Ɛsidarasi 4:1 - ALA KA KUMA

¹ Zuda kɔmɔgɔw, ni Bɛnzamɛn kɔmɔgɔw juguw y'a mɛn tuma min na ko mɔgɔ minw bɔra jɔnya la ka na, k'u be batoso lɔra Masaba, Isirayɛli ka Ala ye,

Jula NT of Côte d’Ivoire

¹ Ayiwa, minw ye Zuda ta mɔgɔw, ani Boniyaminu ta mɔgɔw ta juguw ye, olugu nana a mɛn ko mɔgɔ minanin minw sekɔra ka na, ko olugu bɛ batoso dɔ lɔra Matigi Ala ye, Izirayɛli ta Ala.

Ɛsidarasi 4:1 Iomraidhean Croise

Ɛsidarasi 1:11

Sanuminan ni warigwɛ ta bɛɛ tun bɛnna waa duuru ni kɛmɛ naani (5 400) ma. Sɛsibasari y'u bɛɛ ta Babilɔni ka taga n'u ye Zeruzalɛmu u bɔtuma na jɔnya la ka taga.

Ɛsidarasi 10:16

Koo min fɔra, mɔgɔ minw bɔra jɔnya la ka na, olu sɔnna k'o lo kɛ. U ye sarakalasebaga Ɛsidirasi woloma, ani gwatigiw, ka kɛɲɛ n'u ka fadenya ye. U tun ye u kelen kelen bɛɛ wele u tɔgɔw ma, olu sigira janko u k'o koo ɲanabɔ saan kalo tannan tile fɔlɔ loon.

Ɛsidarasi 10:7

U ye cii fɔ Zeruzalɛmu dugu kɔnɔ ani Zuda mara kɔnɔ ko mɔgɔ minw bɔra jɔnya la ka na, k'olu bɛɛ ka ɲɔgɔn sɔrɔ Zeruzalɛmu.

Ɛsidarasi 3:13

fɔɔ mɔgɔw tun te se ka mankan nin bɔ ɲɔgɔn na u cɛma, nisɔndiya ta ani kasi ta, bari jama tun be mankanba le kɛra, fɔɔ k'i to yɔrɔjan i b'a mɛn.

Ɛsidarasi 6:16

Sarakalasebagaw ni Levi kɔmɔgɔ tɔw ni mɔgɔkɔrɔba minw bɔra jɔnya la ka na, Isirayɛlidenw nunu ye Ala ka soo nin kalifa a ma ni nisɔndiya ye.

Ɛsidarasi 7:9

A tun y'a latigɛ k'u bena bɔ Babilɔni saan kalo fɔlɔ tile fɔlɔ loon na. A fana tagara se Zeruzalɛmu saan kalo duurunan tile fɔlɔ, bari a ka Ala tun be n'a ye kosɔbɛ.

Daniyɛli 5:13

U nana ni Daniyɛli ye masacɛ fɛ. Masacɛ y'a ɲininga ko: «N facɛ ka masaya tile la, a bɔra ni mɔgɔ minw ye Zuda mara la ka na n'u ye yan, Daniyɛli tɔgɔla min tun b'u cɛma, o ye e le ye sɔbɛ la wa?

Daniyɛli 9:25

Ayiwa, i k'a lɔn k'a faamu ko kabini a fɔra k'u ka Zeruzalɛmu dugu lalaga k'a lɔ, fɔɔ ka na se Ɲamɔgɔba ka waati la, min wolomana, saan wolonwula sigiyɔrɔman wolonwula le bena tɛmɛ. Forobayɔrɔw, ni dingɛw bena lalaga saan bi wɔɔrɔ ni fila sigiyɔrɔman wolonwula kɔnɔ. Nga o bena kɛ gwɛlɛya waati ye.

Kor fɔlɔ 16:9

bari n y'a ye ko n be se ka baara caaman kɛ, n juguw fana ka ca.