Hagize 2:4 - ALA KA KUMA

⁴ Nga sisan, i jaa gwɛlɛya Zorobabɛli. Ne Masaba le ko ten. Yewosadaki dencɛ Zozuwe, sarakalasebagaw kuntigi, i jaa gwɛlɛya. Jamanadenw, aw bɛɛ k'aw jaa gwɛlɛya. Ne Masaba le ko ten. Aw ka baara kɛ. Bari ne be n'aw ye. Ne Masaba, Setigi le ko ten.

Jula NT of Côte d’Ivoire

⁴ Ayiwa, sisan kɔni, Zorobabɛli, ele ye i yɛrɛ ja gbɛlɛya! Matigi Ala ko ten. Sarakalasebagaw kuntigi Yosuwe, Yosadaki dencɛ, i ja gbɛlɛya! Aw jamanamɔgɔ tɔw bɛɛ, aw bɛɛ ye aw ja gbɛlɛya! Matigi Ala ko ten. Aw ye baara kɛ, sabu ne bɛ ni aw ye. Fangatigi Ala ko ten.

Hagize 2:4 Iomraidhean Croise

Sam 2nan 5:10

O tuma na, Dawuda tun be barika sɔrɔla ka taga ɲa, bari Masaba, Setigi Ala tun be n'a ye.

Lok fɔlɔ 22:13

Masaba y'a ka sariya n'a ka cii minw di Musa ma Isirayɛlidenw kosɔn, i ka olu kɔlɔsi k'o bato, i bena se ka taga ɲa. O la, barika don i yɛrɛ la k'i jaa gwɛlɛya! Kana siran, i jaa kana tigɛ.

Lok fɔlɔ 28:20

Dawuda y'a fɔ a ka deen Solomani ye ko: «Jija ka baara kɛ ni jagwɛlɛya ye. Kana siran, i jaa kana tigɛ, bari ne ka Ala, Masa Ala be n'i ye. A tena i bila, a tena ban i la, fɔɔ ka taga se Masaba ka soo nin lɔko banni ma.

Ɛsidarasi 10:18

Sarakalasebagaw cɛma, mɔgɔ minw tun ye siya wɛrɛ musow furu, olu ye: Yozadaki dencɛ Zozuwe n'a badenw, olu deenw cɛma, Maaziya ni Eliyezɛri ni Yaribu ani Gedaliya.

Ɛsidarasi 5:2

O la, Salatiyɛli dencɛ Zorobabɛli ni Yozadaki dencɛ Zozuwe wilila ka Ala ka soo lɔbaara daminɛ Zeruzalɛmu. Ala ka kiraw tun tora n'u ye o baara la fana k'u dɛmɛ.

Bɔri 3:12

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Hagize 1:13

O kɔ, Masaba ka ciden Aze ye Masaba ka kuma fɔ u ye ko: «Ne be n'aw ye.» Masaba le ko ten.

Jakariya 4:6

A y'a fɔ ne ye ko: «Fitinɛ manayɔrɔ wolonwula nunu ye Masaba ɲadenw le ye. U be dugukolo mumɛ bɛɛ le kɔlɔsira.» Ne y'a ɲininga tugu ko: «Olivuyiri fila minw be fitinɛ kinibolo n'a numanbolo la, olu kɔrɔ ye mun ye?» Ne y'a ɲininga tugu ko: «Olivubolo fila minw be bolo sanulaman fila nunu gɛrɛfɛ, tulu be tɛmɛ minw kɔnɔ, o kɔrɔ ye mun ye?» A ye n jaabi ko: «I ma olu kɔrɔ lɔn wa?» Ne ko: «Ayi, matigi.» O la, a y'a fɔ n ye ko: «Mɔgɔ fila minw wolomana ka tulu kɛ u kuun na waasa u ka baara kɛ Matigi, dugukolo Masa ye, olu lo.» Masaba y'a fɔ Zorobabɛli ye ko: «Baara min b'i bolo, e fanga tena se k'o kɛ, i yɛrɛ seko fana tɛ, fɔɔ ne ka Nii. Ne Masaba, Setigi le ko ten. Ele kuluba min be Zorobabɛli ɲafɛ, i be se k'a bali wa? I bena kɛ yɔrɔ dakɛɲɛnin ye. A bena Alabatoso laban kabakuru la tuma min na, u ben'a fɔ soo nin ma: A ka ɲi! A ka ɲi!» Masaba kumana ne fɛ ko: «Zorobabɛli bolo le ye Alabatoso nin juu sigi, ale lo ben'a laban.» Aw ben'a lɔn o fɛ ko Masaba, Setigi le ye ne ci aw fɛ. Baara min daminɛtɔ lo dɔɔni dɔɔni, mɔgɔ man kan k'o lɔgɔbɔ. U ka kan ka nisɔndiya le ka Alabatoso lɔko ye Zorobabɛli bolo.

Jakariya 8:9

Masaba, Setigi ko: «Aw minw be kiraw ka kuma mɛnna sisan, u tun ye min fɔ ne Masaba ka soo juu sigituma na, min bena lɔ ka kɛ ne Ala batoso ye, aw y'aw jaa gwɛlɛya.

Marika 16:20

Kalandenw tagara kibaru diman fɔ yɔrɔ bɛɛ. Matigi Yezu tun be n'u ye u ka baara bɛɛ la. A ye see d'u ma ka kabakow kɛ k'a yira k'u ka waajuli kuma ye tiɲɛ ye.]

Kɛwalew 7:9

«Nga, an bɛma nunu y'u dɔgɔcɛ Yusufu kɔniya, k'a feere Ezipiti taabaga dɔw ma. Nga, Ala tun b'a fɛ.

Kor fɔlɔ 16:13

Aw labɛnnin ka to, aw ye jija aw jigi ka to Ala kan kosɔbɛ, aw ka kɛ mɔgɔ jagwɛlɛnw ye, ani ka barika don aw yɛrɛ la.

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Sariya 31:23

Masaba ye kuma nin fɔ Nun dencɛ Zozuwe ye ko: «Barika don i yɛrɛ la, k'i jaa gwɛlɛya, bari e lo bena don ni Isirayɛlidenw ye jamana nin kɔnɔ, ne ye min layidu ta u ye. Ne yɛrɛ bena kɛ n'i ye.»

Tim 2nan 2:1

Ele kɔni, ne deen, e ka barika don i yɛrɛ la Yezu Krista ka nɛɛma barika la.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.

Yosuwe 1:6

I ka barika don i yɛrɛ la k'i jaa gwɛlɛya, bari e le bena kɛ sababu ye jama nin ka don jamana nin kɔnɔ k'a minɛ k'a kɛ u yɛrɛ ta ye, ne tun kalila u faaw ye ko n bena jamana nin di u ma.

Yosuwe 1:9

Ne le m'a fɔ i ye ko i ka barika don i yɛrɛ la k'i jaa gwɛlɛya wa? Ko i kana siran, i jaa kana tigɛ, bari ne Masaba i ka Ala le bena to i fɛ i taayɔrɔw bɛɛ la.»

Kititigɛbagaw 2:18

Tuma o tuma Masaba tun be mɔgɔ woloma u cɛma k'o kɛ cɛfari ye, a tun be to n'o tigi ye a sii bɛɛ la k'u bɔsi u juguw bolo bari a tun be makari u la u ka kasi kosɔn u tɔɔrɔbagaw bolo, minw tun b'u sigɛnna.

Sam fɔlɔ 16:18

Sayuli ka baaraden dɔ y'a fɔ ko ale ye Zese ka bɔ Bɛtilehɛmu deen dɔ ye. A be se fɔli la kosɔbɛ, a jaa ka gwɛlɛ fana, a be se kɛlɛ la, a ka kuma ka di, a fana ɲada ka ɲi. Masaba fana be n'a ye.