Hagize 1:13 - ALA KA KUMA

¹³ O kɔ, Masaba ka ciden Aze ye Masaba ka kuma fɔ u ye ko: «Ne be n'aw ye.» Masaba le ko ten.

Jula NT of Côte d’Ivoire

¹³ O ra, Hagize min tun ye Matigi Ala ta ciraden ye, ale ka nin kumaw fɔ o ye, Matigi Ala tɔgɔ ra, ko: «Ne bɛ ni aw ye! Matigi Ala ko ten.»

Hagize 1:13 Iomraidhean Croise

Lok fɔlɔ 28:20

Dawuda y'a fɔ a ka deen Solomani ye ko: «Jija ka baara kɛ ni jagwɛlɛya ye. Kana siran, i jaa kana tigɛ, bari ne ka Ala, Masa Ala be n'i ye. A tena i bila, a tena ban i la, fɔɔ ka taga se Masaba ka soo nin lɔko banni ma.

Lok 2nan 15:2

A bɔra ka taga Aza kunbɛn k'a fɔ a ye ko: «Aza, e ni Zuda kɔmɔgɔw, ani Bɛnzamɛn taw bɛɛ, aw ka mɛnni kɛ ne fɛ. N'aw tora Masaba fɛ, a be to n'aw ye. N'aw y'a ɲini, aw ben'a ye. Nga ni aw bann'a la, a bena ban aw la fana.

Lok 2nan 20:17

Aw tena kɛlɛ kɛ. Aw ka taga aw yɛrɛ yira dama, Masaba bena min kɛ k'aw kunmabɔ, aw ka lɔ k'o filɛ. Zeruzalɛmukaw, ni Zuda mara mɔgɔw, aw kana siran, aw jaa kana tigɛ. Sini, aw ka bɔ k'u kunbɛn, Masaba bena to aw fɛ.»

Lok 2nan 32:8

Adamadenw le be n'ale ye, nga Masaba an ka Ala le be ni anw ye, ale lo bena an dɛmɛ, ani ka barika don an na an ka kɛlɛw la.» Zuda mara masacɛ Ezekiyasi ka kuma ye jama jaa gwɛlɛya.

Zaburu 46:11

Aw y'a dabila. Aw k'a lɔn ko ne le ye Ala ye. N be siyaw mara, n be dugukolo mara.

Zaburu 46:7

Siyaw be kulera, jamanaw be cira. Ala pɛrɛnna, dugukolo yelenna.

Ezayi 41:10

Aw kana siran, bari, ne be ni aw ye, aw hakili kana ɲagami, bari, ne le ye aw ka Ala ye. Ne be barika don aw la, ne b'aw dɛmɛ. Ne b'aw tanga ka see d'aw ma ni ne ka sebagaya ye.

Ezayi 42:19

Jɔn le ɲaa fiɲɛnnin lo ni ne ka baarakɛla tɛ? Jɔn tulo gwerennin lo i ko ne ka ciden ta? Jɔn le ɲaa fiɲɛnnin lo i ko ne ka ciden? Jɔn le ye tulogweren ye i ko ne Masaba ka baarakɛla?»

Ezayi 43:2

Hali n'aw be tɛmɛna jii kɔnɔ, ne bena kɛ n'aw ye. Hali n'aw be baji tigɛ, a tena aw kunu. Hali n'aw be tagamana tasuma cɛma, a tena aw jɛni. K'aw to tasuma cɛma, a tena foyi kɛ aw la.

Ezayi 44:26

Ne ka baarakɛla be kuma min fɔ, ne ka cidenw be koo min fɔ, n ben'a to o be kɛ. Ne b'a fɔ ko mɔgɔw bena sigi Zeruzalɛmu tugu, ko Zuda mara duguw ka lɔ kura ye, ne bena tomow wili.

Yeremi 15:20

Ne bena i kɛ nigɛkogo cibali ye mɔgɔ nunu ɲa. U bena i kɛlɛ, nga u tena se i kɔrɔ. Bari ne be n'i ye, waasa k'i kisi. Ne Masaba le ko ten.

Yeremi 20:11

Nga Masaba be ni ne ye i ko kɛlɛmasaŋana! Ne tɔɔrɔbagaw bena talon, u te na see sɔrɔ. U bena dɛsɛ, o maloya bena to u kunna fɔɔ tuma bɛɛ, mɔgɔw tena ɲinɛ a kɔ ka ye.

Yeremi 30:11

Bari ne be n'aw ye waasa k'aw kisi. Ne Masaba le ko ten. Ne tun y'aw jɛnsɛn ka taga siya minw bɛɛ cɛma, ne bena olu bɛɛ halaki pewu, nga n tena aw halaki pewu. N bena aw ɲaa gwan ni tilenninya ye. N te se k'aw to gwansan.»

Ezekiyɛli 3:17

«Adamaden, ne b'i sigi ka kɛ Isirayɛlidenw kɔlɔsibaga ye. N'i ye kuma min mɛn n daa la, e b'u lasɔmi o la.

Hagize 2:4

Nga sisan, i jaa gwɛlɛya Zorobabɛli. Ne Masaba le ko ten. Yewosadaki dencɛ Zozuwe, sarakalasebagaw kuntigi, i jaa gwɛlɛya. Jamanadenw, aw bɛɛ k'aw jaa gwɛlɛya. Ne Masaba le ko ten. Aw ka baara kɛ. Bari ne be n'aw ye. Ne Masaba, Setigi le ko ten.

Malaki 2:7

Bari, lɔnniyakuma be sarakalasebagaw le daa la. Mɔgɔw be ne koow lɔnniya ɲini ale lo fɛ, sabu ne Masaba, Setigi ka ciden lo.

Malaki 3:1

Ayiwa, Masaba, Setigi ko: «N bena n ka ciden ci, a ka sira labɛn n ɲa. Aw be Matigi min yɔrɔ ɲinina, ale bena bari ka don a batoso kɔnɔ. Ciden min bena jɛnɲɔgɔnya koo fɔ, aw be min fɛ, o natɔ filɛ!»

Matiyu 1:23

«Sunguru kɛnɛkɛnɛ dɔ bena kɔnɔ ta ka dencɛ wolo. O deen nin tɔgɔ bena la ko Emanuwɛli, o kɔrɔ ko Ala b'an cɛma.»

Matiyu 18:20

Bari ni mɔgɔ fila walima mɔgɔ saba mana ɲɔgɔn lajɛn yɔrɔ o yɔrɔ ne tɔgɔ la, ne b'u cɛma.»

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Rɔmukaw 8:31

An be mun fɔ tugu? Ni Ala b'an fɛ, jɔn be wili an kama tugu?

Kor 2nan 5:20

An kɛra Krista ka lasigidenw ye aw cɛma, a kɛra i n'a fɔ Ala yɛrɛ le b'aw wele an barika la. An b'aw daali Krista tɔgɔ kosɔn, ko aw ka sɔn ka bɛn ni Ala ye.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.

Tim 2nan 4:22

Matigi ka to i fɛ, Ala ka nɛɛma kɛ aw bɛɛ ye.

Kititigɛbagaw 2:1

Masaba ka mɛlɛkɛ bɔra Giligali ka na Bokimu, k'a fɔ ko: «Ne y'aw bɔ Ezipiti jamana na. Ne tun ye jamana min layidu ta aw faaw ye ko n ben'a di u ma, ne nana n'aw ye o kɔnɔ. Ne tun y'a fɔ ko ne tena n ka bɛɛn cɛn ni aw ye tugu.