Jakariya 4:6 - ALA KA KUMA

^6-14 A y'a fɔ ne ye ko: «Fitinɛ manayɔrɔ wolonwula nunu ye Masaba ɲadenw le ye. U be dugukolo mumɛ bɛɛ le kɔlɔsira.» Ne y'a ɲininga tugu ko: «Olivuyiri fila minw be fitinɛ kinibolo n'a numanbolo la, olu kɔrɔ ye mun ye?» Ne y'a ɲininga tugu ko: «Olivubolo fila minw be bolo sanulaman fila nunu gɛrɛfɛ, tulu be tɛmɛ minw kɔnɔ, o kɔrɔ ye mun ye?» A ye n jaabi ko: «I ma olu kɔrɔ lɔn wa?» Ne ko: «Ayi, matigi.» O la, a y'a fɔ n ye ko: «Mɔgɔ fila minw wolomana ka tulu kɛ u kuun na waasa u ka baara kɛ Matigi, dugukolo Masa ye, olu lo.» Masaba y'a fɔ Zorobabɛli ye ko: «Baara min b'i bolo, e fanga tena se k'o kɛ, i yɛrɛ seko fana tɛ, fɔɔ ne ka Nii. Ne Masaba, Setigi le ko ten. Ele kuluba min be Zorobabɛli ɲafɛ, i be se k'a bali wa? I bena kɛ yɔrɔ dakɛɲɛnin ye. A bena Alabatoso laban kabakuru la tuma min na, u ben'a fɔ soo nin ma: A ka ɲi! A ka ɲi!» Masaba kumana ne fɛ ko: «Zorobabɛli bolo le ye Alabatoso nin juu sigi, ale lo ben'a laban.» Aw ben'a lɔn o fɛ ko Masaba, Setigi le ye ne ci aw fɛ. Baara min daminɛtɔ lo dɔɔni dɔɔni, mɔgɔ man kan k'o lɔgɔbɔ. U ka kan ka nisɔndiya le ka Alabatoso lɔko ye Zorobabɛli bolo.

Jula NT of Côte d’Ivoire

⁶ A ko ne ma ko: «Matigi Ala bɛ kuma min lase Zorobabɛli ma, o flɛ nin ye: ‹Aw ta fanga nɔ tɛ, aw ta baraka nɔ tɛ, nka ne Nin* nɔ lo, Fangatigi Ala ko ten!›

Jakariya 4:6 Iomraidhean Croise

Zaburu 33:16

Masacɛ si te yen min be kisi kɛlɛden caaman sababu la. Cɛfari fana te kisi a ka fanga boɲa kosɔn.

Oze ta kitabu 1:7

Nga ne bena Zuda ka soo le koo diya n yɛrɛ ye. Ne Masaba u ka Ala yɛrɛ le bena u kisi. Ne tena u kisi ni kala ye, walima murujan, walima kɛlɛ, walima soo ni sotigiw ye dɛ!»

Lok 2nan 14:11

Masaba y'a kɛ Aza ni Zuda mara mɔgɔw sera Etiyopikaw kɔrɔ, u bolila.

Ezayi 32:15

Fɔɔ Ala Nii ka di aw ma ka bɔ sankolo la. O tuma na, kongokolon bena kɛ yiriforo ye, yiriforo bena kɛ tuu ye.

Ezayi 30:1

Masaba ko: «Bɔnɛ ye mɔgɔmurutininw ta ye! U be koow latigɛ minw te ne sago ye. U be bɛn ni mɔgɔ dɔw ye k'a sɔrɔ o miiriya ma bɔ ne fɛ. U b'a la ka kojugu fara kojugu kan dɔrɔn.

Jateri 27:16

«Masa Ala, e min be nii don adamadenw bɛɛ la, i ka mɔgɔ dɔ sigi ne nɔɔ na jama nin kunna,

Ɛsidarasi 5:2

O la, Salatiyɛli dencɛ Zorobabɛli ni Yozadaki dencɛ Zozuwe wilila ka Ala ka soo lɔbaara daminɛ Zeruzalɛmu. Ala ka kiraw tun tora n'u ye o baara la fana k'u dɛmɛ.

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Ɛfɛsikaw 6:17

Aw ka kisili nigɛfugulan biri, ani ka Nii Senuman ka murujan ta min ye Ala ka kuma ye.

Damina 41:16

Yusufu y'a fɔ masacɛ ye ko: «Ne tɛ, Ala le bena jabiɲuman d'i ma.»

Sam fɔlɔ 14:6

Zonatan y'a fɔ a ka kɛlɛkɛminanw tabaga ye ko: «Na an be taga fɔɔ kɛnɛkɛnɛbali nunu ka kɛlɛdenw sigiyɔrɔ la. N'a sɔrɔ Masaba bena an dɛmɛ. An ka ca wo, an man ca wo, foyi te se ka Masaba bali k'an kisi.»

Sam fɔlɔ 17:47

Jama nin bɛɛ ben'a faamu ko Masaba te mɔgɔ kisi murujan, walima taman barika la dɛ. Nga ko Masaba ye kɛlɛmasa ye. A fana b'aw don an bolo.»

Mas fɔlɔ 19:12

Dugukolo yɛrɛyɛrɛ nin kɔfɛ, tasuma manana fana, Masaba fana tun t'o tasuma nin na. Tasuma tɛmɛnin kɔ, ŋunuŋunukan dɔ bɔra, min te mɛn ka ɲa.

Ɛsidarasi 3:10

Soo lɔbagaw tun be Masaba batoso juu sigira tuma min na, sarakalasebagaw y'u ka sarakalasefaniw don, u y'u wele ka na o yɔrɔ la ni buru fiyɛtaw ye, ani Levi kɔmɔgɔ Azafu deenw nana ni nigɛ gositaw ye, janko u ka se ka Masaba tanu ka kɛɲɛ ni Isirayɛlidenw ka masacɛ Dawuda ka fɔta ye.

Waajurikɛbaga 9:11

Ne y'a ye diɲɛ kɔnɔ fana ko mɔgɔ minw seen ka teli, a ma kɛ ko ɲɔgɔndanboli be diya olu dama na. Kɛlɛ te diya fangatigi dama na fana, kolɔnbaga be dɛsɛ dumuniko la, hakilitigi be dɛsɛ nafoloko la, boɲa te la lɔnnikɛla kan. Sabu, barinako be se k'u bɛɛ sɔrɔ.

Daniyɛli 2:34

K'i to a filɛli la, kabakuru dɔ bɔra kulu kan ka n'a sentigɛw gosi, min ye nigɛ ni bɔgɔ ye, k'a bɛɛ mugumugu! Mɔgɔ si tun ma maga kabakuru nin la.

Hagize 1:1

Dariyusi ka masaya saan filanan kalo wɔɔrɔnan tile fɔlɔ loon, Masaba ye kira Aze ci ka taga kuma Salitiyɛli dencɛ Zorobabɛli fɛ, min tun ye Zuda mara lasigiden ye, ani Yewosadaki dencɛ Zozuwe fɛ, min tun ye sarakalasebagaw kuntigi ye. A ko:

Hagize 2:21

«A fɔ Zorobabɛli ye, min ye Zuda mara lasigiden ye, ko ne bena sankolo ni dugukolo ɲagami.

Jakariya 6:12

I k'a fɔ a ye ko Masaba, Setigi ko: ‹Cɛɛ dɔ filɛ nin ye, min tɔgɔ ko Yiribolo. Ale sababu la, bolo bena sɔrɔ, ale lo bena Masaba batoso lɔ kura ye.

Ɛsidarasi 2:2

U kɔsegira n'u ɲamɔgɔw ye: Zorobabɛli, ani Zozuwe, ni Neemiya, ani Seraya, ni Ereelaya ani Maridose, ni Bilisan, ani Misipari, ni Bigiwayi, ani Ereyumu, ni Baana ye. Olu jɛnkulu mɔgɔ cɛmanw daa filɛ nin ye:

Ezayi 34:16

Aw ka Masaba ka sɛbɛ ta k'a kalan. A sɛbɛnna ko: «Hali u kelen tena to kɔ. U kelen kelen bɛɛ bena kɛ n'u taamaɲɔgɔn ye. Bari, Masaba yɛrɛ le y'o fɔ, a ka Nii le bena u lajɛn.

Ezayi 59:19

O la, k'a ta kɔrɔn fɛ fɔɔ tileben fɛ, mɔgɔw bena siran Nɔɔrɔtigi Masaba ɲa. Bari, a bena na i ko fɔɲɔ ye jiba min ta.