Ɛsidarasi 1:4 - ALA KA KUMA

⁴ Jama nin tɔɔ be mara o mara kɔnɔ, o yɔrɔ mɔgɔw ka warigwɛ, ni sanu, ani minanw ni begɛnw di u ma, ani k'u boɲa ni fɛɛnw ye Ala ka soo lɔko kama Zeruzalɛmu.› »

Jula NT of Côte d’Ivoire

⁴ A ta mɔgɔ tɔ minw tora, ni olugu ka kɛ jamana yɔrɔ o yɔrɔ ra, o sigiɲɔgɔn minw bɛ o yɔrɔw ra, olugu ye o sɔn warigbɛ ni sanin na, ka fɛnɲuman caman di o ma, ani bɛganw, ani o diyanya sarakaw*, o bɛna taga min bla Ala ta batoso kɔnɔ, Ala min bɛ Zeruzalɛmu.»

Ɛsidarasi 1:4 Iomraidhean Croise

Lok fɔlɔ 29:17

N ka Ala, n y'a lɔn ko i be mɔgɔ kɔnɔnako lɔn, ko tilenninya fana le ka d'i ye. Ne ye fɛɛn nunu di ni kɔnɔgwɛ ye nisɔndiya la. N y'a ye fana ko i ka jama min lajɛnnin be yan, olu y'i boɲa ni dusudiya ye.

Lok fɔlɔ 29:3

Ne ka Ala ka soo koo ka di ne ye minkɛ, o la, sanu ni warigwɛ min ye ne ta ye, n'o ma labɛn soo nin kama, n b'o fana di ka fara labɛnnin ta kan, Yɔrɔ Senuman lɔko kama.

Lok fɔlɔ 29:9

Jama tun nisɔndiyara u ka boɲafɛn nunu diko la, bari mɔgɔ tun ma u karaba u ka sɔrɔ k'o kɛ Masaba ye. Masacɛ Dawuda fana tun nisɔndiyara kosɔbɛ.

Lok 2nan 31:14

Levi kɔmɔgɔ Yimuna dencɛ Kore min tun ye kɔrɔn fɛ daa kɔlɔsibaga ye, bololafɛn minw tun be di Ala ma, ale tun b'o koo kunna. Fɛɛn minw dira Masaba ma, a tun be to k'o ni boɲafɛn nunu tilantilan.

Ɛsidarasi 1:3

Aw jamanadenw cɛma, mɔgɔ o mɔgɔ y'a ka mɔgɔ ye, aw ka taga Zeruzalɛmu, Zuda mara la ka Masaba, Isirayɛli ka Ala ka soo lɔ, ale Ala min be Zeruzalɛmu. Aw ka Ala ka to n'aw ye.

Ɛsidarasi 1:5

A kɛra ten, gwatigi minw ye Zuda kɔmɔgɔw ye, ni Bɛnzamɛn kɔmɔgɔw, ani sarakalasebagaw, ni Levi kɔmɔgɔ tɔw, ani Masaba tun ye miiriya don mɔgɔ o mɔgɔ la, u bɛɛ wilila ka taga Zeruzalɛmu k'a ka soo lɔ.

Ɛsidarasi 9:15

Masaba, Isirayɛli ka Ala, e le tilennin be, anw le ye an ka siya tɔɔ ye bii. Anw filɛ nin ye i ɲakɔrɔ, n'an ka kojuguw ye. Mɔgɔ si do te se ka lɔ ten i ɲakɔrɔ.»

Bɔri 35:29

Masaba tun ye fɛɛn min fɔ Musa ye ni Musa y'o fɔ Isirayɛlidenw ye, k'u ka baara min kɛ, mɔgɔ minw dusu tun ka di, muso fara cɛɛw kan, u nana ni diyanaboɲafɛnw ye k'u di Masaba ma o baara kama.

Ezayi 10:21

U tɔɔ bena kɔsegi, Isirayɛlidenw tɔɔ bena kɔsegi Ala Fangatigi ma.

Kɛwalew 24:17

«Ne ye saan damani kɛ n tun te Zeruzalɛmu. O kɔ, n segira ka na dɛmɛfɛn di n ka siya ma, ani ka saraka bɔ Ala ye.

Galasikaw 6:2

Aw ka ɲɔgɔn doni ta. O la, aw bena Krista ka sariya bato.