Hagize 1:8 - ALA KA KUMA

⁸ Aw ye yɛlɛ kuluw kan ka lɔgɔw tigɛ ka na n ka soo lɔ. O la, n nisɔn bena diya ka boɲa sɔrɔ. Ne Masaba le ko ten.

Jula NT of Côte d’Ivoire

⁸ Aw ye yɛlɛn kongoriw kunna, ka taga yiriw tigɛ ka na ni o ye, ka na Ala ta so lɔ; ni o kɛra, o bɛna diya ne Ala ye, o fana bɛna bonya la ne kan. Matigi Ala ko ten.

Hagize 1:8 Iomraidhean Croise

Mas fɔlɔ 6:1

Isirayɛlidenw bɔra Ezipiti jamana na, u saan kɛmɛ naani ni bi seeginan na, Solomani ye Masaba ka soo lɔli daminɛ, saan kalo filanan na, min ye *Ziwu kalo ye. O kɛr'a ka masaya saan naaninan na Isirayɛlidenw kunna.

Mas fɔlɔ 9:3

Masaba y'a fɔ a ye ko: «I ye daalili min kɛ, ne y'o mɛn. I ye soo min lɔ, ne y'o kɛ n ta ye janko ne ka to a kɔnɔ tuma bɛɛ. Ne bena n hakili to a la tuma bɛɛ k'a koo to n kɔnɔ.

Lok fɔlɔ 22:19

Sisan, aw ka jija ka Masaba aw ka Ala ɲini tigitigi. Aw ka wili ka Masaba Ala ka sigiyɔrɔ lɔ, k'a ka layidu taamasiɲɛ kɛsu ta ka n'a bila o yɔrɔ la, ani minan minw ye a ta ye. Aw ka na n'u ye a ka soo kɔnɔ.»

Lok 2nan 7:16

Ne ye soo nin woloma sisan k'a kɛ n yɛrɛ ta ye janko ka sigi yen kudayi. Ne ɲaa bena to a kan, a koo bena to ne dusu la tuma bɛɛ.

Ɛsidarasi 3:7

U ye wari di kabakurulɛsɛbagaw ni yirilɛsɛbagaw ma, ka dumuni ni minnifɛn ani tulu di Sidɔnkaw ni Tirikaw ma janko olu ka sɛdiriyiriw ta Liban k'o don kurun kɔnɔ ka na n'o ye fɔɔ Zafa, ka kɛɲɛ ni Pɛrɛsi masacɛ Sirusi ka fɔta ye.

Ɛsidarasi 6:4

A ka lɔ ni kabakuru lɛsɛninw ye, sira saba, ni lɔgɔ sira kelen. Masacɛ le bena lɔ n'o musaka ye.

Bɔri 29:43

Ne bena Isirayɛlidenw fana kunbɛn o yɔrɔ la le, o yɔrɔ bena kɛ ne ta ye ne ka nɔɔrɔ barika la.

Ezayi 60:13

Liban ka nɔɔrɔ bena kɛ aw ta ye. U bena Liban yiriɲuman sɔngɔgwɛlɛnw ta ka ne ka sigiyɔrɔ masiri n'o ye. Ne bena boɲa la n sigiyɔrɔ kan.

Ezayi 60:7

Kedariw ka begɛnw bɛɛ bena ɲɔgɔn lajɛn i fɛ, Nebayɔtikaw ka sagajigiw be kɛ i ka bila la. U bena o kɛ saraka ye a ka sarakabɔyɔrɔ kan, o bena diya a ye fana. A bena boɲa la a ka soo kan.

Ezayi 66:11

O la, aw ben'a siin min fɔɔ ka fa, siin min be mɔgɔ dusu saalo. Aw ben'a sinɲuman diya lɔn kosɔbɛ.

Hagize 1:7

Ayiwa, Masaba, Setigi ko: «Aw ye min kɛ, aw ye miiri o la kosɔbɛ.

Hagize 2:7

Ne bena siyaw bɛɛ ɲagami, u ka nafolow bena yɛlɛma ka na yan. Ne bena nɔɔrɔ la soo nin kan. Ne Masaba, Setigi le ko ten.

Hagize 2:9

Ne ka soo nin bena nɔɔrɔ min sɔrɔ sisan, o bena tɛmɛ fɔlɔta kan. Ne Masaba, Setigi le ko ten. Ne bena hɛrɛ kɛ yan yɔrɔ la.»