Jakariya 13:3 - ALA KA KUMA

³ O tuma na, ni mɔgɔ dɔ ye kirayakuma fɔ, a yɛrɛ facɛ n'a bamuso le ben'a fɔ a ye ko: ‹I ka kan ka faga, bari i be galon le tigɛra Masaba tɔgɔ la.› O la, n'a ye kiraya kɛ, a yɛrɛ wolofa n'a yɛrɛ woloba le ben'a sɔgɔ ni muru ye.

Jula NT of Côte d’Ivoire

³ Ni mɔgɔ min belen ka cirayakuma fɔ tuun, o tigi worofa ni a woroba yɛrɛ bɛna a fɔ a ma ko: ‹Ele ka kan ni fagari le ye, sabu i ka faninya fɔ ni Matigi Ala tɔgɔ ye!› Tuma min na a bɛ o cirayakuma fɔra, a yɛrɛ worofa n’a woroba le bɛna a sɔgɔ ni kɛrɛkɛmuru ye.

Jakariya 13:3 Iomraidhean Croise

Yeremi 23:25

«Kira minw be galon tigɛra ne tɔgɔ la, ne b'u ka fɔta mɛnna. U ko: ‹Ne sikora, ne sikora!›

Yeremi 23:34

Ni kira min, walima sarakalasebaga, walima mɔgɔ wɛrɛ man'a fɔ ko: ‹Masaba ka doni ye mun ye?› N bena o tigi n'a ka soo ɲaa gwan.

Yeremi 28:15

O kɔ, kira Zeremi y'a fɔ kira Ananiya ye ko: «Ananiya, a filɛ, Masaba m'i ci. E b'a kɛra jama nin benna galon la.

Ezekiyɛli 13:23

o la, aw tena yelifɛnkolon si ye tugu, aw tena lagwɛli kɛ tugu. Ne bena n ka mɔgɔw kisi ka bɔ aw bolo. O tuma na, aw ben'a lɔn ko ne ye Masaba le ye.»

Ezekiyɛli 14:9

«Ni kira min y'a yɛrɛ nigɛ ka kirayakuma fɔ a kunfɛ, ne yɛrɛ le y'a nigɛ. Ne bena wili o tigi kama k'a halaki ka bɔ ne ka jama Isirayɛli cɛma.

Ezekiyɛli 43:7

A ko: «Adamaden, yan ye ne ka masasigilan bilayɔrɔ ni n seen layɔrɔ le ye. Ne bena sigi Isirayɛlidenw cɛma yan yɔrɔ la kudayi. Isirayɛlidenw n'u ka masacɛw tena ne tɔgɔ senuman cɛn n'u ka josɔnko, n'u ka masacɛw suuw ye tugu.

Matiyu 10:37

«Ni mɔgɔ min b'a facɛ, walima a bamuso kanu ka tɛmɛ ne kan, o tigi te se ka kɛ ne ka kalanden ye. Mɔgɔ min b'a dencɛ, walima a denmuso kanu ka tɛmɛ ne kan, o tigi te se ka kɛ ne ka kalanden ye.

Luka 14:26

«Mɔgɔ o mɔgɔ be na ne fɛ, n'a ma ne fisaya n'a faa ye, n'a baa, n'a muso, n'a deenw, n'a balimacɛw, n'a balimamusow, n'a yɛrɛ fana ye, o tigi te se ka kɛ ne ka kalanden ye.

Kor 2nan 5:16

O la, an te mɔgɔ si jati adamadenw ka jaticogo la tugu. Hali n'an tun ye Krista lɔn ten, sisan an t'a lɔn o cogo la tugu.

Sariya 18:20

Nga ni kira min y'a jaa gwɛlɛya ka kuma dɔ fɔ ne tɔgɔ la k'a sɔrɔ ne ma o fɔ a ye, walima ka kuma batofɛn wɛrɛ tɔgɔ la, o ka kan ka faga.›

Sariya 33:9

U y'a yira ko i koo ka d'u ye ka tɛmɛ u faaw n'u balimaw, n'u deenw kan. U y'i ka fɔta kɛ, k'i ka bɛɛn bato.