Kɛwalew 1:11 - ALA KA KUMA

¹¹ Cɛɛ fila nunu y'u kaan to u ma ko: «Galilekaw! A kɛra di aw lɔnin be ka sankolo filɛ ten? Aw ye Yezu min yɛlɛtɔ ye arijana na, a bena segi ka na ten ka bɔ o yɔrɔ la.»

Jula NT of Côte d’Ivoire

¹¹ o cɛ fla ka o ɲininka ko: «Aw Galilekaw, mun le kosɔn aw lɔnin bɛ yan ka to ka sankolo flɛ? Yesu min kɔrɔtara aw ɲa na ka taga sankolo kɔnɔ, ale kelen le bɛna kɔsegi ka na, i ko aw ka a tagatɔ ye cogo min na.»

LAYIDUKURA

¹¹ Cɛɛ fila nunu y'u kaan to u ma ko: “Galilekaw! A kɛra di aw lɔnin bɛ ka sankolo filɛ ten? Aw ye Yezu min yɛlɛtɔ ye arijana na dɛ, a bɛna segi ka na ten ka bɔ o yɔrɔ la.”

Kɛwalew 1:11 Iomraidhean Croise

Matiyu 16:27

Ayiwa, Mɔgɔ Dencɛ bena na n'a ka mɛlɛkɛw ye a Faa ka sebagaya la, o la a bena mɔgɔ kelen kelen bɛɛ sara ka kɛɲɛ n'u ka kɛwaliw ye.

Matiyu 16:28

Tiɲɛ na, ne b'a fɔ aw ye ko aw minw be yan, aw dɔw tena sa n'u ma Mɔgɔ Dencɛ natɔ ye n'a ka masaya ye.»

Matiyu 24:30

O tuma na, Mɔgɔ Dencɛ taamasiɲɛ bena bɔ sankolo la ka ye dugukolo kan. Mɔgɔw bɛɛ bena kasi kosɔbɛ, u bena Mɔgɔ Dencɛ natɔ ye sankaba kan ni sebagaya ni nɔɔrɔ ye.

Matiyu 25:31

«Tuma min na Mɔgɔ Dencɛ bena na a ka nɔɔrɔ la ni mɛlɛkɛw ye, a bena sigi a ka masasigilan kan.

Marika 13:26

O tuma na, mɔgɔw bena Mɔgɔ Dencɛ natɔ ye sankabaw cɛma ni sebagaya ni nɔɔrɔ ye.

Marika 14:70

Piyɛri y'a sɔsɔ tugu. Waati dɔɔni o kɔ, o yɔrɔ mɔgɔw y'a fɔ Piyɛri ye tugu ko: «Siga t'a la, i ye u dɔ ye, bari i fana ye Galileka ye.»

Marika 16:19

Matigi Yezu kumana kalandenw fɛ ka ban tuma min na, Ala y'a ta ka taga n'a ye sankolo la. A sigira Ala kinibolo fɛ.

Luka 21:27

O tuma na, mɔgɔw bena Mɔgɔ Dencɛ natɔ ye sankabaw cɛma ni sebagaya ni nɔɔrɔ ye.

Luka 24:5

Muso nunu siranna k'u ɲaa biri duguma minkɛ, cɛɛ nunu y'a fɔ u ye ko: «Mɔgɔ min be nii na, aw do b'o tigi yaala suuw cɛma mun na?

Yuhana 14:3

Ni n tagar'a labɛn ka ban, n bena kɔsegi ka n'aw ta ka taga n'aw ye, janko ne be yɔrɔ min na, aw fana ka kɛ yen.

Kɛwalew 1:2

fɔɔ ka taga se a kɔrɔtalon ma ka taga arijana na, n y'o bɛɛ lakali o kɔnɔ. Yanni a ka yɛlɛ ka taga arijana na, a tun ye mɔgɔ minw woloma k'u kɛ a ka cidenw ye, a ye kangari la u ye Nii Senuman barika la.

Kɛwalew 1:22

k'a ta Yezu batizelon ma Zan fɛ, fɔɔ ka taga bila a kɔrɔtalon ma ka bɔ an cɛma ka taga arijana na, wajibi lo, olu dɔ ka Zuda nɔɔ ta, ka kɛ an dɔ ye ka Yezu koo fɔ.»

Kɛwalew 1:9

Yezu y'o kuma nunu fɔ ka ban minkɛ, a kɔrɔtara u ɲakɔrɔ ka taga arijana na. K'u to filɛli la, sankaba dɔ donna u cɛ k'a dogo u la.

Kɛwalew 13:31

Minw tun y'a bila sira ka bɔ Galile mara la ka taga Zeruzalɛmu, a kununnin kɔ, a y'a yɛrɛ yira olu la tile damani kɔnɔ. Olu le fana kɛnin be o koow seerew ye Isirayɛli jama ɲana.

Kɛwalew 2:7

U kabakoyara fɔɔ k'a dama tɛmɛ n'u be ɲɔgɔn ɲininga ko: «Mɔgɔ minw be kumana wo, u bɛɛ te Galilekaw ye wa?

Kɛwalew 3:12

Piyɛri y'o ye minkɛ, a y'a kaan to ko: «Isirayɛlidenw, koo min kɛra ten, mun na o b'aw kamanagwan k'aw ɲaa coron anw na ka kɛ i n'a fɔ anw ka sebagaya le ye cɛɛ kɛnɛya, walima an ka Ala ɲasiranya kosɔn le?

Kɛwalew 3:21

Nga sanni o waati ka se, a siginin bena to Ala kɔrɔ fɔlɔ yanni yɛlɛmani ka don diɲɛ koow bɛɛ la, ka kɛɲɛ ni Ala ka kiraw ka kuma ye, min fɔra kabini tumajan.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Tes fɔlɔ 4:16

Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bena bɔ sankolo la ka jigi. O tuma na, mɔgɔ minw tun lara Krista la ka sɔrɔ ka sa, olu be kunun fɔlɔ.

Heburuw 9:28

o cogo kelen na, Krista y'a yɛrɛ saraka siɲɛ kelen, ka mɔgɔ bɛɛ ka hakɛw yafa. O kɔ, a bena segi ka na, o tena kɛ hakɛw yafako kama tugu, nga mɔgɔ minw b'a makɔnɔna, olu kisili kosɔn lo.

Yirari 1:7

Ayiwa, a bena na sankaba kan. Mɔgɔ bɛɛ ben'a ye. Hali minw tun y'a sɔgɔ, u ben'a ye. Siyaw bɛɛ bena kasi ale kosɔn. Ɔnhɔn, a bena kɛ ten. Amiina.