Jakariya 3:9 - ALA KA KUMA

⁹ Ne be kabakuru nin bila Zozuwe ɲafɛ. Faan wolonwula be kabakuru kelen nin na. Ne yɛrɛ le bena sɛbɛnni kɛ a kan. Ne Masaba, Setigi le ko ten. Ne bena na jamana nin ka hakɛ yafa loon kelen.

Jula NT of Côte d’Ivoire

⁹ A flɛ, ne ka kabakuru min bla Yosuwe ɲa fɛ; ɲaden wolonfla le bɛ o kabakuru kelenpe ra. Ne yɛrɛ le bɛna o kabakuru ta sɛbɛri kɛ a kan. Fangatigi Ala ko ten! Ne bɛna nin jamana ta jurumun kafari lon kelen na.

Jakariya 3:9 Iomraidhean Croise

Mas fɔlɔ 1:20

Masacɛ, ne matigi, Isirayɛlidenw bɛɛ b'i filɛla, i ye mɔgɔ min sigi i nɔɔ na masaya la, janko u ka se k'o lɔn.

Lok 2nan 16:9

Masaba ɲaa be diɲɛ bɛɛ la, a ka koo be mɔgɔ minw dusu la, a be barika don olu la. I ye nalomanya kɛ dɛ. O la, kabini sisan i bena kɛlɛ sɔrɔ.»

Zaburu 103:12

Kɔrɔn fɛ ni tileben ka jan ɲɔgɔn na cogo min na, o cogo kelen na, a b'an ka filiw yɔrɔ jaɲa an na.

Zaburu 118:22

Bonlɔlaw banna kabakuru min na, o nana kɛ kabakuru barikaman ye, boon nɔnkɔn ta.

Bɔri 28:11

I ka Isirayɛli dencɛw tɔgɔw sɛbɛn o kabakuru fila nunu kan, i n'a fɔ kabakuru sɔngɔgwɛlɛn lɛsɛbaga be taamasiɲɛ lafɛn ɲɛgɛn cogo min na. O kɔ, i ka kabakuru nunu nɔrɔ sanu kan,

Bɔri 28:21

U ka kɛ tan ni fila ye ka kɛɲɛ ni Isirayɛli dencɛw tɔgɔw ye. Isirayɛli deen tan ni fila nunu tɔgɔw kelen ka ɲɛgɛn kabakuru nunu kelen kan, k'u kɛ i n'a fɔ taamasiɲɛ lafɛn.

Bɔri 28:36

«I bena sanu yɛrɛ yɛrɛ kɛ ka yirifeerenbisigi dilan ka sɛbɛnni kɛ a kan ko: ‹Nin ye Masaba ta ye,› i n'a fɔ taamasiɲɛ lafɛn be kɛ cogo min na,

Ezayi 28:16

O kama, Matigi, Masaba ko: «A filɛ, ne be kabakuru barikaman bila *Siyɔn, boon nɔnkɔn ta. Ni mɔgɔ min tintinn'a kan, o tigi jigi te tigɛ.

Yeremi 31:34

U tena u tɔɲɔgɔnw, walima u balimaw kalan k'a fɔ ko: ‹Aw ka Masaba lɔn,› bari, bɛɛ bena ne lɔn, denmisɛnw fara mɔgɔkɔrɔbaw kan. Bari, ne bena u ka juguya yafa. Ne hakili tena jigi u ka hakɛw la tugu.» Masaba le ko ten.

Yeremi 50:20

O loonw na, o waati la, u bena Isirayɛli mara mɔgɔw ka filiyɔrɔ ɲini, u tena foyi ye. U bena Zuda mara mɔgɔw ka kojuguw ɲini, o tena ye tugu, bari ne bena minw to nii la, ne bena yafa olu ma. Ne Masaba le ko ten.

Jakariya 13:1

«O waati la, jii bɔyɔrɔ dɔ bena dayɛlɛ Dawuda ka somɔgɔw ni Zeruzalɛmukaw ye, min bena kɛ u ka hakɛ n'u ka konɔgɔninw fura ye.»

Jakariya 3:4

Mɔgɔ minw tun lɔnin be a ɲafɛ, mɛlɛkɛ y'a fɔ olu ye k'u ka Zozuwe ka fani nɔgɔnin bɔ. O kɔ, a y'a fɔ a ye ko: «A filɛ, ne y'i ka hakɛ bɔ i la. U bena ɲanagwɛfaniw don i kaan na.»

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: «Ala ka Sagaden filɛ min be mɔgɔw ka hakɛw ban.

Yuhana 6:27

Aw kana baara kɛ dumuni tolita kosɔn dɛ! Nga dumuni min te cɛn, aw ye baara kɛ o le kosɔn, min be nii banbali di. O dumuni nin, Mɔgɔ Dencɛ bena o d'aw ma. A Faa Ala y'a ka taamasiɲɛ bila ale kan.»

Kɛwalew 4:11

Aw bonlɔlaw banna kabakuru min na, o nana kɛ kabakuru barikaman ye, boon nɔnkɔn ta. O ye Yezu ye.

Rɔmukaw 9:33

A fɔra Ala ka kuma na ko: «Ne be talonkabakuru bila *Siyɔn, kabakuru min be mɔgɔ ben, ne y'o bila yen. Ni min lar'a la, o tigi tena maloya.»

Kor 2nan 1:22

k'a ka taamasiɲɛ la an kan, ani ka Nii Senuman don an na min b'a ka ɲumanya nata yira an na.

Kor 2nan 3:3

Aw kɛra Krista ka bataki ye, o min cira an barika la. A m'a sɛbɛn ni sɛbɛnnikala ye, nga a sɛbɛnna Nitigi Ala ka Nii le barika la, a fana ma sɛbɛn walaka kabakurulaman kan, nga adamaden dusu la.

Tim 2nan 2:19

O bɛɛ n'a ta, Ala ye koo min dabɔ, o be to a nɔɔ na. Kuma nin le kɛra o taamasiɲɛ ye, ko: «Minw ye Matigi ta ye, a b'olu lɔn,» ani «Mɔgɔ minw bɛɛ be Matigi bato, olu ka faran tilenbaliya koo la.»

Heburuw 7:27

Sarakalasebagaw kuntigiba tɔw tun be saraka lase loon o loon, u tun be kɔn k'u yɛrɛ ka hakɛw yafa saraka bɔ fɔlɔ, ka sɔrɔ ka jama ta lase. Nga Yezu y'a yɛrɛ saraka jama ka hakɛw kosɔn siɲɛ kelenpe, saraka wɛrɛ man kan ka bɔ tugu.

Zan fɔlɔ 2:2

Bari ale lo y'a yɛrɛ saraka k'an ka hakɛw yafa. A ma dan an dama ka hakɛw yafako ma dɛ, nga diɲɛ mɔgɔw bɛɛ ta lo fana.

Yirari 5:6

O tuma na, ne ye Sagaden dɔ ye, a wilila ka lɔ. Nimanfɛn naani nunu ni cɛkɔrɔbaw tun kɛnin be k'a lamini. A kɛra i n'a fɔ a tun fagara. Gɔɔn wolonwula tun b'a la, ani ɲaden wolonwula, minw ye Ala ka Nii wolonwula ye, a be to ka minw ci diɲɛ faan bɛɛ la.