Jakariya 3:1 - ALA KA KUMA

¹ O kɔ, Masaba ye sarakalasebagaw kuntigi Zozuwe yira ne la. A lɔnin tun be Masaba ka mɛlɛkɛ ɲafɛ. Mɔgɔ jalakibaga Sutana lɔr'a kinibolo la, waasa k'a jalaki.

Jula NT of Côte d’Ivoire

¹ O kɔ, Ala ka sarakalasebagaw kuntigi Yosuwe yira ne ra; a lɔnin tun bɛ Matigi Ala ta mɛlɛkɛ ɲa fɛ, Setana lɔnin bɛ a kininboroyanfan na, a b’a jarakira.

Jakariya 3:1 Iomraidhean Croise

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Damina 48:16

mɛlɛkɛ min ye ne kisi kojugu bɛɛ ma, ale ka hɛrɛ kɛ deen nunu ye. Ala k'a to u ka kɛ sababu ye ne tɔgɔ kana tunu. U ka kɛ sababu ye fana, ne mamacɛ Ibrayima ni ne faa Isiyaka tɔgɔw kana tunu. U kɔmɔgɔw ka caya kosɔbɛ dugukolo kan.»

Lok fɔlɔ 21:1

Sutana wilila Isirayɛlidenw kama. A y'a kɛ Dawuda ye Isirayɛlidenw jati.

Lok 2nan 29:11

Ne deenw, aw ye faratiko dabila, bari Masaba y'aw woloma janko aw ka to ka lɔ a ɲakɔrɔ ka baara kɛ a ye, ka kɛ a ka baaradenw ye, ani ka wusulan jɛni a ye.»

Ɛsidarasi 10:18

Sarakalasebagaw cɛma, mɔgɔ minw tun ye siya wɛrɛ musow furu, olu ye: Yozadaki dencɛ Zozuwe n'a badenw, olu deenw cɛma, Maaziya ni Eliyezɛri ni Yaribu ani Gedaliya.

Ɛsidarasi 2:2

U kɔsegira n'u ɲamɔgɔw ye: Zorobabɛli, ani Zozuwe, ni Neemiya, ani Seraya, ni Ereelaya ani Maridose, ni Bilisan, ani Misipari, ni Bigiwayi, ani Ereyumu, ni Baana ye. Olu jɛnkulu mɔgɔ cɛmanw daa filɛ nin ye:

Ɛsidarasi 5:2

O la, Salatiyɛli dencɛ Zorobabɛli ni Yozadaki dencɛ Zozuwe wilila ka Ala ka soo lɔbaara daminɛ Zeruzalɛmu. Ala ka kiraw tun tora n'u ye o baara la fana k'u dɛmɛ.

Zaburu 106:23

Masaba tun y'a fɔ ko a bena u halaki, a ka mɔgɔ wolomanin Musa y'a daali. A y'a daali ko a ka sabali, ko a kana u halaki.

Zaburu 109:6

U ko: «A ka don mɔgɔjugu bolo. Jalakibaga ka sɔrɔ a la a kinibolo fɛ.

Yeremi 15:19

O la, Masaba ko: «N'i segira ne ma, ne bena sɔn i ma, e bena n ka baara kɛ. N'i ye kuma fuw dabila ka to ka kumasɔbɛ fɔ, i bena kɛ ne ka dalaminɛ ye. Ne ka jama bena segi ka ele yɔrɔ ɲini, nga ele kɔni tena olu yɔrɔ ɲini.

Ezekiyɛli 44:11

U bena se ka kɛ ne batoso daaw kɔlɔsibagaw ye, ka ne ka yɔrɔ senuman baara dɔw kɛ. U bena jama ka saraka jɛnitaw ni saraka tɔw faga, ani ka lɔ jama ɲafɛ ka baara kɛ u ye.

Ezekiyɛli 44:15

«Sarakalasebagaw faan fɛ, minw ye Levi kɔmɔgɔ Sadɔki kɔmɔgɔw ye, minw ye baara kɛ ne ye ni tilenninya ye Isirayɛlidenw jɛngɛna ka ne bila tuma min na, olu le bena gwɛrɛ ne la ka baara kɛ ne ka sigiyɔrɔ la. U bena lɔ ne ɲakɔrɔ ka sarakaw tulu n'u joli bɔ ne ye. Ne Matigi, Masaba le ko ten.

Hagize 1:1

Dariyusi ka masaya saan filanan kalo wɔɔrɔnan tile fɔlɔ loon, Masaba ye kira Aze ci ka taga kuma Salitiyɛli dencɛ Zorobabɛli fɛ, min tun ye Zuda mara lasigiden ye, ani Yewosadaki dencɛ Zozuwe fɛ, min tun ye sarakalasebagaw kuntigi ye. A ko:

Hagize 1:12

O tuma na, Salitiyɛli dencɛ Zorobabɛli, ni Yewosadaki dencɛ Zozuwe, sarakalasebagaw kuntigi, ni jama tɔɔ min bɔra jɔnya la ka na, olu bɛɛ sɔnna Masaba u ka Ala ka kuma na. U sɔnna kira Aze ka kuma na, a ye min sɔrɔ Masaba u ka Ala fɛ. Jama siranna Masaba ɲa.

Hagize 2:4

Nga sisan, i jaa gwɛlɛya Zorobabɛli. Ne Masaba le ko ten. Yewosadaki dencɛ Zozuwe, sarakalasebagaw kuntigi, i jaa gwɛlɛya. Jamanadenw, aw bɛɛ k'aw jaa gwɛlɛya. Ne Masaba le ko ten. Aw ka baara kɛ. Bari ne be n'aw ye. Ne Masaba, Setigi le ko ten.

Jakariya 1:13

Mɛlɛkɛ min tun be kumana ni ne ye, Masaba y'o jaabi ni jagwɛlɛyakuma ye, ni dususaalokuma ye.

Jakariya 1:9

Ne y'a ɲininga ko: «Ne matigi, soo nunu kɔrɔ ye mun ye?» O la, mɛlɛkɛ min tun be kumana ni ne ye, ale ye ne jaabi ko: «Ne bena o kɔrɔ yira i la.»

Jakariya 2:3

O kɔ, Masaba ye numucɛ naani yira ne la.

Jakariya 3:8

« ‹Sarakalasebagaw kuntigi Zozuwe, i tulo malɔ, e n'i baarakɛɲɔgɔn minw siginin be i ɲakɔrɔ. Bari, aw le ye kisili sɔrɔ sira taamasiɲɛ ye. Ayiwa, ne bena na n ka baarakɛla ci, min tɔgɔ ko Yiribolo.

Jakariya 6:11

I bena warigwɛ ni sanu minɛ u fɛ, k'o kɛ masafugulan ye k'a biri Yewosadaki dencɛ sarakalasebagaw kuntigi Zozuwe kunna.

Malaki 3:1

Ayiwa, Masaba, Setigi ko: «N bena n ka ciden ci, a ka sira labɛn n ɲa. Aw be Matigi min yɔrɔ ɲinina, ale bena bari ka don a batoso kɔnɔ. Ciden min bena jɛnɲɔgɔnya koo fɔ, aw be min fɛ, o natɔ filɛ!»

Luka 21:36

Aw ye jija ka Ala daali tuma bɛɛ, ka kɛ mɔgɔ timinadiyaninw ye, waasa aw ka se ka kisi o koo nataw bɛɛ ma, ani aw ka se ka lɔ Mɔgɔ Dencɛ ɲakɔrɔ.»

Luka 22:31

Yezu y'a fɔ ko: «Simɔn, Simɔn, Sutana ye sira ɲini waasa k'i yuguyugu i n'a fɔ mɔgɔ be mugu tɛntɛn cogo min na,

Sariya 10:8

«O waati la, Masaba ye baara dɔ kalifa Levi kɔmɔgɔw ma, o ye Masaba ka layidu taamasiɲɛ kɛsu tako ye, ani ka to a ɲakɔrɔ ka baara kɛ a ye, ani ka dubaw kɛ jama ye a tɔgɔ la. Olu b'o baara nin kɛra halibi.

Sariya 18:15

A bena ne bɔɲɔgɔn kira dɔ wili aw balimaw cɛma. Aw ka kan ka mɛnni kɛ a fɛ.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Sam fɔlɔ 6:20

O yɔrɔ mɔgɔw y'a fɔ ko: «Jɔn le be se ka lɔ Masaba ɲakɔrɔ, Ala senuman? A ka layidu taamasiɲɛ kɛsu ka kan ka taga min ka bɔ an kɔrɔ?»