Jakariya 3:4 - ALA KA KUMA

⁴ Mɔgɔ minw tun lɔnin be a ɲafɛ, mɛlɛkɛ y'a fɔ olu ye k'u ka Zozuwe ka fani nɔgɔnin bɔ. O kɔ, a y'a fɔ a ye ko: «A filɛ, ne y'i ka hakɛ bɔ i la. U bena ɲanagwɛfaniw don i kaan na.»

Jula NT of Côte d’Ivoire

⁴ Minw tun lɔnin bɛ mɛlɛkɛ ɲa fɛ, mɛlɛkɛ k’a fɔ olugu ye ko: «Aw ye a ta fani nɔgɔninw bɔ a ra!» A k’a fɔ Yosuwe ye ko: «A flɛ, ne ka i ta jurumunw bɔ i ra; ne bɛna fani ɲumanmanw le don i ra.»

Jakariya 3:4 Iomraidhean Croise

Sam 2nan 12:13

Dawuda y'a fɔ Natan ye ko ale ye Masaba hakɛ ta. Natan y'a fɔ a ye ko Masaba yafar'a ma, ko a tena sa tugu.

Mas fɔlɔ 22:19

Mise y'a fɔ a ye tugu ko: «Masaba ka kuma mɛn sa! Ne ye Masaba siginin ye a ka masasigilan kan, sankolo kɔnɔ. A ka kɛlɛbolo bɛɛ lɔnin be k'a lamini, dɔ b'a kinibolo fɛ, dɔ b'a numanbolo fɛ.

Zaburu 51:9

E ka ne ka hakɛ yafa ka ne saniya. E ka ne ko, ne bena gwɛ parapara.

Ezayi 43:25

O bɛɛ n'a ta, ne yɛrɛ le b'aw ka kojuguw yafa n yɛrɛ kosɔn, n be ɲinɛ n'aw ka kojuguw ye kɔ.

Ezayi 44:22

Ne y'aw ka kojuguw tunu i ko sɔgɔma burun. Aw ka segi ne ma, bari, ne y'aw kunmabɔ.»

Ezayi 52:1

Wili, *Siyɔn, wili joona ka barika don i yɛrɛ la. Zeruzalɛmu, dugu senuman, wili k'i ka faniɲumanw don. Bari, kɛnɛkɛnɛbaliw ni mɔgɔ minw saniyanin tɛ, olu tena don i kɔnɔ tugu.

Ezayi 61:10

Ne Zeruzalɛmu nisɔn ka di kosɔbɛ Masaba barika la. Ne dusu ka di ne ka Ala sababu la. Bari, a ye kisili fani don ne kaan na, a ye tilenninya deleke don ne kaan na, i ko kɔɲɔcɛ min masirinin be ni sarakalasebaga ka kunmelekefani ɲɔgɔn ye, i ko kɔɲɔmuso min y'a yɛrɛ masiri.

Ezayi 61:3

A ye ne ci ka *Siyɔnka dusukasininw ka dusukasi ban k'u nisɔndiya kosɔbɛ, ka tanuli don u dusu la ɲanasisi nɔɔ na. U bena kɛ i ko yiri minw be Masaba ka boɲa yira, i ko nankɔ min b'a ka nɔɔrɔ yira.

Yeremi 52:33

A ye sira d'a ma k'a ka kasodenfaniw bɔ. K'a ta o loon ma, Yoyakin tun be to ka dumuni kɛ a fɛ a sii bɛɛ la.

Ezekiyɛli 36:25

«Ne bena jiɲuman seriseri aw kan, aw bena saniya. Ne bena aw saniya ka bɔ aw ka nɔgɔtɔya koow n'aw ka josɔnko bɛɛ la.

Ezekiyɛli 42:14

Ni sarakalasebagaw donna Ala ka yɔrɔ la, u man kan ka bɔ yen ka taga kɛnɛma luu kɔnɔ n'u ma u ka sarakalasefaniw bɔ k'u to o yɔrɔ la ka sɔrɔ ka taga, bari u ka faniw saniyanin lo. U ka kan ka fani wɛrɛw don yan ka sɔrɔ ka taga jama ka yɔrɔ la.»

Mise 7:18

Ala, i ɲɔgɔn te batofɛnw cɛma, ele min be hakɛ yafa, ni min filila, e b'o ye k'a to yen. I ka mɔgɔw tɔɔ min tora, olu kanu kama, olu minw ye i ta ye, i diminin tena to u kɔrɔ tuma bɛɛ, nga ka makari u la, o ka d'i ye.

Mise 7:19

I bena makari an na tugu. I bena an ka kojugu nɔɔni i seen kɔrɔ. I bena an ka hakɛw bɛɛ fili fɔɔ kɔgɔji jukɔrɔ.

Jakariya 3:1

O kɔ, Masaba ye sarakalasebagaw kuntigi Zozuwe yira ne la. A lɔnin tun be Masaba ka mɛlɛkɛ ɲafɛ. Mɔgɔ jalakibaga Sutana lɔr'a kinibolo la, waasa k'a jalaki.

Jakariya 3:7

«Masaba, Setigi ko: ‹N'i sɔnna ka taama ne ka sira kan, ka ne ka kuma bato, e le bena kɛ n ka soo, n'a lukɔnɔna bɛɛ kuntigi ye. Mɔgɔ minw be yan, i bena lɔyɔrɔ sɔrɔ olu cɛma.

Jakariya 3:9

Ne be kabakuru nin bila Zozuwe ɲafɛ. Faan wolonwula be kabakuru kelen nin na. Ne yɛrɛ le bena sɛbɛnni kɛ a kan. Ne Masaba, Setigi le ko ten. Ne bena na jamana nin ka hakɛ yafa loon kelen.

Matiyu 22:11

Masacɛ donna ko a be mɔgɔ welenin nunu filɛ waati min na, a ye cɛɛ dɔ ye kɔɲɔya fani tun te min kaan na.

Luka 1:19

Mɛlɛkɛ y'a jaabi ko: «Ne ye Gabiriyɛli ye. Ne le be lɔ Ala ɲakɔrɔ k'a ka ciiw lamɛn. A ye ne ci ka na nin kibaru diman nin fɔ i ye.

Luka 15:22

Nga a faa y'a fɔ a ka baaradenw ye ko: ‹Aw ka teliya ka na ni foroca ye, min ka ɲi tɔw bɛɛ ye, a b'o don. Aw ka bololanigɛ don a bolo la ka sanbara d'a ma, a b'o don.

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: «Ala ka Sagaden filɛ min be mɔgɔw ka hakɛw ban.

Rɔmukaw 3:22

Mɔgɔ o mɔgɔ lara Yezu Krista la, Ala be olu bɛɛ jati mɔgɔtilenninw ye, wolomani t'o la.

Rɔmukaw 6:23

Bari hakɛ sara ye halakili ye, nga Ala ka nilifɛn ye nii banbali ye an Matigi Yezu Krista barika la.

Kor fɔlɔ 6:11

Aw dɔw tun be ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Kɔlɔsikaw 3:10

ka jogokura ta, min be sabati tuma bɛɛ Ala ka lɔnniya barika la, ka kɛ i n'a fɔ aw danbaga.

Heburuw 8:12

Ne bena u ka hakɛw bɛɛ to u ye. Ne tena u ka kojuguw koo to n dusu la tugu.»

Yirari 5:11

Ne tun be filɛli kɛra halibi, ne ye mɛlɛkɛ caaman kaan mɛn, u tun ka ca haali, fɔɔ u te se ka jati ka daa lɔn. U lɔnin tun be ka masasigilan ni nimanfɛnw ni cɛkɔrɔba nunu lamini.

Yirari 7:14

N y'a jaabi ko: «E le b'o lɔn matigi.» A ko ne ma: «Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.