Ɛsidarasi 3:8 - ALA KA KUMA

⁸ U senin Zeruzalɛmu, Ala ka soo, o saan filanan kalo filanan na, Salatiyɛli dencɛ Zorobabɛli ni Yozadaki dencɛ Zozuwe, n'u tɔɲɔgɔn sarakalasebaga tɔw ani Levi kɔmɔgɔ tɔw, ni mɔgɔ minw bɛɛ kɔsegira ka na Zeruzalɛmu ka bɔ jɔnya la, u ye baara daminɛ, k'a fɔ Levi kɔmɔgɔw ye minw sii sera saan mugan ma ani ka tɛmɛ o kan, ko u ka sigi Masaba ka soo lɔbaara kunna.

Jula NT of Côte d’Ivoire

⁸ Izirayɛlimɔgɔw sera Ala ta batoso yɔrɔ ra Zeruzalɛmu san min na, o san flanan na, ani o san karo flanan na, o ka baara damina. Minw ka baara damina, o tun ye Sehalitiyɛli dencɛ Zorobabɛli ye, ani Yosadaki dencɛ Yosuwe, ani o balema tɔw, minw ye sarakalasebagaw* ni Levi* ta mɔgɔw ye, ani minw bɛɛ tun sekɔra ka na Zeruzalɛmu. Levi ta mɔgɔ minw tun ka san mugan sɔrɔ, ani minw tun tɛmɛna o kan, o ka olugu ci ko o ye Matigi Ala ta batoso lɔri baaraw kɔrɔsi.

Ɛsidarasi 3:8 Iomraidhean Croise

Lok fɔlɔ 23:4

Dawuda k'olu cɛma mɔgɔ waa mugan ni naani (24 000) ka bila Masaba ka soo kɔnɔ baara kɔlɔsili kama, ko mɔgɔ waa wɔɔrɔ (6 000) ka kɛ kititigɛlaw ye,

Lok fɔlɔ 3:17

Yekoniya min tun minɛna ka taga Babilɔni, ale deenw filɛ: Salitiyɛli,

Ɛsidarasi 10:18

Sarakalasebagaw cɛma, mɔgɔ minw tun ye siya wɛrɛ musow furu, olu ye: Yozadaki dencɛ Zozuwe n'a badenw, olu deenw cɛma, Maaziya ni Eliyezɛri ni Yaribu ani Gedaliya.

Ɛsidarasi 2:2

U kɔsegira n'u ɲamɔgɔw ye: Zorobabɛli, ani Zozuwe, ni Neemiya, ani Seraya, ni Ereelaya ani Maridose, ni Bilisan, ani Misipari, ni Bigiwayi, ani Ereyumu, ni Baana ye. Olu jɛnkulu mɔgɔ cɛmanw daa filɛ nin ye:

Ɛsidarasi 3:2

Yozadaki dencɛ Zozuwe n'a tɔɲɔgɔn sarakalasebagaw, ani Salatiyɛli dencɛ Zorobabɛli n'a balimaw wilila ka sarakabɔyɔrɔ lɔ Isirayɛli ka Ala ye janko ka saraka jɛnitaw bɔ Ala ye ka kɛɲɛ ni Ala ka mɔgɔ Musa ka sariyasɛbɛ kɔnɔnakuma ye.

Ɛsidarasi 4:24

A kɛra ten, Ala ka soo lɔbaara lɔra Zeruzalɛmu, o lɔra fɔɔ ka na se Pɛrɛsi masacɛ Dariyusi ka masaya saan filanan ma.

Ɛsidarasi 4:3

Nga Zorobabɛli ni Zozuwe ni Isirayɛlidenw ka gwatigi tɔw y'a fɔ u ye ko: «Aw tena fara an kan ka kori ka soo lɔ an ka Ala ye. An le ka kan k'a lɔ Masaba, Isirayɛli ka Ala ye an yɛrɛ ma, ka kɛɲɛ ni Pɛrɛsi masacɛ Sirusi ka kuma ye an fɛ.»

Ɛsidarasi 5:16

Ko Sɛsibasari nin nana dɔrɔn ka Ala ka soo nin juu sigi Zeruzalɛmu, k'a ta o waati ma fɔɔ ka na se bii ma, k'olu b'a lɔra, nga a ma ban fɔlɔ.

Ɛsidarasi 5:2

O la, Salatiyɛli dencɛ Zorobabɛli ni Yozadaki dencɛ Zozuwe wilila ka Ala ka soo lɔbaara daminɛ Zeruzalɛmu. Ala ka kiraw tun tora n'u ye o baara la fana k'u dɛmɛ.

Hagize 1:1

Dariyusi ka masaya saan filanan kalo wɔɔrɔnan tile fɔlɔ loon, Masaba ye kira Aze ci ka taga kuma Salitiyɛli dencɛ Zorobabɛli fɛ, min tun ye Zuda mara lasigiden ye, ani Yewosadaki dencɛ Zozuwe fɛ, min tun ye sarakalasebagaw kuntigi ye. A ko:

Jakariya 6:12

I k'a fɔ a ye ko Masaba, Setigi ko: ‹Cɛɛ dɔ filɛ nin ye, min tɔgɔ ko Yiribolo. Ale sababu la, bolo bena sɔrɔ, ale lo bena Masaba batoso lɔ kura ye.

Jateri 4:3

k'a ta saan bi saba deen ma fɔɔ ka se saan bi duuru ma. Mɔgɔ minw bɛɛ be se ka baara kɛ Ɲɔgɔnkunbɛn fanibugu kɔnɔ.