw le ye. U be dugukolo mumɛ bɛɛ le kɔlɔsira.» Ne y'a ɲininga tugu ko: «Olivuyiri fila minw be fitinɛ kinibolo n'a numanbolo la, olu kɔrɔ ye mun ye?» Ne y'a ɲininga tugu ko: «Olivubolo fila minw be bolo sanulaman fila nunu gɛrɛfɛ, tulu be tɛmɛ minw kɔnɔ, o kɔrɔ ye mun ye?» A ye n jaabi ko: «I ma olu kɔrɔ lɔn wa?» Ne ko: «Ayi, matigi.» O la, a y'a fɔ n ye ko: «Mɔgɔ fila minw wolomana ka tulu kɛ u kuun na waasa u ka baara kɛ Matigi, dugukolo Masa ye, olu lo.» Masaba y'a fɔ Zorobabɛli ye ko: «Baara min b'i bolo, e fanga tena se k'o kɛ, i yɛrɛ seko fana tɛ, fɔɔ ne ka Nii. Ne Masaba, Setigi le ko ten. Ele kuluba min be Zorobabɛli ɲafɛ, i be se k'a bali wa? I bena kɛ yɔrɔ dakɛɲɛnin ye. A bena Alabatoso laban kabakuru la tuma min na, u ben'a fɔ soo nin ma: A ka ɲi! A ka ɲi!» Masaba kumana ne fɛ ko: «Zorobabɛli bolo le ye Alabatoso nin juu sigi, ale lo ben'a laban.» Aw ben'a lɔn o fɛ ko Masaba, Setigi le ye ne ci aw fɛ. Baara min daminɛtɔ lo dɔɔni dɔɔni, mɔgɔ man kan k'o lɔgɔbɔ. U ka kan ka nisɔndiya le ka Alabatoso lɔko ye Zorobabɛli bolo.

Matiyu 24:14

Ala ka kibaru diman bena fɔ diɲɛ yɔrɔ bɛɛ la, waasa Alalɔnbaliw bɛɛ k'a koo mɛn. O kɔ, diɲɛ laban be sɔrɔ ka se.

Matiyu 28:19

O la, aw ye taga siyaw bɛɛ kɛ ne ka kalandenw ye k'u batize Faa, ni Dencɛ ni Nii Senuman tɔgɔ la,

Marika 16:15

A tilara k'a fɔ u ye ko: «Aw ye taga diɲɛ yɔrɔ bɛɛ ka kibaru diman fɔ mɔgɔ bɛɛ ye.

Luka 1:35

Mɛlɛkɛ y'a jaabi ko: «Nii Senuman bena jigi i kan, Fɛɛn bɛɛ kuntigi Ala ka sebagaya bena kɛ i kan. O kama, i bena Deen senuman min wolo, a bena wele Ala Dencɛ.

Luka 10:19

N kɔni ye see d'aw ma ka taama saaw ni bunteniw kan, ani ka see d'aw ma k'aw jugu Sutana ka sebagaya nagasi. Fɛnjugu si ka dabari tena se aw kɔrɔ.

Luka 24:29

Nga u y'a daali ko a ka to u fɛ bari tile be ɲini ka ban. O la, a tora u fɛ u ka jatigiso kɔnɔ.

Yuhana 15:27

Aw fana, aw bena ne koo fɔ, bari aw tun be ni ne ye kabini ne ka baara daminɛ na.

Kɛwalew 1:22

k'a ta Yezu batizelon ma Zan fɛ, fɔɔ ka taga bila a kɔrɔtalon ma ka bɔ an cɛma ka taga arijana na, wajibi lo, olu dɔ ka Zuda nɔɔ ta, ka kɛ an dɔ ye ka Yezu koo fɔ.»

Kɛwalew 1:5

Zan ye mɔgɔw batize ni jii ye, nga yanni tile damani, aw bena batize ni Nii Senuman ye.»

Kɛwalew 13:31

Minw tun y'a bila sira ka bɔ Galile mara la ka taga Zeruzalɛmu, a kununnin kɔ, a y'a yɛrɛ yira olu la tile damani kɔnɔ. Olu le fana kɛnin be o koow seerew ye Isirayɛli jama ɲana.

Kɛwalew 2:32

Ala ye Yezu kunun a sanin kɔ, anw kɔni y'a ye.

Kɛwalew 22:15

bari a b'a fɛ ko i ɲaa ye min ye, an'i tulo ye min mɛn ale fɛ, i ka kɛ ale seere ye k'o lakali mɔgɔw bɛɛ ye.

Kɛwalew 3:15

Aw y'a to u ye nii dibaga faga, nga Ala y'a kunun. Anw y'a ye.

Kɛwalew 4:33

Cidenw tun be kobabaw kɛ k'a yira ko Matigi Yezu kununna. Ala ka ɲumanya tun be u bɛɛ kan.

Kɛwalew 5:32

Ala ye koo minw kɛ, an y'o seerew ye ani Nii Senuman, Ala ye min di a sagokɛlaw ma.»

Kɛwalew 6:8

Barika tun be Etiyɛni na, Ala ka nɛɛma tun b'a kan kosɔbɛ. A tora ka kabakobabaw kɛ mɔgɔw ɲana.

Kɛwalew 8:1

Etiyɛni fagako tun diyara Sɔli ye. O loon kelen yɛrɛ la, u y'a daminɛ ka Krista ka jama tɔɔrɔ kosɔbɛ. U bɛɛ ye dugu bila jagoya la, ka jɛnsɛn dugudenninw na, Zude mara, ani Samari mara la, fɔɔ cidenw dɔrɔn.

Rɔmukaw 10:18

O la, ne be n yɛrɛ ɲininga ko u m'o mɛn wa? U kɔni y'o mɛn. A fɔra Ala ka kuma na ko: «Waajulikɛlaw kaan do mɛnna yɔrɔ bɛɛ la, u ka kuma sera fɔɔ diɲɛ daan na.»

Rɔmukaw 15:19

ani kabako sifa caaman ye Nii Senuman barika la. A kɛra ten, k'a ta Zeruzalɛmu fɔɔ ka taga se Iliri mara la, ne ye Krista ka kibaru bɛɛ fɔ o yɔrɔw la.

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.