Jakariya 1:3 - ALA KA KUMA

³ A fɔ jama ye ko: Masaba, Setigi ko: ‹Aw k'aw sɔɔn yɛlɛma ka sɔn ne ma. Ne, Masaba, Setigi le ko ten. O la, ne bena sɔn aw ma.› Masaba, Setigi le ko ten.

Jula NT of Côte d’Ivoire

³ A fɔ nin mɔgɔw ye ko Fangatigi Ala ko: ‹Aw ye sekɔ ka na ne fɛ! Fangatigi Ala ko ten. Ni o kɛra, ne fana bɛna sekɔ aw fɛ. Fangatigi Ala ko ten.›

Jakariya 1:3 Iomraidhean Croise

Lok 2nan 15:2

A bɔra ka taga Aza kunbɛn k'a fɔ a ye ko: «Aza, e ni Zuda kɔmɔgɔw, ani Bɛnzamɛn taw bɛɛ, aw ka mɛnni kɛ ne fɛ. N'aw tora Masaba fɛ, a be to n'aw ye. N'aw y'a ɲini, aw ben'a ye. Nga ni aw bann'a la, a bena ban aw la fana.

Lok 2nan 15:4

Nga k'u to sigɛn na, u segira ka na Masaba, Isirayɛli ka Ala fɛ, k'a ɲini, a fana y'a to u y'a ye.

Nehemi 9:28

Nga u ye hɛrɛ sɔrɔ dɔrɔn, u y'a daminɛ tugu ka kojugu kɛ i ɲakɔrɔ. O la, i tun y'a to u juguw sera u kɔrɔ, k'u tɔɔrɔ. O kɔ, u kasira i nɔɔ fɛ tugu, ka e to sankolo kɔnɔ, e y'u kasikan mɛn tugu k'u tila ka bɔ u juguw bolo siɲɛ caaman i ka makari kosɔn.

Ayuba 22:23

N'i kɔsegira Setigi ma, a bena e ta ɲa. E k'i mabɔ tilenbaliyakow la.

Ezayi 31:6

Aw Isirayɛlidenw, aw ye Masaba janfa fɔɔ ka tɛmɛ. Aw ye kɔsegi a ma.

Ezayi 44:22

Ne y'aw ka kojuguw tunu i ko sɔgɔma burun. Aw ka segi ne ma, bari, ne y'aw kunmabɔ.»

Yeremi 12:15

Nga o kɔfɛ, n bena makari u la tugu, ka segi n'u kelen kelen bɛɛ ye u ka yɔrɔw la, k'u ka cɛɛn sɔrɔ.

Yeremi 25:5

O tun y'a fɔ aw ye ko: ‹Aw kelen kelen bɛɛ k'aw ka sirajugu taama n'aw ka kɛwalijuguw dabila, o la, Masaba tun ye dugukolo min di aw n'aw faaw ma. Kabini tumajan, aw bena to o kan tuma bɛɛ.

Yeremi 3:1

«Ni cɛɛ y'a muso furu sa, n'a fana tagara furu cɛɛ wɛrɛ ma, cɛɛ fɔlɔ nin be se ka segi ka ta'a minɛ tugu wa? Ayi, o bena jamana nɔgɔ. Isirayɛlidenw, aw minw ye kakalaya kɛ ni fɛɛn caaman ye, aw be tila k'a fɔ ko aw bena segi ne fɛ tugu wa? Ne Masaba le ko ten.

Yeremi 3:22

«Deen tilenbali nunu! Aw ye segi. Ne bena aw dɛmɛ ka tilenbaliya dabila.» Tiɲɛ na, an be nana i fɛ, bari e le ye Masaba ye, an ka Ala.

Yeremi 35:15

Ne tora ka n ka baarakɛlaw, kiraw ci aw ma. U y'a fɔ aw ye ko: Aw kelen kelen bɛɛ ka faran aw ka sirajuguw la, k'aw ka kɛtaw yɛlɛma. Aw kana boli batofɛn wɛrɛw kɔ k'u bato. O la, ne ye dugukolo min di aw n'aw faaw ma, aw bena sigi o kan. Nga aw ma mɛnni kɛ ne fɛ, aw ma n ka kuma bato.

Yeremi 4:1

«Isirayɛlidenw, n'aw kɔsegira ne ma, ne Masaba le ko ten, n'aw y'aw ka joow fili ka bɔ ne ɲakɔrɔ, n'aw te yaalayaala aw kunfɛ tugu,

Ezekiyɛli 18:19

«Aw b'a fɔra ko: ‹Mun na faa ka jalaki man kan ka ben a deen kan?› Deen nin ye tilenninyakow kɛ, ka ne ka kolatigɛninw bɛɛ kɛ ka ɲa minkɛ, o la, a bena to nii na, siga t'a la.

Ezekiyɛli 18:31

Aw ye kojuguw bɛɛ dabila, k'aw dusu yɛlɛma, ani ka hakilikura sɔrɔ. Isirayɛlidenw, mun kama aw b'a fɛ ka sa?

Ezekiyɛli 18:32

Ne Matigi, Masaba ko: Tiɲɛ na, mɔgɔ si ka saya man di ne ye fewu! Aw ka kojugukɛ dabila ka to nii na!»

Ezekiyɛli 33:11

Ayiwa, i k'a fɔ u ye ko ne Matigi, Masaba ko: Ne tɔgɔ kosɔn, mɔgɔjugu sayako man di ne ye fewu, ne b'a fɛ a k'a ka sirajugu bila ka kisi le. Aw ye yɛlɛma! Aw ye yɛlɛma k'aw ka sirajuguw bila! Isirayɛlidenw, mun kosɔn aw b'a fɛ ka sa?

Oze ta kitabu 14:1

Samarikaw bena lɔ n'u ka kojugu kunko ye. Bari u murutira u ka Ala ma. U bena faga ni murujan ye, u ka denɲɛninw bena nɔɔni, u bena u ka muso kɔnɔmanw kɔnɔ faran.

Oze ta kitabu 14:4

Asirikaw te se k'an kisi, an tena yɛlɛ soow kan tugu kɛlɛ kama, an tena an yɛrɛ ka lalagafɛn wele tugu ko: ‹An ka Ala.› Bari, e le be makari falatɔ la.»

Oze ta kitabu 6:1

Aw b'a fɔ ko: «Aw ye to an ka segi Masaba fɛ! Ale lo y'a kɛ joli bɔra an na, ale lo bena an joli furakɛ. Ale lo y'an bugɔ, ale lo bena an furakɛ.

Yowɛli 2:12

Masaba y'a fɔ ko: «Halibi sa, aw ye kɔsegi ne ma sɔbɛ la, aw ye suun don, ka kasi kosɔbɛ.»

Malaki 3:7

K'a ta aw faaw ka tile ma, aw kɔni ma sɔn ka nɔrɔ ne ka fɔta la k'a bato. Aw ye kɔsegi ne ma, ne bena sɔn aw ma. Aw b'a fɔ ko: ‹An bena kɔsegi i ma cogo di?›