Jakariya 8:3 - ALA KA KUMA

³ Masaba ko: «Ne bena segi ka na Siyɔn kulu kan, ka to Zeruzalɛmu dugu kɔnɔ. Zeruzalɛmu bena tɔgɔkura sɔrɔ ko Tiɲɛdugu. Ne Masaba, Setigi ka kulu bena wele ko Kulu senuman.»

Jula NT of Côte d’Ivoire

³ Matigi Ala ko: «Ne bɛna kɔsegi ka na Siyɔn dugu kɔnɔ tuun. Ne bɛna na sigi Zeruzalɛmu tuun. Zeruzalɛmu dugu bɛna wele ko can ta dugu; Fangatigi Ala ta kuru bɛna wele ko kuru saninman.»

Jakariya 8:3 Iomraidhean Croise

Zaburu 2:6

A ko: «Ne le ye n ka Masacɛ sigi masaya la *Siyɔn kulu kan, ne ka kulu senuman.»

Zaburu 48:1

Kore kɔmɔgɔw ka dɔnkili dɔ.

Bɔri 29:45

O tuma na, ne bena sigi Isirayɛlidenw cɛma ka kɛ u ka Ala ye.

Ezayi 1:21

Duguɲuman nin kɛra di ka kɛ tilenbaliyadugu ye ten? Hɔrɔnyadugu tun lo. Tilenninyadugu tun lo. Nga sisan, mɔgɔfagadugu lo.

Ezayi 1:26

Ne bena aw ka kititigɛlaw yɛlɛma k'u kɛ i ko fɔlɔfɔlɔ kititigɛlaw, k'aw ka ladilikɛbagaw kɛ i ko fɔlɔfɔlɔtaw. O kɔ, aw ka dugu bena sɔrɔ ka wele ko Duguɲuman, tilenninyadugu.»

Ezayi 11:9

Cɛnni tena kɛ, halakili tena kɛ tugu Masaba ka kulu senuman yɔrɔ bɛɛ la. Bari Masaba lɔnni bena yɔrɔ bɛɛ fa i ko jii be baa fa cogo min na.

Ezayi 12:6

*Siyɔnkaw, aw ka nisɔndiyapɛrɛnkan bɔ kosɔbɛ, bari, Isirayɛli ka Ala min b'aw cɛma, ale ka bon.»

Ezayi 32:16

Tilenninya ni hɔrɔnya bena kɛ o yɔrɔ la.

Ezayi 60:14

I tɔɔrɔbagaw deenw bena na biri i kɔrɔ. Minw bɛɛ tun b'i lɛɛbura, olu bena biri k'u teen gwan i ɲafɛ. U bena i wele ko Masaba ka dugu, Isirayɛli ka Ala ka *Siyɔn.

Ezayi 65:25

Kongowulu ni sagaden bena dumuni kɛ ɲɔgɔn fɛ, jara bena biin ɲimi i ko misi. Saaw tena cinni kɛ tugu. Kojugu, walima cɛnni tena kɛ ne ka kulu senuman yɔrɔ si la.» Masaba le ko ten.

Ezayi 66:20

U bena na n'aw balimaw bɛɛ ye ka bɔ n'u ye siyaw bɛɛ cɛma soow kan, wotorow kɔnɔ, ni sofaliw ni ɲɔgɔmɛw kan, fɔɔ ne ka kulu senuman kan Zeruzalɛmu, k'o kɛ ne boɲafɛn ye. Ne Masaba le ko ten. U bena na n'u ye i n'a fɔ Isirayɛlidenw be na n'u ka boɲafɛnw ye cogo min na minan saniyaninw kɔnɔ ne Masaba ka soo.

Ezayi 8:18

Masaba ye deen minw di ne ma, ne ni olu kɛnin be taamasiɲɛw ye Isirayɛlidenw fɛ, ani koo nata yirafɛnw ye Masaba, Setigi tɔgɔ la. Min sigiyɔrɔ be *Siyɔn kulu kan.

Yeremi 14:9

Mun na e y'i yɛrɛ kɛ i n'a fɔ cɛɛ min fanga banna, i ko kɛlɛdenŋana min te se ka mɔgɔ kuun bɔ? K'a sɔrɔ i do b'an cɛma, Masaba. An ye i ka mɔgɔw le ye, kana an labila.

Yeremi 26:18

«Mise ka bɔ Moresɛti tun be kiraya kɛ Zuda mara masacɛ Ezekiyasi ka tile la k'a fɔ Zuda mara mɔgɔw bɛɛ ye ko Masaba, Setigi ko: ‹*Siyɔn bena sɛnɛ i ko foro, Zeruzalɛmu bena kɛ tomo ye, Alabatoso kulu bena kɛ tufin ye.›

Yeremi 31:23

Masaba, Setigi, Isirayɛli ka Ala ko: «Zuda mara mɔgɔ minw minɛna ka taga, ni ne y'u kɔsegi ka na yan tuma min na, mɔgɔw bena to k'a fɔ tugu Zuda mara n'a duguw kɔnɔ ko: ‹Masaba ka barika don i la, tilenninya kɛyɔrɔ, kulu senuman.›

Yeremi 33:16

O waati la, Zuda mara mɔgɔw bena kisi, Zeruzalɛmu be to hakilisigi la. Dugu nin tɔgɔ bena wele ko: ‹An ka koɲanabɔbaga ye Masaba lo ye.› » Masaba le ko ten.

Ezekiyɛli 48:35

Dugu laminikogo jaɲa bena kɛ kilomɛtɛrɛ kɔnɔntɔn ye. Kabini o loon na, dugu nin tɔgɔ bena la ko: «Masaba b'o yɔrɔ la.»

Daniyɛli 9:16

Matigi, i ka koɲumanw kosɔn, i kana dimi, ka fariya Zeruzalɛmu ma tugu, min y'i ka dugu n'i ka kulu senuman ye. An ka hakɛw kosɔn, n'an bɛmaw taw kosɔn, minw b'an laminina, olu be Zeruzalɛmu n'i ka jama nɛnina dɔrɔn.

Mise 4:1

Waati dɔ bena se, Masaba ka soo be kulu min kan, ale bena kɛ kuluw ni tintinw bɛɛ ɲa. O tuma na, siya caaman bena to ka na ale kan.

Sofoni 3:13

Isirayɛliden tɔw tena kojugu kɛ tugu. U tena galon tigɛ tugu. Namarakuma tena bɔ u daa la tugu. Nga, u bena dumuni kɛ k'u ka sinɔgɔ kɛ, mɔgɔ si tena siranya bila u la.»

Jakariya 1:16

O le kama, Masaba ko: ‹Ne bena segi Zeruzalɛmu ka n ka ɲumanya yira. Ne ka soo bena lɔ yen tugu. Sumanikɛjuru bena la Zeruzalɛmu kɔnɔ.› Ne Masaba, Setigi le ko ten.

Jakariya 12:6

O loon na, ne bena Zuda mara ɲamɔgɔw kɛ i n'a fɔ takami, lɔgɔ cɛma, k'a kɛ i n'a fɔ kala mananinw, suman juuw cɛma. Siya minw b'u lamini na u kinibolo n'u numanbolo la, u bena olu bɛɛ jɛni. Nga Zeruzalɛmu be to a nɔɔ na yen.

Jakariya 14:10

O mara nin bɛɛ bena dakɛɲɛ k'a ta Geba fɔɔ ka ta'a bila Irimɔn, Zeruzalɛmu worodugu ɲafan na. Zeruzalɛmu bena kɛ kulu kan a nɔɔ na, k'a ta donda la min be wele ko Bɛnzamɛn ka daa, fɔɔ ka taga se Dakɔrɔ ma fɔɔ ka ta'a bila Nɔnkɔn daa la. Ani k'a ta Ananeyɛli ka sangaso yɔrɔ la fɔɔ ka ta'a bila masacɛ ka *ɛrɛzɛnbisiyɔrɔw la.

Jakariya 8:16

Aw ka kan ka min kɛ, o filɛ: Aw ka kɛ tiɲɛfɔbagaw ye aw ni ɲɔgɔn cɛ. Aw ka kititigɛyɔrɔw la, aw ka tiɲɛ fɔ yen min be na ni bɛɛn ye.

Jakariya 8:19

Masaba, Setigi ko: «Suun min be don saan kalo naaninan, n'a kalo duurunan, n'a kalo wolonwulanan ani a kalo tannan, o sundonlon nunu bena yɛlɛma ka kɛ nisɔndiyalonw ye, ni ɲanagwɛ, ani batolikɛlonw ye Zuda mara mɔgɔw fɛ. Nga tiɲɛ ni hɛrɛ ka diya aw ye.»

Yuhana 1:14

O kuma nin kɛra mɔgɔ ye, ka na sigi n'an ye. An y'a ka nɔɔrɔ ye, dencɛ kelen be min sɔrɔ a Faa fɛ. Ale lo ye tiɲɛtigi ni nɛɛmatigi ye.

Yuhana 14:23

Yezu y'a jaabi ko: «Ni mɔgɔ min be ne kanu, o tigi bena ne ka kuma bato, n Faa bena o tigi kanu fana, anw bena na o tigi fɛ ka to n'a ye.

Kor 2nan 6:16

Bɛɛn jumɛn le be sɔrɔ Ala ka soo ni joow cɛ? Bari an ye Nitigi Ala ka soo ye i ko Ala yɛrɛ y'a fɔ cogo min na, a ko: «Ne bena sigi u cɛma ka to n'u ye. Ne bena kɛ u ka Ala ye, u bena kɛ ne ka mɔgɔw ye.»

Kɔlɔsikaw 2:9

Bari alaya dafanin le be ale farisogo la.

Yirari 21:10

Nii Senuman jigira ne kan, mɛlɛkɛ ye ne ta ka taga ni ye ye kulu jamanjanba dɔ kan. Mɛlɛkɛ ye Zeruzalɛmu dugu senuman nin yira ne la, a jigitɔ ka bɔ Ala fɛ arijana na.

Yirari 21:27

Fɛnnɔgɔnin si tena don dugu nin kɔnɔ. Kojugukɛla, walima galontigɛla si tena don yen. Nga minw tɔgɔ sɛbɛnnin be Sagaden ka sɛbɛ kɔnɔ, olu dama le bena kɛ yen.

Yirari 21:3

O waati yɛrɛ la, ne ye kumakanba dɔ mɛn ka bɔ masasigilan yɔrɔ la ko: «Ala sigiyɔrɔ filɛ nin ye adamadenw cɛma. A bena to u cɛma, u bena kɛ a ka mɔgɔw ye, ale bena kɛ u ka Ala ye.