Hagize 1:9 - ALA KA KUMA

⁹ Aw be fɛɛn caaman koo miiri, nga aw be fitini dama le sɔrɔ. Aw ye min sɔrɔ fana ka don n'a ye, ne y'o fiyɛ. O kuun ye mun ye? Ne Masaba, Setigi le ko ten. Bari ne ka soo kɛnin be bonkolon ye, k'a sɔrɔ aw kelen kelen bɛɛ cɛɛ sirinin b'aw taw la.

Jula NT of Côte d’Ivoire

⁹ «Aw jigi tun bɛ siman caman kan, nka aw nana fitini dɔrɔn le sɔrɔ. Aw nana ni o fitini min ye so kɔnɔ fana, ne ka o fiyɛ ka bɔ yi. Mun na? Ne ka o kɛ sabu ne ta batoso benna, k’a sɔrɔ aw bɛɛ bɛ teliyara ka taga don aw yɛrɛ ta bonw kɔnɔ. Fangatigi Ala ko ten.

Hagize 1:9 Iomraidhean Croise

Sam 2nan 21:1

Dawuda ka tile la, kɔngɔ donna fɔɔ ka se saan saba. Dawuda ye Masaba daali, Masaba y'a fɔ a ye k'o ye Sayuli n'a ka somɔgɔw nɔɔ ye, mɔgɔfagala nunu. Bari a tun ye Gabaŋɔnkaw halaki.

Sam 2nan 22:16

Masaba ka bagabagali n'a ka dimi kosɔn, kɔgɔji jara fɔɔ a dingɛ daan bɛɛ yera, diɲɛ juu sigiyɔrɔ bilara kɛnɛ kan.

Mas 2nan 19:7

Ko ale bena miiriya dɔ don a kɔnɔ, n'a ye kibaruya dɔ mɛn, a bena kɔsegi a yɛrɛ ka jamana na. Ko ale ben'a to u b'a faga yen ni murujan ye.»

Ayuba 10:2

Ne ben'a fɔ Ala ye ko a kana ne jalaki, ko a ka ne filiyɔrɔ yira n na dɔrɔn.

Zanaw 11:24

Mɔgɔ min tigɛ foninin lo, o tigi ka nafolo be buguya ka taga. Dɔ b'a tigɛ gwɛlɛya, a tigi ka sɔrɔ be nagasi ka taga.

Zanaw 27:20

Lahara ye fabali ye cogo min na, adamaden ye wasabali ye ten fana.

Waajurikɛbaga 1:8

Koo bɛɛ ye sigɛn ye, mɔgɔ te se ka min ɲafɔ. Ɲadenw te fa filɛli la, tulo te fa mɛnni na.

Ezayi 40:7

Masaba man'a dafɔɲɔ kɛ k'u fiyɛ tuma min na, biin be ja, feerenw be fɔnsɔnfɔnsɔn. Tiɲɛ na, adamadenw be i ko biin.

Ezayi 5:10

*Ɛrɛzɛnforo ɛkitari saba bena duvɛn daga kelen dɔrɔn le fa! Sumansi sinsin ɲaa tan dannin foro kɔnɔ, o tigɛnin bena kɛ sinsin ɲaa kelen ye.»

Yeremi 12:13

U bena suman seri, nga u bena biin le kan. U bena sɛgɛn gwansan. U ka suman sɔrɔnin bena maloya bila u la, ne Masaba dimikojugu kosɔn.»

Ezekiyɛli 21:31

Ne Matigi, Masaba ko aw ka fani melekenin foni ka bɔ a kuun na, aw ye masafugulan bɔ a kuun na. Yɛlɛmani bena don: Mɔgɔ min majiginin lo, o bena boɲa sɔrɔ, min ye boɲa sɔrɔ, o bena majigi.

Sarakalasebagaw 19:25

Saan duurunan, aw k'o yiri nunu deenw dumu. O la, u bena to ka den kosɔbɛ aw fɛ. Ne le ye Masaba aw ka Ala ye.

Hagize 1:4

«Aw ka kan ka la bonɲumanw kɔnɔ nin waati la k'a sɔrɔ ne ka boon cinin lo wa?»

Hagize 1:6

Aw ye suman caaman dan, nga aw ye fitini dama tigɛ. Aw be dumuni kɛ, nga aw te fa. Aw be minni kɛ, k'a sɔrɔ aw nisɔn te diya. Aw be faniw don, nga nɛnɛ te bɔ aw la. Sara tabagaw ka sara kɛra i n'a fɔ u y'u don bɔɔrɔ jusɔgɔninw kɔnɔ.»

Malaki 2:2

N'aw ma mɛnni kɛ, ka boɲa la n tɔgɔ kan ni sɔbɛ ye, n bena aw danga, aw ka duba tena minɛ. Ne Masaba, Setigi le ko ten. Tiɲɛ na, ne bena aw danga, bari aw si te koo ta sɔbɛ la.

Sariya 28:38

«Aw bena suman caaman dan aw ka foro la, nga aw bena suman fitini le tigɛ, bari tɔɔnw ben'a cɛn.

Yirari 2:4

O n'a ta bɛɛ, ne b'aw jalaki. Bari aw tun be ne kanu cogo min na fɔlɔ la, aw te ne kanu ten tugu.

Yirari 3:19

Minw koo ka di ne ye, ne be olu ladi k'u kolo. Ayiwa, aw ye jija, ka nimisa ka faran aw ka kojugu la.