Ɛsidarasi 4:3 - ALA KA KUMA

³ Nga Zorobabɛli ni Zozuwe ni Isirayɛlidenw ka gwatigi tɔw y'a fɔ u ye ko: «Aw tena fara an kan ka kori ka soo lɔ an ka Ala ye. An le ka kan k'a lɔ Masaba, Isirayɛli ka Ala ye an yɛrɛ ma, ka kɛɲɛ ni Pɛrɛsi masacɛ Sirusi ka kuma ye an fɛ.»

Jula NT of Côte d’Ivoire

³ Zorobabɛli ni Yosuwe ni Izirayɛli ta gbatigi tɔw ka o jaabi ko: «Aw ni anw tɛ se ka jɛn ka batoso lɔ an ta Ala ye. Anw dama le bɛna so lɔ Matigi Ala, Izirayɛli ta Ala ye, i n’a fɔ Pɛrɛsi jamana masacɛ Sirusi k’a fɔ an ye cogo min na.»

Ɛsidarasi 4:3 Iomraidhean Croise

Lok 2nan 36:22

Kira Zeremi tun ye kuma min fɔ Masaba barika la, janko o koow ka kɛ, Masaba ye hakili di Pɛrɛsi masacɛ Sirusi ma, a ka masaya saan fɔlɔ la ko a ka nin kuma nin fɔ ani k'a kɛ sɛbɛ ye k'a ci a ka mara bɛɛ la ko:

Ɛsidarasi 1:1

Kira Zeremi tun ye kuma min fɔ Masaba barika la, janko o koow ka kɛ, Masaba ye hakili di Pɛrɛsi masacɛ Sirusi ma, a ka masaya saan fɔlɔ la ko a ka kuma nin fɔ ani k'a kɛ sɛbɛ ye k'a ci a ka mara bɛɛ la ko:

Ɛsidarasi 1:2

«Pɛrɛsi masacɛ Sirusi le ye kuma nin fɔ ko: ‹Masaba, Sankolotigi Ala ye ne kɛ masa ye jamana bɛɛ kunna, ale yɛrɛ fana le y'a ɲini ne fɛ ko n ka ta'a batoso lɔ Zeruzalɛmu, Zuda mara la.

Ɛsidarasi 1:3

Aw jamanadenw cɛma, mɔgɔ o mɔgɔ y'a ka mɔgɔ ye, aw ka taga Zeruzalɛmu, Zuda mara la ka Masaba, Isirayɛli ka Ala ka soo lɔ, ale Ala min be Zeruzalɛmu. Aw ka Ala ka to n'aw ye.

Ɛsidarasi 3:8

U senin Zeruzalɛmu, Ala ka soo, o saan filanan kalo filanan na, Salatiyɛli dencɛ Zorobabɛli ni Yozadaki dencɛ Zozuwe, n'u tɔɲɔgɔn sarakalasebaga tɔw ani Levi kɔmɔgɔ tɔw, ni mɔgɔ minw bɛɛ kɔsegira ka na Zeruzalɛmu ka bɔ jɔnya la, u ye baara daminɛ, k'a fɔ Levi kɔmɔgɔw ye minw sii sera saan mugan ma ani ka tɛmɛ o kan, ko u ka sigi Masaba ka soo lɔbaara kunna.

Nehemi 2:20

Ne y'u jaabi ko: «Sankolotigi Ala le bena an dɛmɛ an ka baara be ɲa. An minw y'a ka baarakɛlaw ye, an bena wili ka baara nin kɛ. Aw kɔni, niyɔrɔ si t'aw fɛ yan. Aw fana tena kuntigiya sɔrɔ yan. Aw koo fana kana fɔ Zeruzalɛmu.»

Ezayi 44:28

Ne b'a fɔ Sirusi koo la, ko: ‹N ka jama kɔlɔsibaga lo.› A bena ne diyanako bɛɛ kɛ. Ale ben'a fɔ ko Zeruzalɛmu ni ne batoso ka lɔ kura ye.»

Ezayi 45:4

Ne ka baarakɛlaw Isirayɛlidenw kama, ne ka jama wolomanin nin kama, ne y'i wele k'i kɛ mɔgɔbaba ye k'a sɔrɔ i te ne lɔn.

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Yuhana 4:9

Muso nin y'a jaabi ko: «Uun! E min ye zuwifu ye, i be sɔn ka jii daali ne Samarika fɛ wa?» Tiɲɛ na, bɛɛn tun te Samarikaw ni zuwifuw cɛ.

Kɛwalew 8:21

Ayiwa, niyɔrɔ t'i fɛ koo nin na, lɔyɔrɔ tena d'i ma, bari i kɔnɔ gwɛnin te Ala ɲakɔrɔ.