Jakariya 7:7 - ALA KA KUMA

⁷ Masaba tun ye kuma minw fɔ fɔlɔfɔlɔkiraw barika la, o y'a sɔrɔ Zeruzalɛmu n'a gɛrɛfɛduguw tun be hɛrɛ la, ni worodugu ɲafan ni kulujukɔrɔ mara sigibagaw ka ca, o le te nin ye wa?› »

Jula NT of Côte d’Ivoire

⁷ Yala Matigi Ala tun ma o kuma kelenw le don ciraw da ra fɔlɔfɔlɔ k’a fɔ aw ye, wagati min na mɔgɔw tun siginin bɛ Zeruzalɛmu ni a kɛrɛfɛduguw kɔnɔ ɲasuma ra, ani wagati min mɔgɔw tun bɛ jamana woroduguyanfan ni jamana dugumayanfan na wa?› »

Jakariya 7:7 Iomraidhean Croise

Ezayi 55:3

Aw k'aw tulo malɔ, aw ye na ne fɛ. Aw ka mɛnni kɛ ne fɛ, o la, aw bena to nii la. Ne bena bɛɛn kɛ n'aw ye, min tena cɛn abada. Ne ye koɲuman minw kɛ Dawuda ye, ne bena o ɲɔgɔn kɛ aw ye.

Yeremi 13:19

Dugu minw be worodugu ɲafan fɛ, olu datugura, mɔgɔ te yen k'u yɛlɛ. Zuda mara mɔgɔw bɛɛ minɛna ka taga, u bɛɛ le tagara.

Yeremi 17:26

Mɔgɔw bena bɔ Zuda mara la, ni Zeruzalɛmu gɛrɛfɛduguw la, ni Bɛnzamɛn mara la, ni kulujukɔrɔ yɔrɔ la, ni kuluyɔrɔ la, ani worodugu ɲafan na, ka na ni saraka jɛnitaw ye, ni saraka wɛrɛw, ni suman sarakaw, ni wusulanw ye, ani foli sarakaw, ne Masaba ka soo kɔnɔ.

Yeremi 22:21

E tun be lafiya la tuma min na, ne tun kumana i fɛ. I y'a fɔ ko i tena mɛnni kɛ. I delinako lo kabini i denmisɛn tuma, i ma mɛnni kɛ n fɛ ka ye.

Yeremi 32:44

U bena na forow san ka seerew wele k'u sansɛbɛw dilan, k'u ka taamasiɲɛ la o kan. O bena kɛ Bɛnzamɛn mara la, ni Zeruzalɛmu dafɛduguw la, ni Zuda mara duguw la, ni dugu minw be kuluyɔrɔ la, ni kulujukɔrɔ mara la, ni worodugu ɲafan duguw la. Bari, ne bena lafiya d'u ma.» Masaba le ko ten.

Yeremi 33:13

Dugu minw be kuluyɔrɔ la, ni kulujukɔrɔ mara la, ani worodugu ɲafan fɛ, ni minw be Bɛnzamɛn mara la, ni Zeruzalɛmu lamini na, ani Zuda mara la, sagaw bena tɛmɛ u jatibaga ɲafɛ yen tugu.› Masaba le ko ten.»

Yeremi 44:4

Ne tora ka n ka baarakɛlaw bɛɛ, kiraw ci aw ma k'a fɔ aw ye ko aw kana kojuguba nin kɛ min man di ne ye fewu.

Yeremi 7:23

Nga ne ye min ɲini u fɛ, o ye nin ye: N ko: ‹Aw ka mɛnni kɛ ne fɛ, o la, ne bena kɛ aw ka Ala ye, aw bena kɛ ne ka mɔgɔw ye. Ne ye sira min don aw seen kɔrɔ, aw k'o taama ka ɲa, aw bena hɛrɛ sɔrɔ.›

Yeremi 7:5

N'aw y'aw taamacogo n'aw ka kɛwaliw yɛlɛma sɔbɛ la, n'aw be hɔrɔnya kɛ aw mɔgɔɲɔgɔnw faan fɛ,

Jakariya 7:12

Fɔlɔfɔlɔkiraw tun ye ne Masaba, Setigi ka sariya, ni ne ka kuma minw fɔ u ye Nii Senuman barika la, u y'u dusu gwɛlɛya i n'a fɔ diyaman janin lo cogo min na, u ma sɔn ka mɛnni kɛ. O la, ne Masaba, Setigi dimina u kɔrɔ kosɔbɛ.»

Jakariya 7:6

Aw tun t'aw ka dumuni kɛ, ka minni kɛ aw ka dusudiya kama wa?

Jakariya 7:8

Masaba kumana Zakari fɛ tugu ko:

Sariya 34:3

ni Zuda mara worodugu ɲafan fɛ, ani Zurudɛnba kɛnɛ, Zeriko mara, min ye Tamarosundugu ye, fɔɔ ka taga Sowari.