Hagize 2:14 - ALA KA KUMA

¹⁴ O tuma na, Aze y'a fɔ ko: «Jama nin be ten, siya nin be ten ne ɲana. Masaba le ko ten. U ye baara minw kɛ, olu be ten. U be fɛɛn minw dira ne ma sarakabɔyɔrɔ la, olu be ten!»

Jula NT of Côte d’Ivoire

¹⁴ Hagize ko o ma ko: «Nin mɔgɔw fana ta bɛ ten le, nin siya ta bɛ ten le ne ɲa kɔrɔ. Matigi Ala ko ten. O boro bɛ fɛn o fɛn kɛ, o bɛɛ bɛ ten le. O bɛ saraka o saraka di ne ma, o si saninyanin tɛ.»

Hagize 2:14 Iomraidhean Croise

Zanaw 15:8

Mɔgɔjugu ka saraka koo ka go Masaba ye. Nga a be mɛnni kɛ mɔgɔtilennin ka daalili la.

Zanaw 21:27

Mɔgɔjuguw ka saraka ye fɛnjugu ye, sankofɛrɛ n'u y'a bɔ ni miiriyajugu ye.

Zanaw 21:4

Yɛrɛboɲa ni yɛrɛfunu, o ye koo ye min be mɔgɔjugu ka juguya yira.

Zanaw 28:9

Mɔgɔ min te sɔn sariyakuma be don a tulo la, ale ka Aladali yɛrɛ ye fɛnjugu ye.

Ezayi 66:3

Mɔgɔ dɔw be misi saraka ka tila ka adamaden faga. U be saga saraka ka tila ka wulu kuun ci. U be suman saraka bɔ ka tila ka lɛɛ joli bɔn. U be wusulan jɛni ne ye ka tila ka joo sɔn. Mɔgɔ nunu y'a latigɛ k'u b'u yɛrɛ sago kɛ, u be nisɔndiya kojugu nunu la.

Oze ta kitabu 9:4

U tena Masaba sɔn ni duvɛn ye tugu. U ka sarakaw tena diy'a ye. O bena kɛ u bolo i ko sangadumuni, ni minw bɛɛ y'o dumu, olu bɛɛ be nɔgɔ Ala ɲakɔrɔ. O dumuni nin le bena kɛ u ta ye, o tena don Masaba ka soo.

Tite 1:15

Mɔgɔ minw saniyanin be Ala ɲakɔrɔ, fɛɛn bɛɛ saniyanin lo olu fɛ, nga mɔgɔ minw banna Ala la n'u saniyanin tɛ, olu fɛ, fɛɛn bɛɛ saniyanin tɛ, bari u ka miiri n'u dusu bɛɛ finnin lo.

Zude 1:23

k'u kisi ka bɔ tasuma na, ka makari tɔɔ nunu na fana, nga o ka kɛ ni siranya ye. U ka kɛwalijuguw koo ka goya aw ye i n'a fɔ u ka faniw minw nɔgɔra u ka kɛwalijuguw fɛ.