Ɛsidarasi 3:9 - ALA KA KUMA

⁹ Zozuwe n'a dencɛw ni a badenw, Kadimiyɛli n'a dencɛw, ni Zuda kɔmɔgɔw, ni Enadadi dencɛw, olu n'u dencɛw, ani u badenw, u bɛɛ jɛnna ka Ala ka soo lɔko kɔlɔsi. U bɛɛ tun ye Levi kɔmɔgɔw ye.

Jula NT of Côte d’Ivoire

⁹ Yosuwe ni a dencɛw ni a balemacɛw, ani Kadimiyɛli ni a dencɛw, minw ye Zuda ta mɔgɔ dɔw ye, olugu bɛɛ farara ɲɔgɔn kan, ka kɛ Ala ta batoso lɔbagaw ta baara kɔrɔsi ye. Henadadi ta mɔgɔw ni o dencɛw ni o balemacɛw, minw ye Levi ta mɔgɔw ye, olugu fana tun bɛ ni o ye.

Ɛsidarasi 3:9 Iomraidhean Croise

Lok fɔlɔ 23:4

Dawuda k'olu cɛma mɔgɔ waa mugan ni naani (24 000) ka bila Masaba ka soo kɔnɔ baara kɔlɔsili kama, ko mɔgɔ waa wɔɔrɔ (6 000) ka kɛ kititigɛlaw ye,

Lok 2nan 34:12

Mɔgɔ nunu ye baara nin kɛ ni tilenninya ye. Levi kɔmɔgɔw Yaati ni Abadiyawu ka bɔ Merari fadenyabolo la, ani Zakariya ni Mesulamu ka bɔ Keyati fadenyabolo la, olu tun be baarakɛla nunu kɔlɔsi. Levi kɔmɔgɔw bɛɛ tun be se fɔli la kosɔbɛ.

Ɛsidarasi 2:40

Minw ye Levi kɔmɔgɔw ye, olu tun ye Yesuwa, ni Kadimiyɛli deenw ye, o kɔrɔ ko Odawiya kɔmɔgɔw, olu tun ye mɔgɔ bi wolonwula ni naani ye.

Ɛsidarasi 3:8

U senin Zeruzalɛmu, Ala ka soo, o saan filanan kalo filanan na, Salatiyɛli dencɛ Zorobabɛli ni Yozadaki dencɛ Zozuwe, n'u tɔɲɔgɔn sarakalasebaga tɔw ani Levi kɔmɔgɔ tɔw, ni mɔgɔ minw bɛɛ kɔsegira ka na Zeruzalɛmu ka bɔ jɔnya la, u ye baara daminɛ, k'a fɔ Levi kɔmɔgɔw ye minw sii sera saan mugan ma ani ka tɛmɛ o kan, ko u ka sigi Masaba ka soo lɔbaara kunna.

Nehemi 3:24

Enadadi dencɛ Binuwi tun be kogo yɔrɔ dɔ lalagara ale kɔfɛ, k'a ta ale Azariya ka soo yɔrɔ la fɔɔ ka taga se kogo gɔngɔrɔyɔrɔ ma, kurubɔyɔrɔ la.

Nehemi 7:43

Levi kɔmɔgɔw cɛma, mɔgɔ bi wolonwula ni naani tun be yen. Olu tun ye Odawiya kɔmɔgɔ Yesuwa ni Kadimiyɛli kɔmɔgɔw ye.