Hagize 1:6 - ALA KA KUMA

⁶ Aw ye suman caaman dan, nga aw ye fitini dama tigɛ. Aw be dumuni kɛ, nga aw te fa. Aw be minni kɛ, k'a sɔrɔ aw nisɔn te diya. Aw be faniw don, nga nɛnɛ te bɔ aw la. Sara tabagaw ka sara kɛra i n'a fɔ u y'u don bɔɔrɔ jusɔgɔninw kɔnɔ.»

Jula NT of Côte d’Ivoire

⁶ Aw bɛ siman caman dan, nka aw bɛ fitini le sɔrɔ. Aw bɛ domuni kɛ, nka aw tɛ fa. Aw bɛ minni kɛ, nka aw tɛ fa. Aw bɛ fani don aw yɛrɛ ra, nka o tɛ nɛnɛ bɔ aw ra. Minw bɛ baara kɛ ka sara sɔrɔ, o sara bɛ kɛ i n’a fɔ a blara bɔrɔ sɔgɔnin le kɔnɔ.»

Hagize 1:6 Iomraidhean Croise

Sam 2nan 21:1

Dawuda ka tile la, kɔngɔ donna fɔɔ ka se saan saba. Dawuda ye Masaba daali, Masaba y'a fɔ a ye k'o ye Sayuli n'a ka somɔgɔw nɔɔ ye, mɔgɔfagala nunu. Bari a tun ye Gabaŋɔnkaw halaki.

Mas fɔlɔ 17:12

Muso nin y'a jaabi ko: «Masaba e ka Ala ɲaa be ne la. Dumunifɛn si te ne fɛ fɔɔ tigɛ ɲaa kelen mugu dɔrɔn, o be fiyɛ kɔnɔ, ani tulu dɔɔni be tuludaga kɔnɔ. Ne be lɔgɔ deen fila le ɲini ka taga o tobi, ne ni n deen b'o dumu, ka sɔrɔ ka sa.»

Nehemi 5:2

Dɔw tun b'a fɔra k'olu ka ca u ka denbaya kɔnɔ, k'u ka dumuni di olu ma janko u ka se ka balo.

Ayuba 20:22

K'a to nafolotigiya la, dusukasi bena se a ma, bɔnɛ sifa bɛɛ ben'a sɔrɔ.

Ayuba 20:28

A ka sokɔnɔfɛnw bena woyo ka taga i ko jii, Ala ka dimi loon na.

Zaburu 107:34

A be dugukoloɲuman yɛlɛma k'a kɛ nafatan ye o yɔrɔ mɔgɔw ka juguya kosɔn.

Zanaw 11:24

Mɔgɔ min tigɛ foninin lo, o tigi ka nafolo be buguya ka taga. Dɔ b'a tigɛ gwɛlɛya, a tigi ka sɔrɔ be nagasi ka taga.

Ezayi 5:10

*Ɛrɛzɛnforo ɛkitari saba bena duvɛn daga kelen dɔrɔn le fa! Sumansi sinsin ɲaa tan dannin foro kɔnɔ, o tigɛnin bena kɛ sinsin ɲaa kelen ye.»

Yeremi 12:13

U bena suman seri, nga u bena biin le kan. U bena sɛgɛn gwansan. U ka suman sɔrɔnin bena maloya bila u la, ne Masaba dimikojugu kosɔn.»

Yeremi 14:4

Dugukolo pɛrɛnpɛrɛnnin lo bari sanji te na tugu jamana kɔnɔ. Sɛnɛkɛlaw y'u kuun surun maloya bolo.

Yeremi 44:18

Kabini an y'a sɔnko dabila, ani ka jii bɔnko dabila, fɛɛn bɛɛ be dɛsɛ an fɛ, murujan ni kɔngɔ b'a la k'an faga!»

Oze ta kitabu 4:10

U bena dumuni kɛ, nga u tena fa, u bena kakalaya kɛ, nga u tena deenw sɔrɔ. Bari u ye ne Masaba to yen, ka kɛ kakalaw ye.

Oze ta kitabu 8:7

U ye baarafu kɛ, u fana bena fufafu le sɔrɔ. An b'a lɔn ko ni suman ma kuun sɔrɔ, kisɛ fana te sɔrɔ. Min mana sɔrɔ, lonanw le bena taga n'o ye.

Sarakalasebagaw 26:20

Aw bena sɛgɛn fu, bari aw ka sɛnɛfɛnw tena ɲa, jamana yiriw tena den.

Sarakalasebagaw 26:26

Ni ne ye aw ka dumuni sɔrɔko gwɛlɛya tuma min na, muso tan bena se k'aw ka buru jɛni dibi kelen kɔnɔ. U bena dɔɔni min d'aw kelen kelen ma, o bena dɔgɔya fɔɔ aw bena dumuni min kɛ, o tena aw ka kɔngɔ nɔgɔya.

Hagize 1:10

O kama lo, n y'a to sankolo banna ka jii di, suman fana ma ɲa dugukolo kan.

Hagize 1:5

Ayiwa, sisan Masaba, Setigi ko: «Aw ye min kɛ, aw ye miiri o la kosɔbɛ.

Hagize 1:7

Ayiwa, Masaba, Setigi ko: «Aw ye min kɛ, aw ye miiri o la kosɔbɛ.

Hagize 1:9

Aw be fɛɛn caaman koo miiri, nga aw be fitini dama le sɔrɔ. Aw ye min sɔrɔ fana ka don n'a ye, ne y'o fiyɛ. O kuun ye mun ye? Ne Masaba, Setigi le ko ten. Bari ne ka soo kɛnin be bonkolon ye, k'a sɔrɔ aw kelen kelen bɛɛ cɛɛ sirinin b'aw taw la.

Hagize 2:16

fɔlɔfɔlɔ, suman bɔɔrɔ mugan tun ka kan ka bɔ foro min kɔnɔ, tan le be sɔrɔ o la. Duvɛnbara bi duuru tun ka kan ka bɔ *ɛrɛzɛn bisiyɔrɔ min na, bara mugan dama le be sɔrɔ yen.

Hagize 2:17

Ne y'aw ka sɛnɛfɛnw bɛɛ cɛn ni sigɛn ni finfin ye, ani sanbɛrɛ. Nga aw ma sɔn ka kɔsegi ne ma. Ne Masaba le ko ten.

Jakariya 5:4

Masaba, Setigi ko ale ye danga nin ci, waasa a ka don soonw fɛ, ani mɔgɔ minw be kali ne tɔgɔ la ka galon tigɛ. Ko a bena to u ka soo, k'a bɛɛ halaki, hali a kabakuruw n'a lɔgɔw bɛɛ.

Jakariya 8:10

Sanni o waati ka se, sara tun te mɔgɔ ka baara la, tɔnɔ tun te begɛnw na. Taamabaga tun te sutura la, juguw kosɔn. Bari, ne tun ye mɔgɔw bɛɛ bila ɲɔgɔnw na.

Malaki 2:2

N'aw ma mɛnni kɛ, ka boɲa la n tɔgɔ kan ni sɔbɛ ye, n bena aw danga, aw ka duba tena minɛ. Ne Masaba, Setigi le ko ten. Tiɲɛ na, ne bena aw danga, bari aw si te koo ta sɔbɛ la.

Sariya 28:17

Aw bena danga sɔrɔ, suman tena sɔrɔ aw ka sinsinw n'aw ka soo kɔnɔ bondow kɔnɔ.