Hagize 2:17 - ALA KA KUMA

¹⁷ Ne y'aw ka sɛnɛfɛnw bɛɛ cɛn ni sigɛn ni finfin ye, ani sanbɛrɛ. Nga aw ma sɔn ka kɔsegi ne ma. Ne Masaba le ko ten.

Jula NT of Côte d’Ivoire

¹⁷ Ne tun ka simancɛnbanaw, ani sanbɛrɛ kɛ ka aw ta simanw bɛɛ cɛn; nka o bɛɛ n’a ta, aw tun ma nimisa ka sekɔ ka na ne fɛ. Matigi Ala ko ten.

Hagize 2:17 Iomraidhean Croise

Damina 42:23

U tun m'a lɔn ko Yusufu b'u ka kuma nunu mɛnna, bari Yusufu tun be kuma u fɛ mɔgɔ wɛrɛ b'a yɛlɛma u ye.

Damina 42:27

U tagara se yɔrɔ dɔ la ka la o yɔrɔ la, mɔgɔ kelen y'a ka bɔɔrɔ daa foni ko a be suman dɔ di a ka fali ma. A ye wari ye suman sanfɛ.

Damina 42:6

Yusufu le tun be jamana kunna, ale lo tun be suman feere jamanadenw bɛɛ ma. A kɔrɔw sera tuma min na, u y'u kunbiri gwan a kɔrɔ k'u ɲaa biri duguma.

Mas fɔlɔ 8:37

«Ni kɔngɔ, walima banajugu, walima sigɛn, walima sumancɛnbana, walima tɔɔnw, mana don jamana nin kɔnɔ, n'u juguw nana ko u b'u kɛlɛ jamana kɔnɔ, u ka duguw la, ni banajuguw, walima balawu, nana ben u kan,

Lok 2nan 28:22

Ka masacɛ Akazi to o gwɛlɛya la, a tora ka dɔ fara a ka tilenbaliya kan Masaba ma.

Lok 2nan 6:28

«Ni kɔngɔ, walima fɔɲɔbana, walima sigɛn, walima sumancɛnbana, walima ni tɔɔnw donna jamana nin kɔnɔ, n'u juguw nana ko u b'u ka duguw dɔ lamini k'u kɛlɛ jamana kɔnɔ, a mana kɛ balawu sifa o sifa ye, ni bana sifa o sifa ye,

Ayuba 36:13

Mɔgɔjugu be dimi Ala kɔrɔ, ni Ala b'a ɲaa gwanna tuma min na, a t'a daali.

Zaburu 128:2

Ele bena i bololabaara tɔnɔ dumu. I bena dagamu, i ka koow bɛɛ bena yiriwa.

Zaburu 78:46

A y'a kɛ tɔɔn y'u ka suman ɲimi, u ka baara tɔnɔ tagara tɔɔn fɛ.

Ezayi 28:2

Setigi dɔ natɔ filɛ nin ye Matigi tɔgɔ la. A be i ko saan min be na ni sanbɛrɛ ye, cɛnnikɛfɔɲɔ lo. A be i ko sanjiba min be na kɔɔ fa ka yɛrɛkɛ. A ka fariya bena fɛɛn bɛɛ la duguma tɛtɛtɛ.

Ezayi 37:27

U kɔnɔ mɔgɔw barika banna, u hakili ɲagamina, u maloyara. U be i ko biin, kongo kɔnɔ, walima furaburukɛnɛ. U be i ko biin min be falen soo kunna, walima kongo kɔnɔ, min jara n'a ma sɔrɔ ka kisɛ don.

Ezayi 42:25

O la, a y'a ka dimi sin Isirayɛli jama ma kosɔbɛ ka kɛlɛ juguya. A ka dimi kɛra i ko tasuma, k'u lamini, nga u m'a faamu. A ka dimi y'u jɛni, u ma hakili sɔrɔ a la.

Ezayi 62:8

Masaba kalila ko: «Ne ka setigiya kosɔn, ne ten'a to aw juguw b'aw ka suman dumu tugu. Lonanw tena aw ka duvɛnkɛnɛ min tugu, aw sigɛnna minw baara la.

Ezayi 9:13

O la, Masaba ye Isirayɛli kuun tigɛ, k'a kuu tigɛ. A ye tamarosunw ani burukuw tigɛ loon kelen!

Yeremi 3:24

*Baali sɔnko ye an faaw ka baara tɔnɔ bɛɛ cɛn kabini an denmisɛnman, u ka begɛnw bɛɛ, ani u deen cɛman ni musomanw.

Yeremi 5:3

Masaba, e b'a fɛ i ɲaa ka la tiɲɛ le kan kɛ? E y'u tɔɔrɔ, nga o ma kɛ foyi ye u fɛ. E y'u halaki, nga u ma sɔn ladili ma. U y'u tulo gwɛlɛya i ko fara, u banna ka segi e ma.

Amɔsi 4:6

Masaba ko: «Ne le ye kɔngɔ don aw ka duguw bɛɛ la, ne le y'a kɛ dumuni dɛsɛra aw ka sigiyɔrɔw bɛɛ la. Nga aw ma sɔn ka kɔsegi ne ma.

Hagize 1:11

Ne y'a kɛ jaa nana dugukolo kan, kuluw ni sumanw jara, duvɛnkɛnɛ ni tulu ma sɔrɔ, ani foyi ma ɲa dugukolo kan, jaa y'aw adamadenw, ni begɛnw, n'aw ka bololabaaraw tɔɔrɔ.»

Hagize 1:6

Aw ye suman caaman dan, nga aw ye fitini dama tigɛ. Aw be dumuni kɛ, nga aw te fa. Aw be minni kɛ, k'a sɔrɔ aw nisɔn te diya. Aw be faniw don, nga nɛnɛ te bɔ aw la. Sara tabagaw ka sara kɛra i n'a fɔ u y'u don bɔɔrɔ jusɔgɔninw kɔnɔ.»

Hagize 1:9

Aw be fɛɛn caaman koo miiri, nga aw be fitini dama le sɔrɔ. Aw ye min sɔrɔ fana ka don n'a ye, ne y'o fiyɛ. O kuun ye mun ye? Ne Masaba, Setigi le ko ten. Bari ne ka soo kɛnin be bonkolon ye, k'a sɔrɔ aw kelen kelen bɛɛ cɛɛ sirinin b'aw taw la.

Hagize 2:16

fɔlɔfɔlɔ, suman bɔɔrɔ mugan tun ka kan ka bɔ foro min kɔnɔ, tan le be sɔrɔ o la. Duvɛnbara bi duuru tun ka kan ka bɔ *ɛrɛzɛn bisiyɔrɔ min na, bara mugan dama le be sɔrɔ yen.

Malaki 3:11

Ne bena suman cɛnfɛnw bali, u tena aw ka foro kɔnɔ sumanw cɛn tugu, *ɛrɛzɛnsun denbaliw tena sɔrɔ aw ka foro kɔnɔ tugu. Ne le ko ten.

Sariya 28:22

Masaba bena aw sɛgɛn ni sɔgɔsɔgɔgwɛ ni farigwan ani jolijugu ye. A bena fɔɲɔ gwanninman wili ka jaa don aw ka yɔrɔ la, sumanw bena ja, walima u bena toli. O koow bɛɛ bena aw sɔrɔ fɔɔ aw ka tunu.

Yirari 2:21

N y'a to fɔlɔ waasa a k'a sɔɔn yɛlɛma. Nga a do t'a fɛ k'a ka kakalaya dabila.