Ɛsidarasi 10:3 - ALA KA KUMA

³ Sisan an ka layidu ta an ka Ala ye k'a fɔ ko an bena muso nunu bɛɛ n'o deenw gwɛn, ka kɛɲɛ n'i ka ladili ye, ani mɔgɔ wɛrɛw ta, minw bɛɛ be siran an ka Ala ka sariya ɲa. O ka kɛ ka kɛɲɛ ni sariya ye.

Jula NT of Côte d’Ivoire

³ Ayiwa, sisan an ye jɛnɲɔgɔnya* don ni an ta Ala ye, k’a latigɛ ko an bɛna o musow ni o denw bɛɛ labla, o ye taga; an bɛna o kɛ ka kaɲa ni an matigicɛ Ɛsidarasi ta kuma ye, ani an ta Ala ta kuma ɲasiran bɛ mɔgɔ minw na. Sariya ka min fɔ an ye, an y’a kɛ o cogo ra.

Ɛsidarasi 10:3 Iomraidhean Croise

Mas 2nan 11:17

Yoyada y'a kɛ masacɛ ni jama bɛnna ni Masaba ye ko u bena kɛ a ta ye. O kɔ fana, a y'a kɛ masacɛ ni jama ye layidu ta ɲɔgɔn ye.

Lok 2nan 29:10

Sisan ne b'a fɛ ka bɛn ni Masaba, Isirayɛli ka Ala ye janko a dimikojugu kana kɛ sababujugu ye an ma.

Lok 2nan 30:12

Zuda mara la fana, Masaba y'a to jama ka miiriya kɛra kelen ye ka se ka masacɛ n'a ka ɲamɔgɔw ka fɔta kɛ, ka kɛɲɛ ni ale Masaba ka kuma ye.

Lok 2nan 34:21

«Aw ye taga Masaba ɲininga ne, ni Isirayɛli ni Zuda mara mɔgɔ tɔw ye, sɛbɛ nin kɔnɔnakuma koo la u ye min ye. Bari Masaba diminin be an kɔrɔ kosɔbɛ, sabu an faaw ma Masaba ka kuma bato, min be sɔrɔ sɛbɛ nin kɔnɔ, u ma taama ka kɛɲɛ n'o ye.»

Lok 2nan 34:27

Ne Ala kumana yan yɔrɔ nin n'a kɔnɔ mɔgɔw kama ka min fɔ, i y'o mɛn tuma min na, i dusu kasira, i y'i yɛrɛ majigi ne ɲakɔrɔ. I y'i yɛrɛ majigi ne ɲakɔrɔ k'i ka faniw faran, ani ka kasi ne ɲakɔrɔ minkɛ, ne ye mɛnni kɛ. Ne Masaba le ko ten.

Ɛsidarasi 10:11

Sisan aw k'o kojugu nunu fɔ Masaba, aw faaw ka Ala ye, ani k'a sago kɛ. Aw ka faran ka bɔ jamana nin kɔnɔ siyaw, n'u ka musow la.»

Ɛsidarasi 10:44

Olu bɛɛ tun ye siya wɛrɛ musow furu, u dɔw tun ye deenw sɔrɔ u fɛ fana.

Ɛsidarasi 10:9

Zuda kɔmɔgɔw ni Bɛnzamɛn kɔmɔgɔ cɛmanw bɛɛ nana Zeruzalɛmu o tile saba nin kɔnɔ. O tun bɛnna saan kalo kɔnɔntɔnnan tile mugannan loon ma. Jama bɛɛ tun be Ala ka soo ɲafɛ. U tun be yɛrɛyɛrɛla koo nin siranya kosɔn ani sanji fana kosɔn, min tun be benna.

Ɛsidarasi 9:4

Mɔgɔ minw bɛɛ be siran Isirayɛli ka Ala ka kiti ɲa, olu nana ɲɔgɔn lajɛn ne gɛrɛfɛ, Isirayɛliden minw bɔra jɔnya la ka na, olu ka kojugu kosɔn. Ne hakili ɲagaminin sigira fɔɔ ka taga se wulafɛ saraka bɔwaati ma.

Nehemi 10:1

Koo minw tun y'an sɔrɔ olu kosɔn, an y'a latigɛ sɔbɛ la k'an daa di k'o kɛ sɛbɛ ye. An ɲamɔgɔw ni Levi kɔmɔgɔ minw b'an cɛma, ni an ka sarakalasebagaw, y'u bulonɔ bila sɛbɛ nin kan.

Nehemi 8:14

U y'a ye Sariyasɛbɛ nin kɔnɔ ko Masaba tun y'a fɔ Musa barika la ko Isirayɛlidenw tun ka kan ka to gwataw kɔrɔ saan kalo wolonwulanan ɲanagwɛ tuma na.

Zaburu 119:120

E ɲasiranya be ne yɛrɛyɛrɛ. Ne be siran e ka kiti ɲa.

Zaburu 119:59

Ne ye n taamacogo sɛgɛsɛgɛ. Ne b'a fɛ ka segi i ka fɔtaw ma.

Ezayi 66:2

Ne le y'o fɛɛn nunu bɛɛ dan, o bɛɛ ye ne bulonɔ ye. Ne Masaba le ko ten. Mɔgɔ min b'a yɛrɛ majigi, mɔgɔ min dusu b'a jalaki, mɔgɔ min be siran ne ɲa ka sɔn n ka kuma ma, ne b'o tigi le filɛ.

Ezayi 8:20

aw k'u jaabi ko u ka mɛnni kɛ Masaba ka kuma la. Ni mɔgɔ minw ka fɔta ma bɛn o ma, olu yɔrɔ ka jan kɛnɛ la.

Ezekiyɛli 9:4

k'a fɔ a ye ko: «Taga Zeruzalɛmu dugu yaala. Mɔgɔ minw dusu kasinin lo, n'u be kasira kokolonw bɛɛ kosɔn minw be kɛra dugu kɔnɔ, i ka taamasiɲɛ la olu teen na.»

Sariya 29:12

janko k'aw kɛ a ka jama ye bii, ani ka kɛ aw ka Ala ye, i n'a fɔ a y'a daa di aw bɛma Ibrayima, ni Isiyaka, ani Yakuba ma cogo min na.

Yosuwe 9:6

U tagara Zozuwe ni Isirayɛlidenw fɛ u sigiyɔrɔ la Giligali k'a fɔ u ye ko: «An bɔra jamana dɔ la min yɔrɔ ka jan, an b'a ɲini i fɛ, i ka to an be bɛn.»