Jakariya 5:3 - ALA KA KUMA

³ O kɔ, a y'a fɔ ne ye ko: «Danga lo, min bena se jamana bɛɛ ma. Sɛbɛ nin ɲaa kelen kɔrɔ ko soonw bɛɛ bena gwɛn, kelen fana kɔrɔ ko minw be kali ka galon tigɛ, olu bɛɛ bena gwɛn.»

Jula NT of Côte d’Ivoire

³ Mɛlɛkɛ ko ne ma ko: «Nin ye danga le ye, min bɛ benna jamana bɛɛ lajɛnnin kan. A sɛbɛra a ɲa kelen kan ko sonw bɛɛ bɛna gbɛn ka bɔ yan; a sɛbɛra a ɲa tɔ kelen kan ko minw bɛɛ bɛ kari gbansan, ko olugu bɛɛ bɛna gbɛn ka bɔ yan.

Jakariya 5:3 Iomraidhean Croise

Bɔri 20:15

«Aw kana soɲali kɛ.

Zanaw 29:24

Soon bololafɛn minɛbaga be kojugu kɛr'a yɛrɛ la. U ye wango la k'a tigi danga, a b'o kala ma nga a te foyi fɔ.

Zanaw 3:33

Masaba be mɔgɔjugu ka soo halaki. A be mɔgɔtilennin ta ɲa.

Zanaw 30:9

Nafolocaya kan'a kɛ ne be tigɛ i la k'a fɔ ko: «Masaba ye jɔn ye?» Walima dɛsɛ kana ne bila soɲani na, min bena ele, ne ka Ala tɔgɔ cɛn.

Ezayi 24:6

O kama, danga b'a la ka dugukolo halaki! Jalakili tɔɔrɔ ye a kan sigibagaw ta ye. O la, u be banna fɔɔ u tɔɔ bɛrɛ ma to.

Ezayi 43:28

O la, ne ye n batoso ɲamɔgɔw dɔgɔya. Ne ye aw Isirayɛlidenw halaki, Ne be aw don cɛnnikɛlaw bolo janko u ka yɛlɛ aw ma.»

Ezayi 48:1

«Isirayɛlidenw, aw tulo k'aw malɔ! Isirayɛli tɔgɔ lara aw minw kan, aw minw bɔra Zuda joli la, aw minw be kali ni Masaba tɔgɔ ye, aw minw be Isirayɛli ka Ala daali. Nga o te kɛ ni sɔbɛ ye, tilenniya fana t'a la.

Yeremi 23:10

Bari jamana fanin be kakalaw la. Jamana be dusukasi la danga kosɔn, kongokolon kɔnɔ biinw jara. Mɔgɔw be boli kojugu le nɔɔ fɛ, u b'u jija tilenbaliyakow la.

Yeremi 26:6

ne bena soo nin kɛ i n'a fɔ n ye Silo kɛ cogo min na, ani k'a kɛ dangafɛn ye dugukolo kan siyaw bɛɛ fɛ.› »

Yeremi 5:2

Hali n'u be to k'a fɔ u ka kalili la ko: ‹Masaba kosɔn›, u be kali k'a la galon le kan.»

Yeremi 7:9

« ‹Mun! Aw be soɲali kɛ, ka mɔgɔw faga, ka kakalaya kɛ, ka kɛ seere galontigɛlaw ye. Aw be *Baali sɔn, aw te batofɛn minw lɔn, aw be taga u minɛ siya wɛrɛw fɛ.

Ezekiyɛli 2:9

O tuma na, ne y'a ye ko bolo dɔ sinna ne ma. Sɛbɛ melekenin tun b'a la.

Daniyɛli 9:11

Isirayɛlidenw bɛɛ le y'i ka sariya cɛn, ka ban i la, u ma i ka fɔta bato. O la, danga y'an minɛ. Min koo fɔra e Ala ka baarakɛla Musa ka sariyasɛbɛ kɔnɔ bari an y'i hakɛ ta.

Oze ta kitabu 4:2

U be ɲɔgɔn danga, u be galonw tigɛ, ka ɲɔgɔn faga, soɲali ni ɲamɔgɔya be kɛ. O be caya, mɔgɔw be faga ka tugu ɲɔgɔn na.

Sarakalasebagaw 19:11

«Aw kana soɲali kɛ. Aw kana galon tigɛ, aw kana ɲɔgɔn namara.

Sarakalasebagaw 19:12

Aw kana kali ne tɔgɔ la galon kan, o be ne, aw ka Ala tɔgɔ cɛn. Ne le ye Masaba ye.

Amɔsi 3:10

«Ɲumanya miiri te Samarikaw kɔnɔ fewu.» Masaba le ko ten. Fariyakow ni benkannifɛnw le y'u ka masasow fa.

Jakariya 5:4

Masaba, Setigi ko ale ye danga nin ci, waasa a ka don soonw fɛ, ani mɔgɔ minw be kali ne tɔgɔ la ka galon tigɛ. Ko a bena to u ka soo, k'a bɛɛ halaki, hali a kabakuruw n'a lɔgɔw bɛɛ.

Jakariya 8:17

Kan'a latigɛ ka kojugu kɛ i tɔɲɔgɔn na. Kana kali galon la. Bari o koo nunu bɛɛ ka go ne ye.» Masaba le ko ten.

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»

Matiyu 25:41

O kɔ, a ben'a fɔ a numanbolo la mɔgɔw ye ko: ‹Aw ye taga ka bɔ ne kɔrɔ, mɔgɔjuguw. Aw ye taga jahanama na, min labɛnna Sutana n'a kɔmɔgɔw ye,

Luka 21:35

bari o loon bena cun diɲɛ mɔgɔw bɛɛ kan i n'a fɔ jɔɔ be fɛɛn minɛ cogo min na.

Ɛfɛsikaw 4:28

Mɔgɔ min be soɲali kɛ, o tigi kana soɲali kɛ tugu, nga o tigi ka baara kɛ ka ɲa, janko a ka se ka sɔrɔli kɛ ka dɔ di dɛsɛbagatɔw ma.

Tim fɔlɔ 1:9

An k'a faamu fana ko sariya ma sigi mɔgɔɲumanw kama, nga a sigira banbagaw le kama, ni mɔgɔmurutininw, mɔgɔjuguw, hakɛkɛlaw, Alaɲasiranbaliw, ani minw be Ala tɔgɔ cɛn, ni minw be u faa, walima u baaw faga, ni mɔgɔfagalaw,

Yakuba 5:12

N badenw, aw kana kali abada. Aw kana kali sankolo la, walima dugukolo la. Aw kana kali cogo si la. Aw k'a fɔ ko ɔnhɔn ni ɔnhɔn lo, k'a fɔ ayi ni ayi lo, waasa Ala ka kiti kana ben aw kan.

Yakuba 5:4

Baaraden minw ye baara kɛ aw ka foro kɔnɔ, aw ma olu ka saraw di u ma. Matigi, Setigi y'o baaraden nunu kasikan mɛn.

Yosuwe 9:20

An bena fɛɛn min kɛ u la o filɛ: An tena u faga, janko Ala kana dimi an kɔrɔ, an ka kalili kosɔn.

Yirari 21:8

Nga siranbagatɔw kɔni, ani lanabaliw, ni mɔgɔjuguw, ni mɔgɔfagalaw, kakalaw, lagwɛlikɛlaw, josɔnlaw, ani galontigɛlaw bɛɛ, olu kɔni niyɔrɔ ye jahanama le ye. O le ye saya filanan ye.»

Yirari 22:15

Nga mɔgɔkolonw, ni lagwɛlikɛlaw, ni kakalaw, ni mɔgɔfagalaw, ni josɔnlaw ani galontigɛlaw, olu kɔni bena to dugu kɔɔ fɛ.