Jakariya 7:3 - ALA KA KUMA

³ ani ka sarakalasebagaw, ni kiraw ɲininga ko: «An ka kan ka kasi ani ka suun don saan kalo duurunan na wa, i n'a fɔ an delila ka to k'a kɛ saan caaman kɔnɔ cogo min na?»

Jula NT of Côte d’Ivoire

³ O tagara Fangatigi Ala ta batoso sarakalasebagaw ni a ta ciraw ɲininka ko: «Yala an ka kan ka to ka kasi, ka an yɛrɛ bari an diyanyakow bɛɛ ra, san karo loorunan na, i n’a fɔ an tun bɛ deri k’a kɛ cogo min na kabini san caman wa?»

Jakariya 7:3 Iomraidhean Croise

Ɛsidarasi 3:10

Soo lɔbagaw tun be Masaba batoso juu sigira tuma min na, sarakalasebagaw y'u ka sarakalasefaniw don, u y'u wele ka na o yɔrɔ la ni buru fiyɛtaw ye, ani Levi kɔmɔgɔ Azafu deenw nana ni nigɛ gositaw ye, janko u ka se ka Masaba tanu ka kɛɲɛ ni Isirayɛlidenw ka masacɛ Dawuda ka fɔta ye.

Waajurikɛbaga 3:4

Kasiwaati be yen, yɛlɛkowaati fana be yen. Dusukasiwaati be yen, ɲanagwɛwaati fana be yen.

Oze ta kitabu 4:6

Ne ka mɔgɔw ta cɛnna ne lɔnbaliya kosɔn. Aw banna ka ne lɔn minkɛ, ne fana bena ban aw la, aw tena kɛ ne ka sarakalasebagaw ye tugu. Aw ɲinɛna ne, aw ka Ala ka sariya kɔ minkɛ, ne fana bena ɲinɛ aw deenw kɔ.

Yowɛli 2:17

Sarakalasebagaw ka kasi sarakabɔyɔrɔ ni bulon cɛ, olu minw be baara kɛ Masaba ye. U k'a fɔ ko: «Makari i ka mɔgɔw la, Masaba! E kana i ka mɔgɔw di maloya ma, siya wɛrɛw k'u lɔgɔbɔ! Siya wɛrɛw k'a fɔ ko: ‹U ka Ala be min?› Mun na o bena fɔ?»

Hagize 2:11

«Ne Masaba, Setigi ko i ka sarakalasebagaw ɲininga.

Jakariya 7:4

O tuma na, Masaba, Setigi kumana ne fɛ ko:

Jakariya 7:5

«A fɔ jamanadenw bɛɛ ye, ani sarakalasebagaw ye ko: ‹Aw tun ye suun don, ka kasi saan kalo duurunan n'a kalo wolonwulanan na, o saan bi wolonwulanan filɛ nin ye. Yala aw y'o kɛ janko ka ne dusu diya wa?

Jakariya 8:19

Masaba, Setigi ko: «Suun min be don saan kalo naaninan, n'a kalo duurunan, n'a kalo wolonwulanan ani a kalo tannan, o sundonlon nunu bena yɛlɛma ka kɛ nisɔndiyalonw ye, ni ɲanagwɛ, ani batolikɛlonw ye Zuda mara mɔgɔw fɛ. Nga tiɲɛ ni hɛrɛ ka diya aw ye.»

Malaki 2:7

Bari, lɔnniyakuma be sarakalasebagaw le daa la. Mɔgɔw be ne koow lɔnniya ɲini ale lo fɛ, sabu ne Masaba, Setigi ka ciden lo.

Matiyu 9:15

A y'u jaabi ko: «Kɔɲɔcɛ teriw ɲa be se ka sisi k'u ni kɔɲɔcɛ to ɲɔgɔn fɛ wa? Nga, loon dɔ bena se, kɔɲɔcɛ bena bɔsi u la. U bena suun don o tuma na.

Kor fɔlɔ 7:5

Aw kana ban ɲɔgɔn ma, fɔɔ n'aw fila bɛɛ bɛnn'a la ko aw bena waati dɔɔni kɛ ka Ala daali. O kɔ, aw ka segi ɲɔgɔn ma tugu, waasa aw ka se k'aw yɛrɛ minɛ Sutana ka nigɛli tuma na.

Sariya 33:10

U be Yakuba kɔmɔgɔw kalan i ka kolatigɛninw na, u be Isirayɛlidenw kalan i ka sariya la. U be wusulan jɛni i ɲakɔrɔ, u be saraka dafaninw bɔ i ka sarakabɔyɔrɔ la.