Ɛsidarasi 7:8 - ALA KA KUMA

⁸ Ɛsidirasi sera Zeruzalɛmu masacɛ nin ka masaya saan wolonwulanan kalo duurunan na.

Jula NT of Côte d’Ivoire

⁸ Ɛsidarasi sera Zeruzalɛmu masacɛ Aritasɛrisɛsi ta masaya san wolonflanan na, o san karo loorunan na.

Ɛsidarasi 7:8 Iomraidhean Croise

Ɛsidarasi 10:9

Zuda kɔmɔgɔw ni Bɛnzamɛn kɔmɔgɔ cɛmanw bɛɛ nana Zeruzalɛmu o tile saba nin kɔnɔ. O tun bɛnna saan kalo kɔnɔntɔnnan tile mugannan loon ma. Jama bɛɛ tun be Ala ka soo ɲafɛ. U tun be yɛrɛyɛrɛla koo nin siranya kosɔn ani sanji fana kosɔn, min tun be benna.

Ɛsidarasi 7:7

Isirayɛliden dɔw, sarakalasebagaw, ni Levi kɔmɔgɔ tɔw, ani dɔnkililabagaw ni daa kɔlɔsibagaw, ani Ala ka soo kɔnɔ baarakɛla dɔw fana tagara Zeruzalɛmu, masacɛ Aritasɛrisɛsi ka masaya saan wolonwulanan na.

Ɛsidarasi 7:9

A tun y'a latigɛ k'u bena bɔ Babilɔni saan kalo fɔlɔ tile fɔlɔ loon na. A fana tagara se Zeruzalɛmu saan kalo duurunan tile fɔlɔ, bari a ka Ala tun be n'a ye kosɔbɛ.

Ɛsidarasi 8:32

An sera Zeruzalɛmu ka lafiɲɛ tile saba.

Ɛsidarasi 9:9

An kɛra jɔɔnw ye, nga an ka Ala tora n'an ye o jɔnya la. A y'an koo diya Pɛrɛsi masacɛw ye, janko an ka se k'an yɛrɛ sɔrɔ, k'an ka Ala ka soo lɔ, k'a lalaga, ani ka se ka sigiyɔrɔ ɲanaman sɔrɔ Zeruzalɛmu, ani Zuda mara la.

Ɛsitɛri 2:16

Masacɛ Sɛrisɛsi ka masaya saan wolonwulanan kalo tannan na, min ye *Tebɛti kalo ye, u tagara ni Ɛsitɛri ye o loon masacɛ fɛ.

Daniyɛli 9:25

Ayiwa, i k'a lɔn k'a faamu ko kabini a fɔra k'u ka Zeruzalɛmu dugu lalaga k'a lɔ, fɔɔ ka na se Ɲamɔgɔba ka waati la, min wolomana, saan wolonwula sigiyɔrɔman wolonwula le bena tɛmɛ. Forobayɔrɔw, ni dingɛw bena lalaga saan bi wɔɔrɔ ni fila sigiyɔrɔman wolonwula kɔnɔ. Nga o bena kɛ gwɛlɛya waati ye.