Ɛsidarasi 1:2 - ALA KA KUMA

² «Pɛrɛsi masacɛ Sirusi le ye kuma nin fɔ ko: ‹Masaba, Sankolotigi Ala ye ne kɛ masa ye jamana bɛɛ kunna, ale yɛrɛ fana le y'a ɲini ne fɛ ko n ka ta'a batoso lɔ Zeruzalɛmu, Zuda mara la.

Jula NT of Côte d’Ivoire

² «Ne, Sirusi, Pɛrɛsi jamana masacɛ le ko: Matigi Ala, sankolo tigi Ala ka dugukolo masayaw bɛɛ di ne ma. A ko ne ye Alabatoso dɔ lɔ ale ye Zeruzalɛmu, Zuda mara ra.

Ɛsidarasi 1:2 Iomraidhean Croise

Mas fɔlɔ 8:27

«Ala, i bena sɔn ka to dugukolo kan sɔbɛ la wa? I te kun sankolo kɔnɔ, sankofɛrɛ ne ka soo lɔnin nin kɔnɔ!

Lok 2nan 2:12

Ne be mɔgɔ dɔ ci i ma sisan min be se baara la kosɔbɛ, n'a hakili ka di. A tɔgɔ ko Iramu Abi.

Ɛsidarasi 1:5

A kɛra ten, gwatigi minw ye Zuda kɔmɔgɔw ye, ni Bɛnzamɛn kɔmɔgɔw, ani sarakalasebagaw, ni Levi kɔmɔgɔ tɔw, ani Masaba tun ye miiriya don mɔgɔ o mɔgɔ la, u bɛɛ wilila ka taga Zeruzalɛmu k'a ka soo lɔ.

Ɛsidarasi 3:7

U ye wari di kabakurulɛsɛbagaw ni yirilɛsɛbagaw ma, ka dumuni ni minnifɛn ani tulu di Sidɔnkaw ni Tirikaw ma janko olu ka sɛdiriyiriw ta Liban k'o don kurun kɔnɔ ka na n'o ye fɔɔ Zafa, ka kɛɲɛ ni Pɛrɛsi masacɛ Sirusi ka fɔta ye.

Ɛsidarasi 4:3

Nga Zorobabɛli ni Zozuwe ni Isirayɛlidenw ka gwatigi tɔw y'a fɔ u ye ko: «Aw tena fara an kan ka kori ka soo lɔ an ka Ala ye. An le ka kan k'a lɔ Masaba, Isirayɛli ka Ala ye an yɛrɛ ma, ka kɛɲɛ ni Pɛrɛsi masacɛ Sirusi ka kuma ye an fɛ.»

Ɛsidarasi 5:15

Ko a tun y'a fɔ ale ye ko a ka taga u bila Zeruzalɛmu, Alabatoso kɔnɔ. A y'a fɔ fana k'u ka Ala ka soo lɔ tugu a yɔrɔkɔrɔ la.

Ɛsidarasi 6:10

janko u ka se ka to ka sarakaw bɔ Sankolotigi Ala ye minw ka d'a ye, ani k'a daali masacɛ n'a deenw ka hɛrɛ kosɔn.

Ɛsidarasi 6:3

«Masacɛ Sirusi ka masaya saan fɔlɔ la, a ye sira di ko Ala ka soo ka lalaga ka lɔ Zeruzalɛmu, ka kɛ sarakabɔyɔrɔ ye, a tun be yɔrɔ min na ka kɔrɔ. A jaɲa sanfɛ ka kɛ mɛtɛrɛ bi saba ye, a kɔnɔ boɲa ka kɛ mɛtɛrɛ bi saba ye fana.

Ɛsidarasi 7:12

A ko: «Ne Aritasɛrisɛsi, masacɛw ka masa, ne be sarakalasebaga ni Sankolotigi Ala ka sariya karamɔgɔ Ɛsidirasi fo.

Nehemi 1:4

Ne y'o kuma mɛn tuma min na, ne sigira ka kasi. Ne ye tile damani kɛ o dusukasi la. Ne tun ye suun don ka Sankolotigi Ala daali ko:

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Zaburu 136:26

Aw ka barika la Sankolotigi Ala ye, a ka ɲumanya te ban abada!

Zaburu 85:2

Masaba, e y'i ka ɲumanya kɛ i ka jamana ye. Isirayɛliden minw tun minɛna ka taga, i y'a kɛ olu kɔsegira ka na.

Zanaw 21:1

Masacɛ hakili be i ko jii woyota Masaba bolo. Yɔrɔ min man'a diya, a b'a ɲasin yen.

Ezayi 41:2

Jɔn le y'a kɛ sesɔrɔbaga bɔra kɔrɔn fɛ ka na? A seen lako kelen kelen bɛɛ, a be see sɔrɔ. Jɔn le ye siyaw don a bolo ka masaw majigi? A ka murujan b'u yɛrɛkɛ i ko buguri, a ka biɲɛw b'u jɛnsɛn i ko fɔɲɔ ye biin min jɛnsɛn.

Ezayi 44:26

Ne ka baarakɛla be kuma min fɔ, ne ka cidenw be koo min fɔ, n ben'a to o be kɛ. Ne b'a fɔ ko mɔgɔw bena sigi Zeruzalɛmu tugu, ko Zuda mara duguw ka lɔ kura ye, ne bena tomow wili.

Ezayi 44:28

Ne b'a fɔ Sirusi koo la, ko: ‹N ka jama kɔlɔsibaga lo.› A bena ne diyanako bɛɛ kɛ. Ale ben'a fɔ ko Zeruzalɛmu ni ne batoso ka lɔ kura ye.»

Ezayi 45:1

Masaba be kuman'a ka mɔgɔ wolomanin Sirusi fɛ, a ye min minɛ a bolo ma. A y'a latigɛ ko a bena siyaw majigi, ka masaw ka fanga bɔsi u la. Masaba bena duguw dondaw yɛlɛ a ɲa, u si tugunin tena to. A ko Sirusi ma:

Ezayi 66:1

Masaba ko: «Sankolo ye n ka masasigilan ye, dugukolo ye n seen bilayɔrɔ ye. Aw do bena se ka boon jumɛn lɔ ne ye? Yɔrɔ jumɛn bena kɛ ne ka lafiɲɛyɔrɔ ye?

Yeremi 10:11

«Aw ben'a fɔ u ye ko: Batofɛn minw ma sankolo ni dugukolo dan, olu bɛɛ bena tunu ka bɔ diɲɛ na.»

Yeremi 27:5

Ne le ye dugukolo, ni mɔgɔw, ani begɛnw dan ni n ka fanga ni n ka setigiya ye. Ni ne b'a fɛ ka dugukolo di mɔgɔ min ma, n b'a di o tigi ma.

Yeremi 29:10

Masaba ko: «Ni Babilɔni masaya dafara saan bi wolonwula, ne bena janto aw la. Ne tun ye n daa di aw ma ɲumanya min la ko aw bena segi ka na yan minkɛ, ne ben'a kɛ aw be segi ka na yan yɔrɔ la.

Daniyɛli 1:21

Daniyɛli tora ten masacɛ ka luu kɔnɔ fɔɔ Sirusi sigira masaya la saan min na.

Daniyɛli 2:21

Ale lo be koow n'u waatiw yɛlɛmayɛlɛma. Ale lo be masaw sigi masaya la, ale lo b'u bɔ a la fana. Ale lo be lɔnniya di lɔnnikɛlaw ma, ka faamuli di hakilitigiw ma.

Daniyɛli 2:28

Nga, Ala min be sankolo la, n'a be kodogoninw yira, a ye koo nata yira masacɛ Nabukodonozɔri la. I ka siko, n'i ye fɛɛn minw ye k'i to i ka dilan kan, o filɛ nin ye:

Daniyɛli 4:25

Koo nin bɛɛ kɛra masacɛ Nabukodonozɔri la.

Daniyɛli 4:32

Adamadenw te foyi ye a ɲana. Sankolo la setigiw faan fɛ, adamadenw faan fɛ, min ka d'a ye, a b'o le kɛ. Mɔgɔ si te se ka Ala bali koo la, mɔgɔ si te se k'a sɔsɔ.

Daniyɛli 5:23

I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Daniyɛli 6:25

O tuma na, masacɛ y'a fɔ ko mɔgɔ minw tun ye Daniyɛli jalaki, k'u ka na n'u ye k'u fili jaraw fɛ dingɛ nin kɔnɔ, olu n'u ka musow n'u deenw. U y'u fili dingɛ kɔnɔ, sanni u ka se dingɛ daan na, jaraw girinna u kan k'u kolow karikari.

Yunusu 1:9

A y'u jaabi ko: «Ne ye eburu ye, Masa Ala, Sankolotigi, min ye kɔgɔji ni dugukolo dan, ne be ale lo bato.»