Jateri 1:3 - ALA KA KUMA

³ Ele ni Arɔn, aw bena u jati ka kɛɲɛ n'u ka kɛlɛden jɛnkuluw cogo ye, Isirayɛliden minw bɛɛ be se ka taga kɛlɛ la, n'u ye saan mugan sɔrɔ ani ka tɛmɛ o kan.

Jula NT of Côte d’Ivoire

³ Izirayɛli cɛ min o min ka san mugan sɔrɔ, ani min o min tɛmɛna o kan, ni a bɛ se ka taga kɛrɛ ra, aw ye o bɛɛ jate, o bɛɛ ni o ta kɛrɛkɛjama. Ele ni Haruna ye o jateri kɛ.

Jateri 1:3 Iomraidhean Croise

Sam 2nan 24:9

Zowabu nana jama daa fɔ masacɛ ye. Cɛɛ minw tun be se ka taga kɛlɛ la n'u be se murujan kɔrɔ, Zuda kɔmɔgɔw ka mara la, olu tun ye mɔgɔ waa kɛmɛ duuru (500 000) ye. Isirayɛliden tɔw fɛ, mɔgɔ waa kɛmɛ seegi (800 000) tun be yen.

Lok fɔlɔ 5:18

Urubɛn kɔmɔgɔw, ni Gadi taw, ani Manase taw tilancɛ niin tun be cɛfariw cɛma. U tun be se nigɛkunbɛnnanw ni murujan na, ani kalabon na fana. U tun be se kɛlɛ la. U ka mɔgɔ waa bi naani ni naani ani kɛmɛ wolonwula ni bi wɔɔrɔ (44 760) le tun be se ka taga kɛlɛ la.

Lok 2nan 25:5

Amaziyasi ye Zuda mara mɔgɔw lajɛn, ka kɛlɛden waa kelen kelen kuntigiw ni kɛmɛ kɛmɛ kuntigiw sigi ka kɛɲɛ n'u ka fadenyabolow ye, Zuda ni Bɛnzamɛn mara bɛɛ la. O kɔ, a ye mɔgɔw jati k'a ta mɔgɔw ma minw sii sera saan mugan ma ka yɛlɛ. A ye mɔgɔ waa kɛmɛ saba sɔrɔ minw be se ka taga kɛlɛ la, n'u be se taman ni nigɛkunbɛnnan na.

Bɔri 12:17

Aw ka *Buru funubali ɲanagwɛ kɛ, bari ne ye aw ka jama bɔ Ezipiti jamana kɔnɔ o loon na tigitigi. Aw k'o loon bato k'o kɛ ɲanagwɛ loon ye saan o saan, a kana dabila.

Bɔri 30:14

Mɔgɔ o mɔgɔ jatira o waati la, n'u ye saan mugan sɔrɔ, walima n'a tɛmɛna o kan, u kelen kelen bɛɛ ka kan ka boɲafɛn di ne Masaba ma.

Bɔri 38:26

Minw jatira, n'u sanda ye mugan ye, walima ka tɛmɛ o kan, u kelen kelen bɛɛ ta ye warigwɛ garamu duuru ye. O tun bɛnna cɛɛ waa kɛmɛ wɔɔrɔ ni saba ani kɛmɛ duuru ni bi duuru (603 550) ma.

Jateri 14:29

Minw bɛɛ jatira k'u tɔgɔw sɛbɛn, k'a ta minw sii sera saan mugan ma fɔɔ ka tɛmɛ o kan, olu minw ŋunuŋununa ne kama, u kelen kelen bɛɛ bena sa kongokolon nin kɔnɔ.

Jateri 26:2

«Isirayɛliden minw sii sera saan mugan ma, walima ka tɛmɛ o kan, n'u be se ka taga kɛlɛ la, aw ka olu bɛɛ tɔgɔ sɛbɛn. Aw k'u sɛbɛn soo ma soo ma.»

Jateri 3:15

«Levi kɔmɔgɔw jati gwaaw kɔnɔ, ani fadenyabolo la. I ka cɛdenw jati, k'a ta kalokelendenw ma fɔɔ ka yɛlɛ sanfɛ.»

Jateri 32:11

mɔgɔ minw bɔra Ezipiti jamana na, k'a ta minw sii sera saan mugan ma fɔɔ ka tɛmɛ o kan, k'olu si tena jamana nin ye, ale ye min layidu ta Ibrayima ni Isiyaka ani Yakuba ye k'a gwɛlɛya ko a ben'a di u ma, bari u si ma mɛnni kɛ a fɛ sɔbɛ la.

Jateri 33:1

Isirayɛlidenw lɔra yɔrɔ minw na u bɔnin kɔ Ezipiti jamana na, jɛnkulu jɛnkulu ni Musa ni Arɔn b'u ɲa, olu filɛ nin ye.

Jateri 4:3

k'a ta saan bi saba deen ma fɔɔ ka se saan bi duuru ma. Mɔgɔ minw bɛɛ be se ka baara kɛ Ɲɔgɔnkunbɛn fanibugu kɔnɔ.

Sariya 24:5

«Kɔɲɔcɛ man kan ka taga kɛlɛ la, ani a man kan ka ta forobabaara si la. A ka kan ka to a ka soo kɔnɔ saan kelen k'a muso nisɔndiya.

Sariya 3:18

O tuma na, ne y'a fɔ aw ye ko: «Sisan Masaba aw ka Ala ye mara nin d'aw ma. Nga cɛɛ minw be se kɛlɛ la, olu bɛɛ ka kan k'u ka kɛlɛkɛminanw ta ka Zurudɛn baji tigɛ aw balima Isirayɛlidenw ɲa.